➤立即下載U Lifestyle App➤詳情懶人包仲有唔到一個月就到農曆新年，又係時候約定親朋好友去年宵辦年貨、買年花！🧧2026年宵市場將於2月11日起至2月17日舉行，為期7日！無論係小食、揮春、紀念品、乾貨，或者係植物、年花等濕貨攤位都應有盡有。今日小編整合港九新界戶外及室內年宵市場資訊，行完年宵記得去埋U Community社群打卡熱點或節日限定主題分享年宵趣事及點滴啊！-----------------【😋請您品嚐】利苑星級賀年糕品！🧧農曆新年將至，想與親朋好友過一個豐足肥年? 點少得「名人飯堂」利苑嘅星級賀年糕點！😋 U Community 今次夥拍利苑飲食集團，為您送上100%香港製造皇牌賀年糕品套裝，等您一次過品嚐鹹甜滋味，寓意步步「糕」陞！登記贏免費賀年糕品 -----------------室內年宵市集推介：1. SOHO MARKET流量蜜馬新春市集由年廿七至年初六，SOHO MARKET將會於南豐紗廠舉行新春市集，市集貫穿春節、情人節及年宵，設有多檔年花、節日禮物、揮春裝飾、花藝等攤位，更可以買到烘焙糕點、服飾首飾、香薰護膚等手作！今屆SOHO MARKET新春市集檔主招募中，手作控表示好期待啦！📅活動日期：2026年2月14日至2月22日📍地址：荃灣白田霸街45號點擊圖片放大 +2 2. LIFE MART 大型年宵市集20262026年新春繼續有LIFE MART於饒宗頤文化館舉辦大型年宵市集！想帶埋毛孩一齊感受新春氣氛嘅您必睇，因為饒館場地係「寵物友善」的，而且場內分別設有室內與戶外攤檔，仲有多個人氣插畫師參與活動，名單將會陸續公佈，想帶毛孩行年宵嘅您記得密切留意！📅活動日期：2026年2月11日至2月17日📍地址：香港九龍青山道800號饒宗頤文化館點擊圖片放大 +4 3. 荔枝角D2 Place xMarketoo市集Marketoo年宵市集今年陣容鼎盛！雲集超過200個本地品牌，更設有「Youtuber & KOL專層」，聚集咗JFFT、歡樂馬介休、Teddy Fan、Lolly Talk成員Sinnie及阿蛋等人氣Youtuber、KOL、歌手等參與，場內更設有多個插畫打卡位同紀念品贈送，粉絲同文創控一定要去啦！📅活動日期：2026年2月11日至2月19日📍地址：D2 Place ONE 2樓 THE SPACE -----------------戶外年宵市集推介：2026年全港共設有14個戶外年宵市場，遍布港九新界。如果唔想同太多人逼，各位出發時記得先去政府網站查詢各年宵市場嘅實時人流情況啦！4. 維多利亞公園年宵市場作為全港最大嘅年宵市場，想感受節日氣氛去維園掃貨就啱晒，今年維園年宵共有180檔、乾貨216檔及4個快餐攤位，各位家長、情侶準備行到唔捨得走啦！📅活動日期：2026年2月11日至2月17日📍地址：銅鑼灣興發街1號；地圖按此🚇交通方法：銅鑼灣站E出口/天后站A2出口點擊圖片放大 +2 5. 觀塘遊樂場年宵市場喺觀塘區返工返學嘅您不妨就近去觀塘遊樂場年宵市場採購年貨，感受年宵氣氛啦！今年共設有50個濕貨攤位、30個乾貨攤位及5個快餐攤位！📍地址：觀塘翠屏道6號🚇交通方法：觀塘站D4出口步行5-10分鐘；地圖按此點擊圖片放大 6. 界限街花墟公園旺角界限街花墟公園同樣係其中一個最熱鬧嘅年宵市場。今年旺角花墟公園共設有136個攤位，當中有64個濕貨攤位、66個乾貨攤位及8個快餐攤位！📍地址：九龍塘界限街101號🚇交通方法：旺角東站D出口/太子站A出口；地圖按此點擊圖片放大 +11 7. 荃灣沙咀道遊樂場雖然不及維園年宵大型，不過沙咀道遊樂場都係荃灣及葵青區居民賀年首選辦年貨市場！今年共有濕貨攤位96個及乾貨攤位30個，不過場內不設熟食檔，記得喺場外填飽個肚先入嚟掃貨啦！📍地址：荃灣沙咀道171-199號🚇交通方法：荃灣站D出口/荃灣西站A2出口；地圖按此 8. 大埔天后宮風水廣場大埔天后宮風水廣場年宵係少數鄰近古廟嘅年宵市場，規模較細，但都有齊40個濕貨攤位、20個乾貨攤位及1個熟食攤位，行年宵前仲可以去附近天后宮祈福轉運！📍地址：大埔汀角路天后宮風水廣場🚇交通方法：太和站B出口步行12分鐘；地圖按此9. 將軍澳寶康公園將軍澳居民買年花年貨都唔一定要山長水遠去到維園，去區內嘅將軍澳寶康公園同樣感受到喜慶氛圍，同時都係親子及毛孩最佳休閒場所！濕貨攤位數目約有54個、乾貨攤位34個及2個快餐攤位。📍地址：將軍澳運隆路10號🚇交通方法：寶琳站B2出口；地圖按此10. 沙田源禾遊樂場沙田街坊亦都可以去源禾遊樂場辦年貨享受節日氣氛！場內共設有濕貨攤位49個及乾貨攤位26個，有齊新春必備商品及裝飾，一家大細必去！📍地址：沙田源禾路16號🚇交通方法：沙田站A3出口步行10分鐘/轉乘60K小巴；地圖按此11. 元朗東頭工業區遊樂場位於朗屏嘅元朗東頭工業區遊樂場年宵市集亦都係其中一個大型年宵市場。共設有96個濕貨攤位、52個乾貨攤位及快餐攤位2個，主要售賣本地手作及特色小食，元朗街坊必去！📍地址：元朗東頭工業區強業街🚇交通方法：朗屏站F出口；地圖按此12. 東涌達東路花園離島區唯一嘅大型年宵市場就係東涌達東路花園！共設有10個濕貨攤位及17個乾貨攤位，東涌區民都可以輕鬆採購特色年貨年花！📍地址：東涌達東路🚇交通方法：東涌站A出口；地圖按此-----------------🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。-----------------資料來源：食物環境衞生署圖片來源：Facebook帳戶@SOHO Market、網上圖片、社群U Creator@pfhon、@earthfunEAT、@Suki Choy、@Foodiehkcouple、@eatnaeatna
