➤立即下載U Lifestyle App➤詳情懶人包同屋企人及親戚食團年飯，或者想帶外國朋友試地道美食，中菜絕對係首選！原來香港有好多環境雅緻而且味道高質嘅中菜餐廳，除咗有米芝蓮星級餐廳之外，仲有唔少精緻新派私房菜！今日小編精選香港6間粵菜餐廳，中菜控記得睇落去啦！🥢✨-----------------【最新社群活動】送您五星級酒店雙人自助餐/全新FWEE Spa Glowing妝前底霜套裝！踏入2026年，社群請大家食豪華雙人自助餐，祝大家新一年大飽口福！即日起至2026年1月27日，簡單登記就有機會免費食五星級酒店Buffet！👉🏻 登記贏五星級酒店自助餐 聚餐保持良好氣息都好重要！社群現正大派FWEE爆紅Spa Glowing妝前底霜套裝，即日起至2026年2月3日，簡單登記即有機會免費贏，輕鬆打造韓妹水光肌！👉🏻 登記贏妝前底霜套裝 -----------------1️⃣ 六如位於中環嘅新派Fusion中菜館「六如」(前身為三小漁)，主打高性價比嘅精緻粵菜及海鮮，用創新嘅擺盤方式呈現出經典口味中菜，中菜迷嚟食一定充滿驚喜！大家試想像將川香口水汁融入清甜嘅西瓜嘅味道，呢個組合配搭新鮮，食落爽口又開胃。另外，社群U Creator食完大讚竹炭黑金脆豆腐外脆內嫩。而且餐廳空間感十足，適合多人聚餐！📍地址：中環皇后大道中139號The L. Place 5樓> “Florence Leung” 分享中環新派中菜館必點美食<點擊圖片放大 +6 -----------------2️⃣ 香港醫學會中環會所「香港醫學會中環會所」以往主打為醫學會員提供專屬活動場地及精緻中菜私房菜，近年則開放予公眾申請，現時就算唔係醫學會員都可以體驗會所活動！其中會所為表彰醫者仁心，推出招牌「日月星辰」，包括巧手香麻脆皮鹽焗雞、滋陰養顏爵士湯等招牌美食，以日、月、星的造型呈現出嚟，每款菜式設計都充滿心思，味道好又打卡able！📍地址：中環干諾道中21-22號華商會所大廈2樓> “Foodasouly” 帶您打卡招牌日月星辰餐點<點擊圖片放大 +11 -----------------3️⃣ 麗晶軒想品嚐粵菜中嘅極致，就要試下位於尖沙咀麗晶酒店嘅米芝蓮二星餐廳「麗晶軒」！佢被譽為全球最佳粵菜酒樓之一，賓客可以體驗於270度維港海景下歎精緻粵菜盛宴，享受至尊級服務。想追求私隱度可以提前預訂私人廂房，無論係多人聚餐或者商務場合都夠晒體面！📍地址：尖沙咀梳士巴利道18號香港麗晶酒店地下點擊圖片放大 +3 -----------------4️⃣ 朗廷酒店「唐閣」朗廷酒店「唐閣」十度蟬聯米芝蓮三星粵菜食府榮譽，絕對值得一眾粵菜迷去朝聖！餐廳裝潢典雅且有格調，由中餐行政總廚鄺偉強師傅帶領經驗豐富嘅廚師團隊主理。除咗必食北京片皮鴨外，潮蓮燒鵝、筍尖鮮蝦餃、釀焗鮮蟹蓋等餐點味道都令人難忘，大受社群U Creator好評！> “小沐 Virgo” 分享米芝蓮三星唐閣詳細食評<📍地址：尖沙咀北京道8號香港朗廷酒店1樓及2樓點擊圖片放大 +6 -----------------5️⃣ 李公館想用親民價錢食到高質佛跳牆，咁就一定要嚟灣仔李公館，打卡正宗粵菜滋味。餐廳裝潢偏向懷舊風，適合朋友及一家人慶生打卡！最多人推介嘅佛跳牆套餐平均只需HK$168/位。另外冰鎮咕嚕肉、脆皮炸豆腐都係餐廳必點之選，每款餐點都由老闆精心設計，而且海鮮都係由老闆當日去街市選購，保證新鮮，難怪會成為近年中菜迷首推嘅中菜餐廳之一！📍地址：香港灣仔軒尼詩道303號協成行灣仔中心2樓> “Applechong” 分享點樣高CP值食到李公館粵菜< 點擊圖片放大 +7 -----------------6️⃣ 美味苑位於西營盤有間經營20多年嘅中菜小館，雖然隱藏喺巷仔入面唔太起眼，但唔少名人都有幫襯過！「美味苑」主打傳統手工廣東菜，而且價錢親民，因此深受街坊歡迎！主廚曾經喺鏞記酒家做過大廚，質素保證。其中社群U Creator推介佢嘅小炒王，有鑊氣而且夠晒惹味，高CP值食到高水準親手工菜！📍地址：西營盤德輔道西296號荔安里8-10號地舖> “netfoodie” 帶您打卡西營盤隱世中菜小館<點擊圖片放大 +10 -----------------🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。-----------------圖片來源：網上圖片、社群U Creator @Florence Leung 、 @Foodasouly、 @小沐 Virgo 、 @Applechong 、 @netfoodie
