➤立即下載U Lifestyle App➤詳情懶人包每次去韓國旅行，成個喼一半都係Olive Young啲面膜同精華，但一諗住買啲零食做手信就即刻R晒頭，去親便利店同超市都唔知買咩好！今日小編就整理出首爾2026年必買零食手信清單，當中包括爆紅奶油餅乾、原顆水果糯米滋、辦公室必備貝果脆片等，去首爾旅行必save！-----------------【出遊必備】U Community社群送您tomtoc大容量旅行袋！快閃去旅行想慳一筆寄艙行李費用，U Community社群限時送出tomtoc多款兼具收納及時尚嘅人氣出行裝備，無論短途快閃定長途探險，都可以收納得整齊又輕鬆！即日起至3月24日，登記即送出$50優惠券，仲有機會免費入手大容量背囊等好禮，去旅行零負擔！簡單登記入手旅遊收納好物 -----------------1. Olive Young必買零食！Delight Project貝果脆片韓國其中一個大熱零食手信非Delight Project莫屬，小編每次去韓國Olive Young都會掃幾包返香港！佢主打天然低卡路里，以非油炸方式製作，食得多都唔怕有罪惡感！脆片口味超多選擇，由熱門款蒜頭牛油及蜂蜜牛油，到粟米濃湯、Pizza口味等都十分香濃脆口，辦公時間口痕想食零食必備！售賣地點：全線Olive Young點擊圖片放大 -----------------2. 仁川機場限定手信！Paris Baguette奶油夾心餅韓國連鎖麵包「Paris Baguette」自2023年推出仁川機場限定「仁川你好奶油夾心餅」後，憑外層奶油餅乾夾雜焦糖、芝麻同堅果內餡，豐富有層次嘅口感令佢成為唔少遊客去首爾必買手信之一，再加上餅乾表面印有韓文「안녕 (你好)」，絕對稱得上為具韓國特色手信！售賣地點：仁川國際機場 -----------------3. 弘大爆紅打卡甜品！延白草莓麻糬弘大延南洞爆紅嘅士多啤梨麻糬專賣店「延白草莓麻糬」，主打軟Q且唔黏牙嘅麻糬外皮，由員工手工即點即做，包住新鮮士多啤梨及特製內餡，口感層次豐富！社群U Creator就形容佢嘅士多啤梨爆汁又鮮甜，每次去韓國都會回購。除咗經典口味之外，仲有杜拜朱古力士多啤梨麻糬、炸士多啤梨麻糬、紅豆等多款熱門口味，聽到都流口水！不過呢間店長期人龍，建議早少少去排隊啦！> “LuoLing0517” 分享延白草莓麻糬特色及食評<售賣地點：首爾特別市麻浦區東橋路227-11 1樓點擊圖片放大 +8 -----------------4. 聖水洞人氣熱賣：韓貞仙水果大福小編每次去聖水洞行街總會見到有人手上拎住「韓貞仙」包裝，原來係唔少麻糬控都大力推介嘅手信店！主打各種口味嘅水果麻糬，而且都係原粒新鮮生果，有齊士多啤梨、香橙、奇異果、香印提子、無花果等，仲有售賣近期大熱杜拜朱古力麻糬！社群U Creator就表示每啖咬落去都係爆汁，值得大家一試！> “LuoLing0517” 分享韓貞仙水果大福食評<更多聖水洞必買手信推介：https://ulapp.hk/l274k點擊圖片放大 +4 售賣地點：首爾特别市城東區聖水洞2街316-74（聖水總店）-----------------5. 韓國國民級零食：HBAF杏仁相信您就算冇去過韓國，都一定會收過呢樣手信！HBAF係韓國知名乾果杏仁品牌，採用非油炸，以特製乾焗技術，低溫慢火乾焗美國進口杏仁，細細包喺office或者煲劇開嚟食就最適合！熱門口味包括蜂蜜奶油、芥末等等，而明洞旗艦店仲可以打卡巨型杏仁裝置，仲可以試食多款新口味，去明洞一定要逛下～> “Sasabb” 分享明洞HBAF旗艦店攻略<點擊圖片放大 +5 售賣地點：首爾市中區退溪路123明洞1號店-----------------6. 韓國超市必掃：No Brand紫蘇油蕎麥冷麵想隨時感受韓式風味，不妨去韓國No Brand買幾包紫蘇油冷麵 (들기름 막국수) 返香港自己煮～社群U Creator跳跳虎就大力推介呢款「紫蘇油蕎麥冷麵」，麵質彈牙，豉油偏酸，不過連埋紫蘇油香味配搭十分和諧，加埋紫菜碎就係完美韓式食法，食落開胃又清爽！> “koreamonsters” 分享No Brand更多必買零食手信清單<點擊圖片放大 +4 -----------------7. 韓國女團聯名：Hart Tiramisu出發去首爾嘅甜品控切勿錯過呢間人氣愛心提拉米蘇店「HART TIRAMISU」！愛心造型已經夠吸睛，不過佢最特別就係外層係一整塊脆脆朱古力，食用前要用匙羹敲碎表面，再連埋裡面嘅馬斯卡彭芝士一齊食，口感絕佳！佢仲有開心果、海鹽焦糖、同韓國女團IVE聯名嘅草莓牛奶味等多款口味選擇，全部包裝精美，入落冰袋帶返香港做手信簡直完美！售賣地點：汝矣島現代百貨、韓國仁川機場免稅店等> "CC" 分享超精美愛心TIRAMISU食評<點擊圖片放大 +6 -----------------8. Threads爆紅手信：XOCOSILOK Sand 100草莓夾心餅乾提到2026年韓國熱門手信，點可以冇近期Threads爆紅嘅XOCOSILOK夾心餅乾份！品牌主打夾心餅乾，其中討論度最高必屬「Sand 100草莓夾心餅乾」，香甜帶點微酸，餅乾酥脆再夾住厚實嘅士多啤梨奶油內餡，又稱為韓版「PRESS BUTTER SAND」！另外品牌亦推出大熱杜拜朱古力，咬落開心果味濃郁酥脆而且唔膩，唔怪得好多網民都話「唔買會後悔」啦！點擊圖片放大 +6 售賣地點：仁川機場第一航廈免稅店-----------------🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。-----------------圖片來源：Olive Young官網、IG帳戶 @parisbaguette_kr、@xocosilok、@hart_tiramisu、社群U Creator@Jenny2004116、@Sasabb、@CC、@LuoLing0517、@跳跳虎、@loveshare2346
