➤立即下載U Lifestyle App➤詳情懶人包一年一度櫻花季將至，又係時候出發日本打卡粉紅夢幻花海！想影到人生櫻花相，小編今日就整理出全日本12個賞櫻秘境，當中包括日本最大櫻花祭、國家特別名勝、最新櫻花預測，等大家可以黃金時間喺櫻花樹下漫步，計劃今年去日本賞櫻嘅您一定要save低啦！-----------------【出遊必備】U Community社群送您tomtoc大容量旅行袋！快閃去旅行想慳一筆寄艙行李費用，U Community社群限時送出tomtoc多款兼具收納及時尚嘅人氣出行裝備，無論短途快閃定長途探險，都可以收納得整齊又輕鬆！即日起至3月24日，登記即送出$50優惠券，仲有機會免費入手大容量背囊等好禮，去旅行零負擔！簡單登記入手旅遊收納好物 -----------------🌸日本最新櫻花預測2026根據日本氣象株式會社於2026年2月26日公佈嘅第6個預測，今年日本最早開花地區係名古屋，預計3月17日開花。緊接其後為東京同福岡（3月18日），預計滿開時間係3月下旬！即將喺呢段時間出發去日本嘅您，係時候安排您今年嘅賞櫻行程啦～未plan好都可以save低呢篇文章攞靈感，或者去社群睇更多日本櫻花攻略及實時資訊！ 資料來源：日本氣象株式會社----------------🌸關東地區賞櫻好去處1. 上野恩賜公園位於東京嘅上野恩賜公園有400多年歷史，裡面種有1,000棵櫻花形成嘅櫻花大道，係遊客及當地人每年櫻花季必去嘅賞櫻名所！而且全日本最大嘅櫻花祭都係呢度舉行，到時將會有800盞燈籠點亮整個上野公園，可以打卡到夢幻璀璨嘅夜櫻，仲有美食攤位及市集，同時感受日夜櫻花唔一樣嘅美～櫻花祭日期：2026年3月14日至4月5日地址：東京都台東區上野公園5-20點擊圖片放大 +4 2. 目黑川目黑川櫻花同樣都係東京熱門賞櫻勝地！全長約3.8公里嘅河道共獅800棵櫻花於兩旁盛放，形成一條絕美櫻花隧道！每年滿開時更會舉行櫻花祭，目黑川河岸點燈亮起，兩旁綻放一整排粉紅夜櫻，係每年櫻花季嘅人氣夜間景點！櫻花祭日期：2026年3月28日至3月29日地址：東京都目黑區上目黑1-13-8> “grassrootseaters草根姐妹” 分享更多東京賞櫻景點< 點擊圖片放大 +6 3. 川越新河岸川東京近郊小江戶「川越」距離東京市區只需30分鐘車程，係關東地區代表性賞櫻名所！每年3月下旬至4月上旬，位於川越冰川神社後面長達500公尺嘅新河岸川範圍將會綻放1,000株染井吉野櫻，同時都會舉辦春季傳統祭典活動，遊客可以搭船穿越粉紅櫻花隧道，都可以沿路散步打卡櫻花倒影湖面絕景，入夜仲有櫻花燈光秀，輕鬆打卡人生櫻花相～活動日期：2026年3月29日地址：川越市冰川町108點擊圖片放大 -----------------🌸關西地區賞櫻好去處1. 大阪城公園大阪賞櫻必定要將日本賞櫻名所百選「大阪城公園」排入行程！最具代表性嘅景點天守閣周圍有逾3,000棵櫻花樹，記得要搵定個最佳位置打卡櫻花同天守閣建築同框嘅風景～除咗打卡粉紅櫻花海同建築外，西之丸庭園入夜仲有點燈環節，附近亦設有小食攤販，千祈唔好錯過！地址：大阪府大阪市中央區大阪城1-1點擊圖片放大 +5 2. 大阪造幣局櫻花大道另一個「日本賞櫻名所百選」大阪造幣局櫻花大道同樣不容錯過，而且每年只會開放7日！一條560米長的櫻花通道，集合142個品種、共340株櫻花，色彩層次極之豐富，隨手影都超有質感啊！ 不過要留意入園採用完全預約制，想去嘅朋友記得密切留意官網最新消息提前預約！