➤立即下載U Lifestyle App➤詳情懶人包相信好多朋友同小編一樣都有一個「韓國胃」！就算去唔到韓國都唔使愁，喺香港同樣食到正宗韓國風味餐廳！今日小編就精選7間香港必食人氣韓國餐廳指南，除咗有《黑白大廚》安成宰主理米芝蓮三星餐廳姊妹店，仲有靚靚韓系 Cafe、韓燒等等，慶生同聚餐都好適合！-----------------【😋社群請您食】Oliver's Super Sandwiches全新餐牌！吃貨想食得健康又想保持 Fit 爆身材，Oliver's Super Sandwiches 「Eat to Fit」新餐牌就滿足到您嘅願望！選用低 GI 米、高蛋白蕎麥麵及天然羅漢果糖等健康食材，仲有埋高蛋白增肌效果，即日起至2026年3月3日，簡單登記就有機會免費搶先試，健康零負擔！>登記搶先試健康餐單< -----------------1. Chefzone自助餐大家就食得多，大家又有冇喺香港食過韓式自助餐！Chefzone作為全港首間韓式自助餐，有唔少韓國廚師坐鎮，可以食到正宗韓式口味之餘，美食種類都有超過150 款，夠晒多元化，而且都係韓國直送食材！有齊即開醬油蟹、醬油蝦、燒牛小排、豬五花等等，仲有韓國便利店嘅自動泡麵機，唔講真係以為自己去咗韓國！ 📍地址：尖沙咀加拿分道20號加拿芬廣場> “chinschins” 分享香港首間韓式自助餐有咩美食選擇<點擊圖片放大 +9 -----------------2. BUSAN NIGHT收工想搵間正宗嘅街頭韓式餐廳，同老best邊飲酒邊聚舊，BUSAN NIGHT絕對係其中一個好選擇！店員大部分都係韓國人，而且餐廳長期播住K-POP歌，仿如置身地道韓國餐廳！社群U Creator食完大讚魚糕湯份量大而且味道清甜，烤牛肉同炸雞都係必點，士多啤梨米酒飲落夠fresh冇乜酒味，適合唔鍾意太濃酒味又想飲酒暢談嘅您！📍地址：香港中環士丹頓街28號> “misschandiary.hk” 同您打卡BUSAN NIGHT必點美食<點擊圖片放大 +10 -----------------3. 延南洞Yeonnam dong想食到正宗嘅現代韓式料理，不妨去位於西營盤嘅「延南洞Yeonnam dong」，店員都係韓國人，而且環境寬敞，適合同朋友聚餐及輕鬆暢聊！社群U Creator大推「熟成泡菜吞拿魚紫菜包飯」，以酸泡菜取代紫菜包裹食材，足料而且充滿驚喜！而且仲可以食到近期大熱嘅「杜拜朱古力麻糬Q餅」，韓食控唔好錯過呢間寶藏餐廳啦！📍地址：西環西營盤高街46C號地舖> “heaheafooddiary” 分享西營盤現代韓式餐廳必點美食<點擊圖片放大 +10 -----------------4. 三食 (Samsic)提到中環其中一間人氣韓式餐廳，「三食」一定榜上有名，就連小編每次經過都大排長龍！招牌「砂鍋奶油韓式牛肉湯飯」奶油香濃但唔會感到膩，配飯食一流！其它必點菜式仲有豬頭肉湯飯、辣炒小章魚窩飯都同樣出色！亦都因為餐廳人氣高企，依家淺水灣同尖沙咀都開設咗新分店，聚餐不妨去試下係咪真係咁好食啦～📍地址：中環蘇豪些利街2號LL Tower地舖> “frostiewithfood” 打卡三食招牌奶油湯飯食評<點擊圖片放大 +2 -----------------5. Hoo韓國包車香港都體驗到韓國布帳馬車特色文化！位於尖沙咀厚福街嘅「Hoo韓國包車」主打韓國街頭鐵閘佈置風格，擺有各種特色地攤打卡位之外，美食都夠出色！海鮮煎餅外皮夠脆，咬落都好鬆軟又香口，炸雞可以選擇一雞兩味，再配返杯米酒或梳打，仲唔係同老best聚餐嘅完美場所！📍地址：尖沙咀厚福街12-12A號藍馬商業大廈22樓> “E’s Travelogue”分享韓國包車必點美食 <點擊圖片放大 +7 -----------------6. Mosu Hong Kong睇過《黑白大廚》嘅您應該都會對評審安成宰主理嘅米芝蓮三星餐廳Mosu唔陌生，原來香港都有分店！主打新派韓式精緻料理，廚師主要都係韓國人，可以充份食到採用當季新鮮食材打造而成嘅驚喜配搭！無論係儀式感定係餐點質素，都絕對係各位情侶或者慶生餐廳首選！📍地址：尖沙咀西九文化區博物館道38號M+ 3樓點擊圖片放大 +4 -----------------7. Hansik Goo想同另一半慶祝紀念日，位於中環嘅「Hansik Goo」絕對係頂級之選！作為香港第一間米芝蓮一星韓國菜餐廳，佢主打精緻韓式料理，將韓國傳統家常菜重新演繹，令社群U Creator讚不絕口！而且餐廳環境高雅有格調，配埋一流嘅服務，儀式感滿分，想歎高質精緻韓國菜記得提早 Book 位啦！📍地址：中環威靈頓街198號The Wellington 1樓> “babycutie” 分享米芝蓮一星韓國菜餐廳食評<點擊圖片放大 +5 -----------------🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。----------------- 圖片來源：Mosu Hong Kong、社群U Creator @chinschins、@misschandiary、@heaheafooddiary、@frostiewithfood、@E’s Travelogue、@babycutie
