➤立即下載U Lifestyle App➤詳情懶人包身邊總會有一位朋友，weekend唔係拖埋喼上深圳山姆超市，就係去Costco掃貨嘅路上！但除咗山姆同Costco外，深圳仲有好多高性價比超市等大家發掘！今日小編整理出社群U Creator推介7大深圳必去超市全攻略，隨文附上超市必買人氣商品清單，等您唔使再盲舂舂，照住清單精準掃貨！✅🛒-----------------【快閃送⚡】主題樂園門票100張！復活節假有咩親子活動plan，社群現時送您主題樂園門票，帶您週末長假期去坐纜車、探望大熊貓、玩機動遊戲！即日起至2026年3月18日，簡單登記即有機會贏走主題樂園門票兩張～我想去主題樂園放電 -----------------1. 山姆超市近年港人北上掃貨熱門超市非「山姆超市」莫屬，佢係美國沃爾瑪旗下嘅儲倉式超市，目前喺深圳有4間門市！超市採用付費會員制，需要事前去APP申請會籍先可以俾錢買嘢，主要銷售大包裝而且高性價比嘅美食、生活用品，因此吸引唔少港人拖埋喼去掃貨！必買「無糖芝麻酥」、「海鹽蘇打餅乾」、「麻糬波波」等等～> “Eyefoodfood” 拍片分享山姆超市有咩咁好行<📍地址：南山區桂灣三路1（深圳旗艦店）點擊圖片放大 +6 -----------------2. COSTCO同樣來自美國嘅儲倉式超市仲有「COSTCO」，亦都係港人去深圳掃貨熱點！同樣需要預先下載App或者微信小程式預先申請會籍，超市售賣過萬款麵包、零食、蔬果、生活用品，網民推介必買「草莓生乳麵包」、「太二酸菜魚」、「菠蘿泡芙」、「松屋牛肉飯」等人氣商品！📍地址：龍華區民治街道民達路68號（深圳旗艦店）點擊圖片放大 +3 -----------------3. 盒馬鮮生另一間大受港人吹捧嘅深圳超市，一定係「盒馬鮮生」！係阿里巴巴旗下嘅超市，於深圳設有近20間門市，就連福田、皇庭廣場等港人熱點都有。「盒馬」最特別嘅位就係佢每間門市都有個大型海鮮缸，客人可以自己挑選生猛海鮮即場撈起，仲可以即場加工即場食～必買商品包括「肉鬆小貝」、「麻糬波波」、「榴槤千層蛋糕」。📍地址：羅湖區梅園路71號深圳萬象食家B2層> “Twins Foodie Diary” 分享更多盒馬鮮生掃貨攻略<點擊圖片放大 +2 -----------------4. Sp@ce天虹超市3.0去華強北唔好錯過呢個全新升級超級市場——天虹超市3.0，係繼寶安區同龍崗區後第三間Sp@ce門市！超市設有一站式海鮮加工場，新鮮生蠔、鮑魚、大蝦、大閘蟹等海鮮即買即煮即食，仲有專為港人過關設計嘅密封包裝！除咗可以輕鬆逛熟食、鮮花、零食區之外，仲有大量試食專區，有齊三文魚、蛋撻、牛扒等美食$0食到飽！📍地址：福田區中航路中航城君尚購物中心E區2樓> “Sabrina Lau” 分享華強北超市掃貨攻略<點擊圖片放大 +11 -----------------5. 永輝超市有中國「超市一哥」之稱嘅永輝超市分別喺羅湖益田假日廣場、福田卓悅匯、星河COCO Park、寶安大仟里等熱門商場都有分店，主打高性價比商品及多款式熟食。近年學習「胖東來模式」重新調整營運模式，引入多款胖東來爆紅產品，排長龍都會有職員貼心送上支裝水。熟食區必買「秘滷肉腸」、「雞架」、零食必買「黑松露餅乾」、「烘焙蛋糕」等。📍地址：深圳中康路126號卓悅滙店負二樓> “jacko_dailylife” 分享永輝超市熟食區有咩選擇<點擊圖片放大 +12 -----------------6. 七鮮超市 呢間位於福田區嘅「七鮮超市」同樣大受港人歡迎！作為京東自營超級市場，商品質素保證！除咗有售賣多款即煮及熟食海鮮、現製脆皮燒肉、多款超平大閘蟹之外，買完仲可即場加工添！人氣商品包括「小龍蝦」、神似Olive Young嘅「貝果脆片」、「栗米蛋撻」、肉鬆迷必買「紅豆鬆鬆」～📍地址：福田水圍社區金田路1013號銀莊大廈裙樓1層A112舖> “敗家師奶” 分享詳細七鮮超市購物清單<點擊圖片放大 +14 -----------------7. RT-MART大潤發超市大潤發超市同樣採用會員制，喺中國多個城市設立逾500間門市，其中喺深圳有2間門市。呢間大型超市最特別就係每年都會舉辦「均一價」促銷活動，包括逾千件冷藏食品、居家用品、零食等商品，最平甚至¥1/件可以入手！想掃平貨就不妨mark準時間去大潤發大買特買！📍地址：龍華街道辦和平東路與東環二路交界西南角點擊圖片放大 +3 *商品種類及價格僅供參考，應視官方最新資訊為準。🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。-----------------圖片來源：社群U Creator@Eyefoodfood、@pfhon、@food__logger、@敗家師奶、@jacko_dailylife、@rainbow1030、@大A吃貨組
