➤立即下載U Lifestyle App➤詳情懶人包次次去深圳都淨係識行商場，不如試下去深圳夜市，感受深圳街頭美食文化！隨住多條新地鐵線開通，去深圳掃街都越嚟越方便，當中有外國興起嘅「車尾箱市集」，而且有齊一蚊生蠔、牛雜、手打檸檬茶等高性價比街頭小食，就等小編帶大家睇2026年深圳必去夜市推介攻略，睇下邊間啱您心水啦！🏮-----------------【🧧最新社群活動】利苑星級賀年糕品+霸王茶姬「一抹山月」500杯！農曆新年將至，點少得為親朋好友準備賀年糕點！社群為您送上100%香港製造「名人飯堂」利苑嘅星級糕點～即日起至2026年2月4日，簡單登記即有機會免費帶走賀年糕點！👉🏻 登記贏免費賀年糕品 每次北上唔飲返杯高質手搖飲品真係對唔住自己！🍵社群依家大派500杯霸王茶姬全新抹茶拿鐵「一抹山月」，即日起至2月5日，登記即有機會免費飲啦 👉🏻 登記免費飲全新抹茶拿鐵 -----------------1. 東門町美食城相信唔少港人去深圳都鍾意去東門掃街，因為真係太多高性價比嘅餐廳同小食要發掘！位於老街嘅「東門町美食街」昔日曾遭清拆，近年於舊址重開，約40間店進駐，新設有堂食空間，更加方便用餐！除咗有太二酸菜魚、手打檸檬茶、阿嬤手作等人氣連鎖店之外，仲可以高CP值食到生猛海鮮、串燒等美食，附近仲可以唱K、按摩，一站式滿足港人吃喝玩樂願望！📍地址：羅湖區東門永新路15號🚖交通方式：地鐵「老街站」C出口步行5分鐘> “Dada媽媽” 分享東門老街必食海鮮餐廳推介<點擊圖片放大 +16 -----------------2. 火車站美食城羅湖口岸附近原來新開咗一個美食街，而且距離口岸僅需3分鐘路程！美食街裡面有多間熟食餐廳及攤檔選擇，社群U Creator真人實測過表示美食全部都高CP值，煎餃、餛飩等小食都足料惹味，環境都好乾淨！啱晒附近返工人士或者過關前去掃下街啦！📍地址：羅湖火車站綜合大樓2樓M層交通🚖交通方式：羅湖火車站步行3分鐘> “kumikofindfun” 實測羅湖火車站新開美食城有幾正<點擊圖片放大 +5 -----------------3. 深圳鹽田港夜市位於深圳鹽田區嘅「鹽田港夜市」係近年網民熱推網紅打卡景點，就連央視都曾經報道過！因為佢位於山丘上，設有觀景台可以同時打卡鹽田港海景同夜市景色，無數燈火聚於腳下，超浪漫！夜市鄰近大梅沙、鹽田漁港，裡面雲集多間特色美食：烤生蠔、小炒、炭火烤串、特色飲品等，更設有多個霓虹燈打卡位，打卡掃街都一流！📍地址：深圳市鹽田區青雲路空翠台🚖交通方式：地鐵8號線「鹽田港西站」轉乘巴士或計程車點擊圖片放大 +10 -----------------4. 鹽田社區夜市文化街位於寶安區西鄉街道嘅「鹽田社區夜市文化街」係深圳目前規模最大同最長嘅夜市，長約300米。裡面聚集咗100多間小食攤檔同小店，而且美食種類應有盡有，有齊炒米粉、鉢鉢雞等特色小食，吃貨輕鬆歎高質街頭小食，同時感受地道夜市氛圍！📍地址：寶安區西鄉街道鹽田社區夜市文化街🚖交通方式：深圳地鐵1號線西鄉站B出口步行15分鐘> “Angela Chui” 詳細介紹西鄉鹽田街夜市美食<點擊圖片放大 +4 -----------------5. 深圳茶博園深圳茶博園「103車尾箱集市」係一個佔地達10,000平方米大型茶文化產業園，最出名莫過於車尾箱市集活動，可以擺放多達100輛私家車同時擺檔，售賣各種特色小食、飲品、自家製飾品、文創小物等等！私家車更裝上霓虹燈裝飾，令會場燈火通明，熱鬧又打卡able！📍地址：深圳市龍崗區園山街道惠鹽路🚖交通方式：搭乘M570路巴士直達「深圳茶博園」點擊圖片放大 +10 -----------------6. 深圳水圍村夜市福田口岸附近都有一間近年頗受香港人歡迎嘅夜市！「水圍村夜市」係距離香港最近嘅深圳夜市。雲集數十個小食攤檔，通常於下午4至5時就開始營業。客人可以輕鬆食到來自黑龍江嘅烤冷麵、章魚燒、肉夾饃、一元串燒等特色街頭小食，最適合快閃去掃街！📍地址：深圳福田區水圍村🚖交通方式：福田口岸D2出口步行10分鐘> “Aria Kong” 分享水圍村夜市食咗幾多嘢<社群U Creator推介水圍村附近餐廳：https://ulapp.hk/qgjiv點擊圖片放大 +7 -----------------7. 羅瑞合美食街如果您想感受台灣夜市文化，咁就一定要去龍崗區「羅瑞合美食街」，亦都係深圳本地人嘅美食天堂！裡面有好多美食都係一蚊可入手！如烤生蠔、串燒、牛雜等，十元西安肉夾饃都係必食之選。而且夜市食物種類多元，由傳統街頭小食到新興茶飲、甜品全部都應有盡有，話係最高性價比夜市都不為過！📍地址：深圳市龍崗區南聯社區🚖交通方式：深圳地鐵3號線南聯站B2出口點擊圖片放大 +2 -----------------🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。-----------------圖片來源：網上圖片、微信公眾號@深圳吃貨小分隊、小紅書@深圳103車尾箱集市、美好鹽田、社群U Creator@享樂小丸子 、 @K.L 、 @Dada媽媽 、 @kumikofindfun 、 @Angela Chui 、 @Aria Kong 、@porkchop
