➤立即下載U Lifestyle App➤詳情懶人包唔少都市人都會趁放假搵間環境雅緻嘅Cafe，歎返杯咖啡坐低消遣時間。近年本地越來越多韓式cafe，除咗餐牌設計創新、賣相吸引之外，環境裝修都好適合打卡！📸今日小編就整理香港7大韓風Cafe，當中不乏韓國人主理、海景主題，仲有得免費影韓式人生4格，即刻睇下邊間近您！☕🌱-----------------【最新社群活動】送您五星級酒店雙人自助餐/300張香港寵物節門票踏入2026年，社群請大家食豪華雙人自助餐，祝大家新一年大飽口福！即日起至2026年1月27日，簡單登記就有機會免費食五星級酒店Buffet！👉🏻 登記贏五星級酒店自助餐 除咗帶毛孩Cafe-hopping之外，唔好忘記帶同毛孩去香港寵物節選購用品！社群現正大派300張香港寵物節門票！即日起至2026年1月22日，簡單登記即有機會贏走免費香港寵物節門票！👉🏻 登記贏免費寵物節門票 -----------------1. Mason pocket 近年上環新開嘅韓式cafe「Mason pocket」主打自家製烘焙及韓式餐點，由韓國人主理，店內裝修簡約，以白啡色為主調，十分適合打卡！店面中央擺設有烘焙品展示枱，有各款自家製麵包供客人直接挑選。社群U Creator就挑選咗抹茶朱古力蛋撻，撻皮十分酥脆香口，韓式辣醬年糕作為鹹食都十分出色。重點係餐廳設有室外寵物友善座位，寵主都可以帶同毛孩消遣打卡！📍地址：上環皇后街1號帝后華庭地舖> “misschandiary.hk” 分享上環新開韓系cafe食評<點擊圖片放大 +7 -----------------2. COZY CREAM CORNER位於大角咀嘅韓國人主理cafe「COZY CREAM CORNER」同樣深受街坊歡迎！以藍白色為主色調，店面設有Y2K電視、廣角圓鏡、復古海報等打卡位，仲播埋韓文歌，唔講真係以為飛咗去韓國！餐飲方面，cafe主打多款口味Cream Latte，招牌花生忌廉口味香濃甜而不膩。佢仲係一間寵物友善餐廳，假期都可以帶同毛孩前來放電！📍地址：大角咀利奧坊地下G101> “Cuttlefishfamily” 打卡大角咀人氣cafe必點之選<點擊圖片放大 +7 -----------------3. Hillwood 54 Cafe呢間位於尖沙咀嘅「Hillwood 54 Cafe」近期話題度十足！因為入面唔單止好高性價比就食到多款口味嘅韓式麵包，而且仲可以免費影到韓式｢人生四格｣相片！韓國最近流行嘅海鹽麵包呢度都輕鬆食到，社群U Creator大推墨魚汁鹽味包(HK$18)，芝士炸醬公仔麵(HK$58)啲芝士超邪惡但夠晒惹味，「韓國胃」嘅您一定要去試下～📍地址：尖沙咀山林道54-56號利雅商業大廈地下2B鋪及1樓> “lulutummy” 分享尖沙咀爆紅韓式cafe食評<點擊圖片放大 +10 -----------------4. Terrace in seaside (SOHO West店)韓國過江龍餐廳Terrace in Seaside喺香港設有多間分店，不過大家可能唔知道，長沙灣分店係可以望到海景㗎！Cafe主打韓式洋輕食，分為室內及戶外區域。門前更擺放招牌柑橘樹，十分適合打卡。除咗必食部隊鍋、人蔘雞湯等冬日限定餐牌之外，唔可以錯過人氣濟州柑橘乳酪，濟州柑橘清香可口，仲可以同時打卡靚海景，體驗滿分！📍地址：長沙灣荔盈街10號SOHO West 1樓101號舖> “Rachel Y Life Diary” 拍片分享長沙灣韓式cafe海景有幾正<點擊圖片放大 +9 -----------------5. Seoulmate Cafe 原來將軍澳有間咁高質嘅韓式Cafe！Seoulmate Cafe以木質裝潢為設計，擺設有鞦韆、公仔等童趣打卡位，超適合親子用餐打卡！餐廳主打創意韓式料理，菜式擺盤超級可愛，以公仔造型呈現出嚟，而且份量十足。食完真係唔覺得將軍澳係美食沙漠了～📍地址：將軍澳澳南海岸唐俊街23號MONTEREY Place 地下G25B-G26A號舖> “Felix Felix Wong” 帶您打卡將軍澳cafe精緻美食<點擊圖片放大 +4 -----------------6. Coffee Hwajeon鍾情於小清新裝潢嘅您，Cafe-hopping就唔可以錯過呢間位於圓方嘅「Coffee Hwajeon」！餐廳主打韓式小食及輕食，可以挑選榻榻米或普通座位，同時體驗傳統韓式用餐文化！餐廳以「花」為主題，除咗擺有唔少乾花裝飾外，必食傳統韓式花煎餅都有花喺上面，而且炸雞年糕都多人推薦。超適合閨密慶生聚餐打卡！📍地址：尖沙咀柯士甸道西1號ELEMENTS圓方水區1樓1028B號舖> “LoklokCook” 打卡尖沙咀小清新韓系Cafe食評<點擊圖片放大 +7 -----------------7. Unnie想食高質嘅韓西fusion菜，位於銅鑼灣嘅樓上Cafe「Unnie」絕對係一個好選擇！落地玻璃加上暗調裝潢令用餐氛圍十分愜意，日光照入嚟打卡一流！社群U Creator推介必食明太子意粉配珍珠帶子及Unnie炸雞翼小食，肉汁豐富而且外皮炸得夠脆，份量都夠多，作為正餐去食都超飽肚！📍地址：銅鑼灣富明街2-6號寶明大廈1樓L號舖> “Pigwest_hkfoodie” 分享銅鑼灣樓上韓式Cafe食評<點擊圖片放大 +7 -----------------🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。圖片來源：社群U Creator @Cuttlefishfamily 、 @misschandiary.hk 、 @lulutummy 、 @brownlyeat 、 @Rachel Y Life Diary 、 @Felix Felix Wong 、 @Pigwest_hkfoodie 、 @LoklokCook
