➤立即下載U Lifestyle App➤詳情懶人包農曆新年將至，係時候帶子女或摯愛去感受新春喜慶節日氣氛！🧧相信大家呢排經過唔同商場或者戶外景點都發現佢哋早已換好新年主題佈置迎接大家！小編今日精選全港8大新春主題打卡位，仲有超夢幻嘅桃花海及幻彩燈籠打卡位等，當中仲有寵物友善景點！即刻save低帶屋企人或摯愛去打個靚卡兼行大運！🧨-----------------【🧧最新社群活動】利苑星級賀年糕品+霸王茶姬「一抹山月」500杯！農曆新年將至，想與親朋好友過一個豐足肥年? 點少得「名人飯堂」利苑嘅星級賀年糕點！😋 U Community社群今次為您送上100%香港製造利苑皇牌賀年糕品套裝，即日起至2月4日，登記等您一次過品嚐鹹甜滋味，步步「糕」陞！👉🏻 登記贏免費星級賀年糕品 咁喜慶嘅日子又點少得一杯高質抹茶！🍵霸王茶姬全新推出抹茶拿鐵「一抹山月」，即日起至2月5日，登記即有機會免費飲啦 👉🏻 登記免費飲全新抹茶拿鐵 -----------------1. 西沙GO PARK「HAPPYGOROUND春日樂園」趁假期不如帶毛孩去西沙提前放電迎新春！西沙GO PARK搖身一變成為一個春日樂園，特設5大行運打卡位：全港首個商場戶外機動「炫夢旋轉木馬」、寵物專區「寵愛花見陣」、「緣轉風車台」等等，全部都由粉紅桃花為主色，帶您新春打卡夢幻桃花海，新年桃花滿開、風山水起！📅活動日期：即日起至2026年𝟥月𝟣日📍地址：新界西沙海映路9號 西沙GO PARK> “fionne” 帶毛孩提前打卡西沙GO PARK夢幻桃花嘉年華<點擊圖片放大 +9 -----------------2. 東港城「新春駿樂園」適逢馬年，將軍澳東港城為大家呈現「新春駿樂園」，聯乘人氣本地藝術家LeonLollipop打造出3,000呎互動農莊，更特別創作出8款超萌駿馬角色，等大朋友及小朋友入場做一日農夫！場內設有互動遊戲，更有行運必去祈願花園、駿馬畫廊等6大打卡位，活動夠晒豐富～📅活動日期：即日起至2026年𝟥月3日📍地址：將軍澳東港城1樓中庭> “A先生尋歡記” 帶您打卡東港城新春限定打卡位<點擊圖片放大 +12 -----------------3. 置富Malls x SHO-CHAN 置「燦」你迎新春燦子粉絲望入嚟！今個新年由置富Malls聯乘燦子SHO-CHAN同佢嘅家人，於旗下4大商場：馬鞍山廣場、紅磡置富都會、+WOO嘉湖及沙田置富第一城為大家呈獻「置『燦』你迎新春」活動！燦子一家已經換好新春功夫造型，必打卡接近4米高嘅吹氣裝置、木人樁道場等等。即刻帶埋小朋友去同功夫燦子挑機啦！📅活動日期：即日起至2026年3月8日📍地址：馬鞍山廣場L2天幕廣場> “Karkarkarliehui” 分享置富Malls新春打卡位<點擊圖片放大 +6 -----------------4. iSQUARE國際廣場「春日甜蜜樂園」iSQUARE今個新春同本地插畫家品牌「oh…little sweet」合作，於1月23日起為大家呈獻「春日甜蜜樂園」，用Q彈軟萌嘅小湯圓公仔迎接大家！5米高巨型團圓福袋中探頭嘅小湯圓勁吸睛，另外仲有3/F「招財開運大街」及大堂「甜甜蜜蜜團子店」都不容錯過！📅活動日期：2026年1月23日至3月8日📍地址：尖沙咀彌敦道63號 iSQUARE 國際廣場點擊圖片放大 -----------------5. 黃埔天地「幸福緣定桃花園」呢個咁色彩繽紛嘅燈籠海原來就喺黃埔天地「幸福緣定桃花園」入面！採用超過200個七彩花燈及大量燈飾，將黃埔號變身為一個迷人嘅夢幻打卡花海，亦都係今個新年打卡必去景點！當中必打卡5米高巨型桃花樹彩燈拱門，仲有由130個幻彩燈籠組成嘅燈海，打卡輕鬆出片～📅活動日期：2026年1月15日至2月28日📍地址：黃埔天地黃埔號及德安街點擊圖片放大 +3 -----------------6. My Melody x Sanrio characters「櫻花新春主題店」召喚Sanrio粉絲，又一城期間限定Sanrio「櫻花新春主題店」大家去咗未！除咗同My Melody慶祝生日之外，仲有勁多櫻花及新春主題打卡位：粉紅馬車、毛公仔蛋糕塔，會場更優先發售Melody貝雷帽及夢裳仙境造型，粉絲仲唔輕鬆收獲多重快樂！📅活動日期：即日起至2026年3月22日📍地址：九龍塘又一城MTR層2號C.T.A. by GOK SIK點擊圖片放大 +3 -----------------7. 昂坪360「駿馬躍動迎新春」今個新年同另一半或一家人去昂坪360迎馬年啦！昂坪市集屆時將會擺滿一系列萌爆駿馬打卡位！當中必打卡位於圓形廣場嘅大型新春裝置「金駿報喜迎新春」，仲有駿馬祝福幸運輪盤。聽講今年更請嚟麥玲玲師傅參與新春裝置設計，向大家送上意義非凡嘅春節祝福！📅活動日期：2026年1月24日至3月8日📍地址：大嶼山昂平路111號昂坪市集點擊圖片放大 +3 -----------------8. 林村許願節每年新春必做嘅checklist，「林村許願節」作為本地具特色嘅文化活動，一定榜上有名！2026年林村許願節於2月17日起於林村許願廣場舉行，除咗去許願樹、放蓮花燈及拋寶牒祈福之外，更設有新春市集、特色美食、遊戲攤位，晚間仲有超人氣「許願夜市」，可以欣賞埋夜光舞獅表演，超適合親子出遊打卡感受喜慶節日氣氛！📅活動日期：2026年2月17日至3月3日📍地址：大埔林村許願廣場> “小森日記KOMORIDIARY” 分享去年林村許願樹遊覽攻略<點擊圖片放大 +5 -----------------🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。-----------------圖片來源：網上圖片、社群U Creator @Florence Leung 、 @Foodasouly、 @小沐 Virgo 、 @Karkarkarliehui 、 @小森日記KOMORIDIARY、 @海馬媽媽
