➤立即下載U Lifestyle App➤詳情懶人包想感受最地道嘅香港飲食文化，一於跟住《食神》、《新不了情》等多部港產片去廟街掃街啦！小編今次就整合出社群U Creator實測廟街美食地圖，掃街小食加埋附近嘅隱藏餐廳通通有齊，想食到最地道嘅廟街美食，就要save低呢篇文，再去社群睇更多美食攻略啦！ 🤤----------------油麻地廟街必食｜掃街小食清單油麻地廟街美食雲集，選擇多到唔知由邊度開始食起！社群U Creator——Vivian Lam就精選出廟街必食港式小食清單及超詳細掃街路線攻略，即刻去睇點樣打卡啦！👉🏻 https://ulapp.hk/pjqsa點擊圖片放大 +10 ----------------油麻地廟街必食｜廟街餐廳推介1. 麥文記麵家嚟到廟街又點少得幫襯附近嘅米芝蓮推介餐廳「麥文記麵家」，而且人均HK$50內就可以食到！雖然店內裝潢簡單樸素，但食物充滿驚喜。招牌鮮蝦雲吞麵係唔少食客必點之選，以鴨蛋製作嘅自家製麵條口感爽彈，雲吞粒粒足料，粉麵控絕對唔可以錯過！地址：佐敦白加士街51號地舖點擊圖片放大 +3 ----------------2. 媽咪雞蛋仔提到香港必食雞蛋仔店，「媽咪雞蛋仔」一定榜上有名！主打外皮鬆脆內裡煙韌嘅雞蛋仔，有多款口味雞蛋仔、格仔餅同飲品選擇。社群U Creator推介必食「抹茶麻糬雞蛋仔」，「伯爵茶」、「雙重芝士」、「粒粒朱古力」都係經典必食之選～地址：佐敦廟街219號地舖> "peonyiuu" 分享香港必食雞蛋仔專門店<點擊圖片放大 +6 ----------------3. 興記煲仔飯入廟街點可以唔食煲仔飯！呢間「興記煲仔飯」就係廟街煲仔飯當中嘅名店，開業至今超過40年。主打用炭爐即煲嘅煲仔飯，而且份量十分足，飯焦香脆，因此大受港人同遊客歡迎！而且煲仔飯選擇都超豐富，推薦必點臘腸滑雞煲仔飯、煎蠔餅！地址：油麻地廟街12, 14, 15, 17, 19號地舖> "nom_travel" 分享廟街人氣煲仔飯食評<點擊圖片放大 +13 ----------------4. 四季煲仔飯相信另一間人氣煲仔飯餐廳——四季煲仔飯都係唔少居民嘅童年回憶！社群U Creator推介必食經典「香菇臘腸排骨飯」，香菇厚身足料而且鹹香適中，另外「鴨蛋蠔餅」都係唔少網民認為必點推介！餐廳開到凌晨1點，最適合夜貓子做宵夜！地址：油麻地鴉打街46-58號地舖> “eggegg” 分享四季煲仔飯必點菜式及排隊攻略<點擊圖片放大 ----------------5. 牛舌食堂經過廟街想食牛舌，不如去呢間「牛舌食堂」！主打日本仙台風味厚切牛舌，有多款配搭嘅牛舌料理選擇，由燒烤到燉煮、丼飯、湯應有盡有！而且牛舌都係即叫即燒，社群U Creator推介「和風豚五花佐牛舌尖」，肉質鮮嫩而且份量唔少，牛舌控絕對會滿載而歸！地址：佐敦廟街273-285號4號舖寶發大廈地下>牛舌控 "msfood__special" 同您打卡廟街牛舌食堂<點擊圖片放大 +9 ----------------6. 泰簡HTIKE EASY想喺香港食到緬甸菜，廟街原來都有！呢間「泰簡」係香港少有嘅緬甸菜餐廳，主打原汁原味嘅緬甸同東南亞美食！餐廳充滿藤編、盆栽等熱帶元素，加上都有唔少緬甸華僑幫襯，唔講以為自己去咗東南亞！招牌緬甸魚湯粉、咖哩、一人冬陰公火鍋都係必食之選～地址：佐敦廟街273-285號寶發大廈地下5號舖> “Wcs.foodie” 分享香港緬甸菜餐廳食評<點擊圖片放大 +4 ----------------7. 幸運茶點點心作為點心控嘅您，經過廟街一定要朝聖呢間由前米芝蓮主廚主理嘅「幸運茶點點心」～主打即叫即蒸嘅傳統點心及創新點心，款式超多選擇！社群U Creator就推介櫻花蝦蘿蔔糕、蔥花炸兩腸、鮮蝦菜苗餃等經典點心，全部都超新鮮，晚餐想食點心嘅您不妨去試下有幾好食！地址：佐敦廟街239號地下D及E號舖> “msfood__special” 分享幸運茶點點心推介及攻略<點擊圖片放大 +9 ----------------🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。圖片來源：IG帳戶@hingkeehk、@htikeeasy、FB帳戶@麥文記麵家 Mak Man Kee Noodle Shop、社群U Creator @Vivian Lam 、 @peonyiuu 、 @nom_travel 、 @eggegg、 @msfood__special 、 @Wcs.foodie
