➤立即下載U Lifestyle App➤詳情懶人包身邊總有一位朋友係「茶飲星人🌟」，無論行街行到攰、返工返學壓力大，都需要一杯珍珠奶茶續命！作為手搖控嘅小編就私心整理出香港10間人氣珍珠奶茶店，由台灣過江龍、邪惡芝士奶蓋，到低負擔嘅清爽水果茶通通有齊，而且遍布港九新界！即刻save低呢個post參考下～😋🧋-----------------【白色情人節必去】社群請您食Starò星空傳情晚餐✨臨近白色情人節， 社群請您免費去人氣星空主題餐廳Starò，同另一半或者好姊妹歎「星空傳情晚餐」，歎即開生蠔、鮮拆龍蝦等，仲包埋即影即有同夢幻雪花相架！即日起至2026年3月22日，簡單登記就有機會免費去食，同重要嘅人度過浪漫嘅星空約會～登記請您免費星空撐枱腳 -----------------1. 龜記茗茶（尖沙咀 | 沙田 | 葵芳）唔係所有手搖飲品都係「廢水」！台灣過江龍「龜記茗茶」係其中一個健康選擇，佢主打天然新鮮古早味茶飲，創立至今有超過150間分店，就連MAMAMOO玟星都有幫襯過！近年亦分別於葵芳、沙田同尖沙咀設有分店，網民力推招牌「紅柚翡翠」；「茶王奶茶」就適合鍾意濃厚茶底嘅朋友，各位手搖控又試咗未呢！地址：各區分店詳情見官網 點擊圖片放大 +2 -----------------2. Le Jus （銅鑼灣 | 啟德 | 沙田）如果您係果昔控，咁呢間果汁店「Le Jus」就啱晒注重健康又鍾意鮮果口味嘅您！佢主打用無添加糖及代糖製嘅成嘅新鮮水果奶昔，保留水果最天然嘅營養纖維，絕對係上班族福星！網民大推「芒果椰奶乳酪」酸酸地之餘帶點鮮甜，唔會太Heavy，每杯都係真材實料！> “Snowycookingmama” 分享Le Jus必點之選<地址：各區分店詳情見官網 點擊圖片放大 +5 -----------------3. 倆仨杯 （尖沙咀 | 灣仔 | 啟德）台式小店「倆仨杯」主打創新台式茶飲，除咗3間分店外，更聯乘Youtuber小薯茄於旺角朗豪坊開設主題店。秉承「放鬆是一種選擇」嘅宗旨，以親民價錢及多款創新茶飲、台式小食為客人帶嚟輕鬆嘅用餐體驗，平均HK$60就食到一餐！啱晒假期聚餐或者想搵間平價餐廳再飲杯杯珍珠奶茶嘅您～地址：各區分店詳情見官網 主題店地址：朗豪坊12樓01號鋪倆仨杯x小薯茄主題店點擊圖片放大 +2 -----------------4. TEATOP第一味（元朗 | 鰂魚涌 | 火炭）台灣過江龍「TEATOP第一味」採用自家南投茶園出產台灣茶葉，每日新鮮沖泡，保證茶味濃厚！必點「108杯王」，由台灣師傅手工將自家烏龍茶細火慢焙108小時，茶韻香濃，另外仲有「招牌青茶3Q」、「竹香白柚飲」等人氣之選，醇茶控必試啊！地址：鰂魚涌海光街4A號地舖 > “luvv.sharing” 分享TEATOP必點茶飲推介<點擊圖片放大 +3 -----------------5. 春水堂（尖沙咀 | 灣仔 | 太古 | 東涌等）珍奶控必飲台灣過江龍「春水堂」珍珠奶茶！作為珍珠奶茶發源地，主打Q彈口感嘅珍珠，小編都好鍾意佢哋啲珍珠細細粒好有咬口！佢除咗有多款醇茶及奶茶之外，仲有多款台式餐點如黃金香酥雞、牛肉麵等等，同時滿足您食飽飲飽嘅願望！地址：各區分店詳情見官網 點擊圖片放大 -----------------6. 吃茶三千（旺角 | 尖沙咀 | 銅鑼灣等）相信手搖控都一定有聽過「吃茶三千」，目前喺香港已經有18間分店，遍布港九新界，可見有幾受歡迎！佢憑住高質鮮奶茶及台灣茶葉，被網民稱為「手搖界Hermès」，更多次獲得國際殊榮～「國王珍珠奶茶」、「松針綠茶」系列及「水仙桂花蜜」都係必試之選～地址：各區分店詳情見官網 > “frostiewithfood” 分享吃茶三千全新葡萄系列<點擊圖片放大 +2 -----------------7. 絲茶Silk tea（旺角 | 鰂魚涌 | 尖沙咀等）如果您係奶蓋迷，咁就一定要試下香港品牌「絲茶Silk tea」，主打將港式奶茶用創新手法及台式手搖飲技術呈現出嚟，保留經典港式茶飲風味同時，更加符合大眾喜好！經典「三重茶皇」、「黑鑽茶皇」必試，另外佢嘅芝士奶蓋都係出名濃郁，點餐後30分鐘內可以無限添加，根本係奶蓋迷天堂！地址：各區分店詳情見官網 點擊圖片放大 -----------------8. 萬波Wanpo Tea Shop（馬鞍山 | 將軍澳 | 觀塘 | 旺角等）台中過江龍茶飲店「萬波」目前喺香港開設9間分店，由天水圍到旺角都有分店，而且每一間人龍不斷！主打將高品質原茶及配料結合，打造出創新可口嘅手搖飲品！招牌「紅蘋島嶼」、「金萱珍波粉」、「黑糖珍珠鮮奶」都係店內人氣之選！地址：各區分店詳情見官網 點擊圖片放大 +5 -----------------9. 再睡5分鐘（觀塘 | 旺角 | 啟德等）同樣超人氣嘅台灣過江龍手搖店點少得由台灣Youtuber滴妹創立嘅「再睡5分鐘」，目前喺香港已經設立10間分店！佢主打口感綿滑細膩，厚達約3公分嘅「棉被厚奶蓋」系列，同時都係手搖店嘅銷量冠軍！小編最鍾意飲佢哋嘅「棉被午茉綠」、「日安紅厚奶歐蕾」，奶香味重又唔會蓋過佢本身嘅茶味，加埋珍珠仲dope！地址：各區分店詳情見官網 點擊圖片放大 +3 -----------------10. NUTTEA（尖沙咀 | 九龍灣 | 赤鱲角機場等）另一間奶蓋迷愛店必屬台灣過江龍「NUTTEA」！佢主打用堅果萃取堅果奶製作出奶蓋，再用台灣茶製成香濃堅果奶蓋茶，使用純植物奶，表面再灑上堅果增添口感層次，健康而且茶底甘醇，係唔少香港人嘅茶飲之選～招牌「繽紛火龍果奶蓋茶」、「伯爵朱古力堅果奶蓋茶」都係網民力推必飲品項！地址：各區分店詳情見官網 點擊圖片放大 +3 -----------------🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。-----------------圖片來源：官方網站@龜記、@倆仨杯、@春水堂、@萬波、IG帳戶@nuttea_hongkong、@silk.hk、社群U Creator @Snowycookingmama、 @luvv.sharing、 @frostiewithfood、 @Abbieabbie
