➤立即下載U Lifestyle App➤詳情懶人包北角或鰂魚涌打工仔，每日最煩惱嘅絕對係「放lunch食咩好」！唔想食嚟食去都係嗰幾間連鎖餐廳，小編幫大家整理好由社群U Creator實測推介10間必食餐廳，無論係厚切牛舌、爆紅湯咖哩，定係牛丼飯通通都有，鰂魚涌北角打工仔即刻save低解決選擇困難～ 📌---------------【Chill賞親子玩樂祭🎉】全港爸媽最強「親子Chill玩攻略」正式上線！每次放假都要諗帶仔女去邊玩真係R爆頭😵💫！不過U Community社群已經為各位爸媽準備好「Chill賞親子玩樂祭」！無論係全港最新放電位、隱世打卡點，定係親子旅遊攻略同育兒心得，一應俱全！仲有一系列主題樂園門票、酒店Staycation及人氣產品免費試用試玩活動等住您！緊貼「Chill賞親子玩樂祭」最新親子攻略 ---------------1. 樓下冰室作為蕃茄湯控一定要食呢間「樓下冰室」，分別於荃灣、觀塘及鰂魚涌都有分店。每日午市時段都幾乎坐滿人，亦都係唔少鰂魚涌打工仔首選冰室～招牌「瑞士汁雞髀」、特色「麻辣蕃茄濃湯通粉」都係眾多網民推介必食之選！地址：鰂魚涌英皇道967號地舖點擊圖片放大 +3 ---------------2. 秋嵐日本料理作為牛舌控嘅您絕不容錯過鰂魚涌東匯坊呢間爆紅牛舌小店！主打厚切牛舌，飽滿嘅口感又被稱為港版「牛舌の檸檬」！定食只需約HK$158/位，就歎到超厚身牛舌，連埋豐富沙律、茶碗蒸、麵豉湯、咖喱牛舌等配菜，仲有甜品。唔使飛日本都食到同樣高質嘅厚切牛舌啦！地址：英皇道1010號東匯坊地庫72號舖> “DollyLing” 分享鰂魚涌爆紅日式牛舌小店食評<點擊圖片放大 +3 ---------------3. Sage & Salt睇相仲以為呢度係東南亞，太古坊附近嘅打工仔必食呢間熱帶風泰國菜餐廳——「Sage & Salt」，就連員工都著住夏威夷風襯衫制服！餐廳分為室內、室外兩大區域，無論午市放飯或者晚市聚餐都超適合！社群U Creator推介必食「泰式豬頸肉沙律」、「瑪莎拉燴羊膝」，份量充足而且肉質鮮嫩，泰菜控一定要bookmark低！地址：英皇道979號太古坊電訊盈科中心地下5號舖> “CTC 搵食攻略” 帶您睇更多泰菜餐廳必點美食<點擊圖片放大 +8 ---------------4. Dear Grey隱藏於北角一條小巷入面，原來有間咁高質嘅牛丼飯餐廳？！呢間「Dear Grey」裝修懷舊復古，分別設有室內及室外座位，雖然空間唔大，但食物高質，好適合打卡！熱門菜式必點「黑安格斯封門柳溫泉蛋丼飯」，仲有社群U Creator推介「費城芝士牛排丼飯」、「忌廉蟹肉薯餅」等等，唔怕冇嘢好揀，只怕選擇困難！地址：北角錦屏街(後街)26號東發大廈B座35A地舖（書局街入口）> “msfood__special” 推介北角錦屏街必食牛丼飯餐廳<點擊圖片放大 +6 ---------------5. 那個提到北角必食台灣菜，冇可能冇「那個」份！無論午市定晚市都長期排長龍，想食都未必食到！餐廳主打台式便當、手工麵等等。社群U Creator點咗招牌滷排骨便當及嘉義雞肉飯，全部都係大大份好足料，平均HK$60就食到，CP值極高！地址：北角英皇道483-497號東寶大廈地下C-D號舖> 即睇 “Bilibaeat” 分享人氣台式餐廳真實食評<點擊圖片放大 +2 ---------------6. 坐忘The Camper's另一間鰂魚涌爆紅日式小食，非「坐忘」莫屬！由日本人主理，分別喺鰂魚涌同天后設有分店，堅持無味精及多菜少油料理，放心零罪惡感去食！除咗必食爆紅「豬軟骨野菜咖喱飯」之外，社群U Creator仲力推「黑芝麻牛肋野菜咖喱飯」，芝麻味同咖喱味意外融合，放飯必食！地址：濱海街13號中興大廈地舖> “xypiggy.eat” 分享坐忘咖喱飯食評<點擊圖片放大 +3 ---------------7. 二十道收工想搵間居酒屋同朋友聚舊，不妨去呢間「二十道」！唔好俾個名呃到以為係二十道菜啊，其實係指餐廳食物採用共20道色、味、手法、溫度等元素炮製出多款組合菜式！招牌牛舌拉麵鮮甜有層次感，西班牙豚肉拉麵都係社群U Creator推介，套餐絕對係高性價比之選！地址：北角七姊妹道193號遠東大廈地下A號舖> “小薯の日常” 同您分享更多二十道居酒屋食咗咩<點擊圖片放大 ---------------8. 越之廚今餐想食越南菜，咁就要去試下海光街呢間「越之廚」啦！唔單止由越南人經營，就連全體廚師班底都係越南人，保證食到最正宗越南料理！澳洲和牛湯河入口即溶，小食拼盤有齊越南春卷、牛油雞翼、蒸粉包、鮮蝦墨魚餅、香料及生菜等自家製小食，湯檬都鮮味十足，越菜控必食！地址：鰂魚涌海光街6號地舖> "maggie mok" 分享越之廚必點推介<點擊圖片放大 +11 ---------------9. Asiri另一間由一對日本夫婦主理嘅湯咖喱店位於海光街～「Asiri」以北海道美食為主題，老闆曾親自走訪北海道各個城市，並鑽研當地特色料理！社群U Creator推介必食招牌北海道｢湯咖喱｣，咖喱香濃完全唔油膩，最後食到一啖都冇剩。地址：鰂魚涌海光街11號漢威大廈地下1A號舖 > “brownlyeat” 分享海光街人氣湯咖喱店更多食評<點擊圖片放大 +8 ---------------10. 貴緣小鍋米線米線控又有冇食過「貴緣小鍋米線」呢！主打正宗雲南風味米線，以無味精湯底，每日採用大量豬骨新鮮長時間熬製而成，開業十多年至今仍大受歡迎！「特濃新鮮蕃茄湯米線」豬骨味濃郁，配料有豬軟骨、滷水雞翼、肥牛、魚肉春卷等豐富選擇，堂食定外賣都係必點！地址：北角和富道21-53號和富B樓B15-16號舖> “Hkcyeatallday” 分享貴緣米線必點配料及食評<點擊圖片放大 +5 ---------------《Chill賞親子玩樂祭👨👩👧》爸媽Creator 大募集📢親子活動搶先試 • 邊玩邊攞獎 ▶ https://ulapp.hk/amms7🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。圖片來源：IG帳戶@downstairscafehk、社群U Creator@DollyLing、@CTC搵食攻略、@msfood__special、@Bilibaeat、@xypiggy.eat、@小薯の日常、@maggie mok、@brownlyeat、@Hkcyeatallday
