➤立即下載U Lifestyle App➤詳情懶人包相信作為甜品控嘅您一定有聽過近期韓國爆紅嘅「杜拜朱古力麻糬(두쫀쿠🍫)」！就連張員瑛等韓國人氣idol都大力推介，甚至好多韓國Cafe都因此大排長龍，而且一開售就秒速清光！不過就算食唔到都唔緊要，今日小編精選8間香港杜拜朱古力主題甜品，當中有大熱杜拜朱古力麻糬、雪糕、咖啡等，無一不受歡迎！各位開心果控記得save低，再去社群甜品主題打卡啦！💚-----------------【🧧最新社群活動】講您飲霸王茶姬「一抹山月」500杯！抹茶控望入嚟！邊行街邊歎返杯高質抹茶簡直係人生一大享受！🍵霸王茶姬全新推出抹茶拿鐵「一抹山月」，即日起至2月5日，登記即有機會免費試飲全新系列啦～ 👉🏻 登記免費飲全新抹茶拿鐵 -----------------1️⃣ TERA寺Pancake控必食「Tera Pancake House」，喺元朗同大圍都有分店！餐廳由法國藍帶廚師主理，近年推出杜拜朱古力梳乎厘Pancake大受歡迎，超厚身又Q彈嘅Pancake加入濃郁比利時朱古力及灑上開心果絲，令整體口感層次豐富，聽到都已經流晒口水啦～📍地址：元朗元龍街9號形點 I L1樓1075號舖> “Enid’s japjap” 拍片分享TERA寺其它必食之選<點擊圖片放大 +5 -----------------2️⃣ Coffee by Zion西環繁忙熱鬧嘅街道上，原來有一間環境闊落又愜意嘅cafe！「Coffee by Zion」主打歐陸式全日早餐，不過網民就力推佢哋嘅捲捲意粉杜拜朱古力主題甜品，杜拜朱古力Croffle鬆脆香口，杜拜朱古力咖啡仲喺杯側加入開心果粒粒，唔單止增強口感，賣相都好吸引，推介一眾杜拜朱古力控去呢間cafe chill下！📍地址：西環西營盤第一街83號地下1號舖> “jackyrain” 推介Coffee by Zion必點美食<點擊圖片放大 +2 -----------------3️⃣ Cinnabon估唔到連肉桂卷都加入杜拜朱古力風潮！位於啟德嘅「Cinnabon」推出「杜拜朱古力開心果系列」，將招牌肉桂卷同大熱杜拜朱古力融合一齊，朱古力內餡配上鹹香開心果knafeh醬，咬落香脆又香濃！另外仲有開心果Latte都充滿堅果香而且唔會太甜，都係社群U Creator大力推介！📍地址：九龍城啟德協調道2號AIRSIDE B1樓B134A號舖> “Foodasouly” 分享甜品控必食Cinnabon人氣之選<點擊圖片放大 +3 -----------------4️⃣ DULCE VIDA聯乘限定杜拜朱古力雪糕食唔到杜拜朱古力麻糬，食杜拜朱古力雪糕都一樣咁過癮！陳凱琳自家朱古力品牌Dulce Vida聯乘本地人氣Gelato品牌Da Dino推出特別版「焦糖杜拜朱古力雪糕」，新推出已經話題度不斷！將 法式焦糖燉蛋融合Gelato，外層係焦糖脆面，敲碎之後就食到中層嘅朱古力雪糕同底層嘅開心果醬，聽落已經夠晒邪惡！心動嘅話可以去7-11或者官網買～> “Eatwithbobo” 同陳凱琳一齊開箱限定版杜拜朱古力雪糕<點擊圖片放大 +5 -----------------5️⃣ GUGE CAKERY杜拜開心果朱古力麻糬蛋糕幫您嘅杜拜朱古力控朋友慶祝生日唔使煩啦，買呢個蛋糕俾佢實冇死！人氣IG蛋糕店「GUGE CAKERY」跟上潮流推出常規款「拜開心果朱古力麻糬蛋糕」，黑朱古力海綿蛋糕內餡有齊雲呢拿忌廉、意大利100%香純開心果醬、開心果脆絲餡、麻糬餡，味道濃厚足料之餘開心果味都好突出，唔驚壽星食完唔滿足喇！📍地址：觀塘成業街華成工商中心12樓11室 (工作室)點擊圖片放大 +2 -----------------6️⃣ 享樂烘焙「杜拜開心果麻糬」唔使專程去韓國都有得食到爆紅「杜拜開心果麻糬」啦！享樂烘焙早前於尖沙咀Pop-up店新推出限定「杜拜開心果麻糬」，分別有糯米皮及棉花糖皮兩個版本。聽聞開賣前已經大排長龍啦，而且最癲試過15分鐘就賣晒，所以話想食都係要睇彩數！據網民評價享樂嘅「杜拜開心果麻糬」內餡漿口，開心果味夠香濃，價錢HK$48/2粒，唔怪得咁受歡迎！📍地址：尖沙咀海港城海洋中心3樓308鋪對出> “圓碌碌 Circle” 分享全城搶購享樂開心果麻糬食評<點擊圖片放大 +6 -----------------7️⃣ Kactus Koffee位於上環嘅韓系cafe「Kactus Koffee」當然都要跟上潮流推出「杜拜朱古力麻糬」！朱古力粉濃郁，用棉花糖皮包住香濃開心果醬，口感夠厚實，價錢約HK$70就有大大粒，每日限量發售！📍地址：上環皇后大道西新成大廈地下1號舖點擊圖片放大 +6 -----------------8️⃣ 雙魚小姐「杜拜朱古力棉花糖麻糬」本地手工Bakery雙魚小姐都推出大熱嘅「杜拜朱古力棉花糖麻糬」，採用中東酥皮Kadaif混合牛油製作而成，內餡則使用100%意大利純開心果醬，棉花糖外皮再沾滿可可粉，香味濃郁而且口感層次豐富又足料！包裝都十分精美，送禮或者自肥都好適合！📍地址：尖沙咀漢口道5-15號漢口中心9A號地舖點擊圖片放大 +2 -----------------🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。-----------------圖片來源：IG帳戶@misspiscescreations、@guge.cakery、@kactuskoffee、社群U Creator@Enid’s japjap、@jackyrain、@daretoeat、@Ku-Bear-Foodie @Foodasouly、@Eatwithbobo、@圓碌碌 Circle