提前預約： https://www.mint.go.jp/eng地址：大阪市北區天滿1-1-79> “思思賢 Chill My Babe” 分享更多大阪賞櫻好去處<點擊圖片放大 3. 奈良公園奈良公園除咗餵鹿之外，佢都係當地人氣賞櫻景點。公園內種植約1700株櫻花樹，憑住歷史悠久嘅寺廟背景、櫻花樹同鹿群同框景色，入選為日本櫻花名所百選！公園往東邊走約30分鐘可以登上若草山，山腳下種有幾百棵唔同品種嘅櫻花樹，係相對人煙稀少嘅賞櫻秘境！地址：奈良縣奈良市春日野町 4. 伏見十石舟想喺京都展開水上賞櫻體驗，咁就一定要去「伏見十石舟」！佢係古時來往京都同大阪嘅小船，每年櫻花季，河道兩邊都開滿粉紅花海，就算唔上船都可以影到穿梭河道之間嘅伏見十石舟。如果想水上賞櫻嘅您就記得要提前喺官網預約船票，同另一半去體驗呢份世外桃源！地址：京都市伏見區南兵町247點擊圖片放大 +8 5. 嵐山提到京都嵐山，相信大家都諗起當地寧靜優雅嘅山水風景！作為國家指定歷史遺址同觀光名勝，每年櫻花季都會吸引大量本地人同遊客前來觀光。必去全長155公尺嘅嵐山標誌景點渡月橋，識玩梗係要穿過竹林小徑登上「嵐山小火車」，體驗觀光列車上觀賞嵐山櫻花絕景，實在唔敢想像畫面會有幾靚！地址：京都府京都市右京區嵯峨> ”Cuttlefishfamily” 同您分享嵐山賞櫻一日遊路線<點擊圖片放大 +7 -----------------🌸東北地區賞櫻好去處1. 白石川堤 一目千本櫻邊個話冬天先可以去東北地區，春天嘅風景都同樣優美！長達8公里嘅河堤種植超過1,200棵染井吉野櫻，背景係東北著名藏王山脈，運氣好仲有機會打卡到櫻吹雪絕景，又稱為「東北最美賞櫻景點」！地址：宮城縣柴田郡大河原町點擊圖片放大 +2 2. 青森弘前城（弘前公園）每年4月，青森縣弘前公園都化身為「此生必去櫻花絕景」！多個櫻花品種，如染井吉野櫻、垂枝櫻等共2,600多株櫻花盛開，其中西護城河係弘前公園賞櫻必去打卡位，兩岸都有櫻花，尤其係入夜後搭船觀賞夜櫻超級夢幻！心動嘅您記得提早預約觀光船啦～櫻花祭日期：2026年4月17日至5月5日地址：青森縣弘前市下白銀町1點擊圖片放大 +3 -----------------🌸中國地區賞櫻好去處1. 岡山後樂園岡山後樂園名列『日本三大庭園』，絕對係賞櫻必去嘅朝聖地！每年旭川河岸都會舉行『岡山櫻花嘉年華』，約250棵染井吉野櫻盛開，配埋小山坡、古樸小屋同名勝岡山城作為背景，一次過影晒櫻花同日本傳統風情，打卡一流呀！地址：岡山市北區後樂園1－5點擊圖片放大 +3 2. 火之山公園見到呢個七彩花海同櫻花海景，真係會以為自己入咗童話世界！位於山口縣嘅「火之山公園」除咗可以展望台上360度眺望關門海峽、瀨戶內海同日本海嘅全景外，搭乘纜車上山仲可以解鎖到高空俯瞰粉紅花海同超夢幻鬱金香花園，雙重花海打卡真係冇得輸！地址：山口縣下關市御裳川町點擊圖片放大 +4 *資料只供參考，櫻花預測以官方最新資訊作準，或視天氣原因有所變動。🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。-----------------圖片來源：弘前觀光會議協會、FIND/47、社群U Creator@Halook.couple、@maggielps、@pfhon、@小沐 Virgo、@女生暢游天下、@Travel Plan Ahead、@Yan Na、 @Cuttlefishfamily、 @Nana Man、 @DollyLing、 @beabea、 @Hing1205
