➤立即下載U Lifestyle App➤詳情懶人包有冇人同小編一樣，每年一到春夏季節就會好想周圍賞花打卡！唔講唔知，深圳原來收埋咗好多超靚嘅賞花公園！今次精選出深圳6個必去景點，有超浪漫嘅紫色馬鞭草花海，仲有仿荷蘭風車小鎮，隨手影都好似置身畫中一樣！即刻save低呢份賞花清單，準備出發打卡啦～---------------【Chill賞親子玩樂祭🎉】全港爸媽最強「親子Chill玩攻略」正式上線！每次放假都要諗帶仔女去邊玩真係R爆頭😵💫！U Community社群已經為各位爸媽準備好「Chill賞親子玩樂祭」，無論係全港最新放電位、隱世打卡點，定係親子旅遊攻略同育兒心得，一應俱全！仲有一系列主題樂園門票、酒店Staycation及人氣產品免費試用試玩活動等住您！緊貼「Chill賞親子玩樂祭」最新親子攻略 ---------------1. 東湖公園東湖公園係好多深圳人嘅集體回憶，亦係超熱門嘅賞花景點！距離羅湖喜薈城約6分鐘路程，裡面入面除咗有大草地、湖泊同動物園，最正嘅就係佢片花海～社群U Creator近期去公園輕鬆打卡一大片格桑花海，甚至仲有紫藤花添！無論打卡花海定係散步放鬆，都係絕佳景點啊！地址：羅湖區黃貝街道愛國路4006號交通：深圳地鐵2/8號線「蓮塘口岸站」C出口步行15分鐘> “worldfoodiemap” 分享東湖公園花海照<點擊圖片放大 +5 ---------------2. 觀瀾河濕地公園呢個公園位於龍華區，以粉橙色嘅美人蕉聞名，由 6 個濕地生態區組成。分別種有水生美人蕉、香根草等多款植物。最為人所知嘅美人蕉花期長達2個月，除咗賞花之外，仲可以嬉水、觀鳥、大大個蓮花池，各種親親大自然活動應有盡有，親子野餐露營就最啱！美人蕉花期：3月至5月地址：龍華區福城街道永順街（觀瀾河中遊竹村段）交通：深圳地鐵4號線「竹村站」D出口步行約15分鐘> “Krystal” 詳細分享觀瀾河濕地公園美人蕉賞花資訊<點擊圖片放大 +7 ---------------3. 觀瀾湖生態運動公社繼大受歡迎嘅櫻花展之後，呢度搖身一變成為「繡球花天堂」！今年係觀瀾湖第一屆繡球花展，超過5000株繡球花盛開，形成一片紫藍粉色花海勁夢幻！而且公社內仲有齊各種娛樂項目：滑雪場、動物園、卡丁車等等，最適合親子週末去放電！花展日期：2026年4月3日至5月10日地址：龍華區觀瀾街道高爾夫大道1號交通：深圳地鐵4號線「觀瀾湖站」B/C出口步行至觀瀾湖新城轉乘穿梭巴士點擊圖片放大 +11 ---------------4. 仙湖植物園鍾意賞花嘅朋友，一定聽過羅湖區呢個國家4A級景點 —「仙湖植物園」！園內種有約12,000種植物，每年春夏季必去打卡位梗係6層高嘅「粉紫色簕杜鵑瀑布」，喺停車場影上去超震撼！記得打卡埋鏡面湖泊啊～秋冬更可打卡著名嘅落羽杉，仲有其它七彩花海輕鬆打卡，絕對係都市散心之選！地址：羅湖區蓮塘街道仙湖路160號交通：深圳地鐵2/8號線仙湖路站C3出口步行8分鐘> “WaiWai Ng” 分享仙湖植物園打卡照<點擊圖片放大 +4 ---------------5. 陌上花公園位於寶安區嘅「陌上花公園」同樣都係本地人週末散心消遣嘅熱門好去處。園內有住四季分明嘅花海，又被稱為深圳版「阿勒泰」。現時春夏限定紫色馬鞭草盛開中，成片紫色花田勁似普羅旺斯！初春可以打卡到金黃油菜花田，而秋季仲可以打卡到限定超夢幻少女粉黛草及狗尾草交織嘅畫面！一年四季都可以感受到呢個療癒嘅花花世界～地址：寶安區石岩環湖碧道陌上花公園交通：搭乘M257/M310/M335/M355路至陌上花公園站，步行10分鐘馬鞭草花期：4月至5月中> "hohoyan" 打卡陌上花公園秋季限定鳳尾雞冠花<點擊圖片放大 +11 ---------------6. 荷蘭花卉小鎮唔使飛歐洲，喺深圳南山區都感受到荷蘭風情！作為一個歐陸式花園，佢除咗有各種花叢及荷蘭特色風車俾大家打卡之外，呢度本身係個大型花卉市場，鮮花種類多到數唔晒，而且價錢仲要¥100就有大大紮花！無論係去感受異國風情定係行花市，呢度都係最佳選擇！地址：南山區南頭月亮灣大道3008號> "copperlui" 分享荷蘭花卉小鎮買花攻略<點擊圖片放大 +12 *開花品種及花況受天氣影響，視季節變動，以上資訊只供參考。*建議出發前查詢最新官方情報。部分公園或需提前預約（如仙湖植物園），建議透過相關官方公眾號查閱。《Chill賞親子玩樂祭👨👩👧》爸媽Creator 大募集📢親子活動搶先試 • 邊玩邊攞獎 ▶ https://ulapp.hk/7jqn5🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。圖片來源：深圳龍華微信公眾號、深圳觀瀾湖MHMALL微信公眾號、社群U Creator@worldfoodiemap、@Kayla Chan、@hohoyan、@WaiWai Ng、@海馬媽媽
