➤立即下載U Lifestyle App➤詳情懶人包唔少香港人都會選擇搭高鐵上深圳吃喝玩樂，龍華區位於深圳福田區附近，交通方便之餘，仲有齊壹方天地、山姆超市等購物熱點！今日小編就為大家精選龍華區附近美食、玩樂、住宿攻略，假期北上嘅情侶、親子、朋友們記得bookmark低行程啦！📌😆-----------------【社群請您去🎄】Super Sports Park室內遊樂場🤸！除咗上深圳玩之外，香港都有豐富親子活動選擇！不如帶小朋友去全港最大室內運動遊樂場Super Sports Park盡情放電！集合超過20款遊戲運動，無論同朋友定家人去都一定玩得盡興！即日起至2026年1月11日，只要簡單登記就有機會免費入場📸，留低美好嘅回憶！>登記請您去全港最大Playhouse< -----------------深圳北好去處｜龍華區美食推介1. 啫火啫啫煲提到深圳啫啫煲專門店，深受港人歡迎嘅「啫火啫啫煲」原來喺龍華區壹方天地都有分店！餐廳主打廣式啫啫煲即做，將新鮮食材放入砂煲燒焗，燒好後會發出「啫啫」般叫聲。社群U Creator就表示餐廳每道菜都火喉十足，加上CP值極高，人均¥100以下就食到飽，值得大家前來一試！📍地址：龍華區壹方天地B區L3-009室> “大A吃貨組” 分享啫火啫啫煲連鎖店食評<更多壹方天地美食及好去處推介👉🏻 https://ulapp.hk/u0snk點擊圖片放大 +7 2. Tegu泰古蓮·泰國餐廳紅山6979係龍華區熱門且店舖集中嘅開放式商場，連接深圳地鐵「紅山」站，除咗有齊文青打卡熱點、KTV等商店之外，更集結多種類特色餐廳，一次過滿足食玩買所有願望。其中社群U Creator推介大家去「Tegu元素泰國餐廳」，唔使飛去泰國都歎到正宗泰國料理，裝潢更採用金色系網狀設計，令成個環境更加開揚優雅，打卡又食得！ 📍地址：龍華區紅山社區紅山6979三期11棟1層134室> “Trysomefood_hk” 同您分享更多紅山6979行程攻略<點擊圖片放大 +4 -----------------深圳北好去處｜龍華區玩樂推介1. 深圳北站中心公園距離深圳北站行15分鐘左右，原來有個免費嘅室外兒童樂園「10號星球樂園」！樂園色彩繽紛，以「星球探索」為主題，設施外觀都以星球為靈感設計。園內有齊巨型滑梯、沙池、鞦韆、繩網等遊樂設施，公園附近都有大草地，一家大細放假前來野餐打卡都夠晒愜意！📍地址：龍華區深圳北站西廣場前點擊圖片放大 +4 2. 心跳頑家超級運動世界如果您嘅另一半或者小朋友自問好大膽，咁就一定要帶佢哋去「心跳頑家超級運動世界」挑戰膽量！遊樂場佔地約8000平方米，共有3個樓層，提供超過50種遊戲項目，有齊Disco轉盤、海盜船、蹦牀等心驚膽顫體驗！就算玩唔到刺激遊戲，都仲有保齡球區、合家歡項目，大人小朋友都玩得盡興！📍地址：龍華區大浪街道華旺路51號> “Desiree Yi” 拍片話您知啲遊戲有幾刺激<點擊圖片放大 +13 3. 深圳美術館新館展覽控一定要去龍華區呢個新地標——「深圳美術館新館」，外觀以純白簡約色調為主，入夜更會發光，好似一盒充滿驚喜嘅寶石盒。佔地面積達6.6萬平方米，新館共有4層，設有18個藝術展廳、典藏畫庫、雕塑場、圖書室等等，館內設有大量裝置藝術，而且費用全免，同時滿足到您欣賞藝術品及打卡兩種願望！📍地址：深圳市民治街道騰龍路30號1棟交通方式：地鐵「紅山站」A2出口步行5-10分鐘> “Angela Chui” 分享深圳美術館新館打卡攻略<點擊圖片放大 +9 -----------------深圳北好去處｜龍華區住宿推介1. 龍華希爾頓逸林酒店龍華區附近咁多活動，玩一日都未必玩得晒！如果想揀間靚酒店staycation慢慢享受，「龍華希爾頓逸林酒店」係龍華區性價比較高嘅五星級酒店，值得親子或情侶度過一晚。酒店位於市中心位置，鄰近壹方天地商場，吃喝玩樂都十分方便！📍地址：深圳市龍華區東環二路8號> “misschandiary.hk” 帶您打卡高性價比五星級酒店<點擊圖片放大 +7 2. 深圳美憬閣酒店MGallery想入住時尚感十足嘅酒店，一定要入住呢間近年新開業嘅五星級「深圳美憬閣酒店」！位於大浪時尚小鎮內，鄰近深圳北站。酒店融入濃厚嘅藝術氣息，無論係外觀定係內部設計，都仿如置身於藝術館一樣！酒店6樓亦配有24小時開放健身室、恒溫泳池等設施，設備齊全又充滿格調！親子短線遊前來打卡放電最適合不過！📍地址：深圳市龍華區浪韵路8號> “nikko88” 話您知MGallery酒店裝潢有幾時尚<點擊圖片放大 +10 3. 深圳觀瀾湖度假酒店親子想去深圳短度假，必入住「深圳觀瀾湖度假酒店」！作為國家5A級旅遊度假區，連接世界級高爾夫球場，酒店更設有免費穿梭巴士，可以無縫接駁到附近大型商場、觀瀾湖生態運動公社、觀瀾湖藝工廠等文化娛樂潮地，輕鬆玩齊滑雪、卡丁車、水族館等多樣活動！行程咁豐宙，玩2日1夜都未必夠吵呀！📍地址：深圳市龍華區觀瀾鎮泗路1號> "daniel2915" 帶您睇觀瀾湖度假村有咩玩<點擊圖片放大 +5 即入U Lifestyle 港媽港爸親子福利資訊區，一站式掌握獨家親子好物和活動優惠👶：https://ulapp.hk/8ge49-----------------🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。-----------------圖片來源：官方圖片、深圳市城市管理和綜合執法局、社群U Creator @大A吃貨組、@Trysomefood_hk、@Desiree Yi、@Angela Chui、@misschandiary.hk、@nikko88、@daniel2915
