➤立即下載U Lifestyle App➤詳情懶人包又到新一年，不如趁假期帶子女去城市以外嘅地方「森」呼吸！🌳香港除咗石屎森林之外，其實仲有好多郊外地方值得大家探索，今日小編精選全港8大親子郊遊景點，有齊行山、體驗農莊樂、親手摘士多啤梨等體驗，即刻bookmark定開展「親子同樂日」啦！📌💕-----------------【社群免費送】Super Sports Park室內遊樂場門票/Namco遊戲代幣10,000個/AIA友邦嘉年華門票連代幣🤸！親子活動點會淨係去郊遊咁簡單呢！不如帶小朋友去本港室內/室外遊樂場盡情放電！只要簡單登記，社群就會免費送出Super Sports Park室內遊樂場門票/Namco遊戲代幣連李錦記醬料套裝/AIA友邦嘉年華門票連代幣！📸等您新一年同子女創造美好嘅回憶！>登記請您去全港最大Playhouse< >最後機會贏走Namco遊戲代幣< >登記贏走友邦嘉年華門票< -----------------1. 大埔蝶豆花園位於大埔郊區嘅「蝶豆花園」絕對係親子出遊必去景點之一，亦都係大埔熱門親子好去處！公園佔地約50萬平方呎，裡面可以睇到全港獨有草泥馬、白馬、仲有來自紐西蘭嘅「卡通羊」——黑鼻羊及熊貓羊，超趣緻！除咗小動物之外，公園內仲有得打卡花海，以及不定期舉辦蜂蜜餅製作工作坊，最適合親子一日遊！📍地址：新界大埔鳳園路8號蝶豆花園🚌交通方式：大埔墟站轉乘小巴20P> “大大粒” 分享大埔蝶豆花園更多遊玩攻略<點擊圖片放大 +7 -----------------2. 大欖郊野公園今年無緣去日韓追楓都唔便覺得可惜，香港都仲有機會睇到！每年12月至1月又迎來去大棠睇紅葉嘅時候，而根據漁農自然護理署轄下大棠「紅葉情報」資訊，截至2025年12月31日，大棠紅葉開始轉紅啦！大家把握機會，趁紅葉最靚嘅時候帶子女一齊去打卡呢片季節限定自然絕景！📍地址：大欖郊野公園楓香林🚌交通方式：朗屏站B2出口搭乘K66號巴士直達大棠山路> “為食到處遊” 帶您睇今年大棠紅菜實況<點擊圖片放大 +4 -----------------3. 沙頭角禁區沙頭角作為邊境禁區，近年逐步開放，成為本地親子一日遊熱門好去處！當中，舊消防局、記錄香港民間節慶巡遊活動嘅壁畫街、觀賞邊界風景嘅中英街，都係網民一致認同必去打卡位，想發掘更多自然景點仲可以喺碼頭搭船去｢鴨洲｣，度過輕鬆慢活嘅小島時光！記得出發前提前申請禁區證明或者到沙頭角禁區證辦事處辦理禁區證明，視官方資訊作準。禁區證明申請方法：https://ulapp.hk/brzs8📍地址：新界粉嶺沙頭角道八號 (禁區證辦事處)🚌交通方式：上水站或粉嶺站乘搭78S/78K巴士> “DollyLing” 分享沙頭角必去打卡點推介<點擊圖片放大 +5 -----------------4. 元朗錦田鄉村俱樂部如果您想體驗農莊摘士多啤梨，同時滿足您BBQ、餵小動物、工作坊、康樂活動等多種體驗，咁就一定要去「元朗錦田鄉村俱樂部」盡情放放電！現時去仲有得打卡秋冬限定粉紅波斯菊花海，影相一流！無論親子定係情侶出遊，或者team-building，呢度都係一個帶您遠離市區煩囂專注散心嘅好地方！📍地址：元朗錦田公路DD109地段1127號🚌交通方式：錦上路站C出口乘搭601小巴> "相機食先的女孩" 分享錦田小眾打卡位<點擊圖片放大 +4 -----------------5. 金山郊野公園位於深水埗同沙田交界嘅「金山郊野公園」都係唔少郊遊人士嘅熱門好去處。佢又稱「馬騮山」，故名思義就係好多馬騮喺路邊活動。而且行山路線相對輕鬆，其家樂徑圍繞九龍水塘及石梨貝水塘，途中仲可以打卡戰士遺跡，因此都吸引唔少行山新手及一家大細前來郊遊漫步，感受大自然風光！🚌交通方式：太子站轉乘巴士81號> "yan yan" 帶您打卡金山郊野公園靚景<點擊圖片放大 +4 -----------------6. 大美督家樂徑親子出遊行山，想選擇簡易又有特色嘅行山路線，「大美督家樂徑」絕對係不二之選！全程所需時間30分鐘都唔使，沿途可以打卡十二生肖標柱，就可以俯瞰船灣淡水湖、鹽田、八仙嶺等自然景色！建議下午3-4點左右出發，仲可以打卡埋絕美日落風景🌅，見到咁靚嘅景瞬間得到治癒啦～注意事項：沿途有機會遇上猴子，請勿隨便餵詞牠們！📍地址：香港船灣大美督路66號號🚌交通方式：大埔墟站轉乘20R/20C小巴> "豹紋魚" 分享大美督家樂徑路線<點擊圖片放大 +7 -----------------7. 城門郊野公園城門水塘位於大帽山同金山郊野公園之間，亦都係本地其中一個最熱門嘅郊遊好去處。由菠蘿壩自然教育徑，途經白千層樹林、觀景台、主壩、戰時遺跡等景點，風景如畫又唯美嘅自然風光亦都有唔少準夫妻前來拍攝婚紗相。無論出遊打卡或者散心放鬆都十分適合！注意事項：沿途有機會遇上猴子，請勿隨便餵詞牠們！📍地址：香港老圍上城門水塘🚌交通方式：荃灣站B1出口轉乘82小巴> “Ayu Tang” 同您分享新手及進階版行山路線<點擊圖片放大 +2 -----------------8. 浪茄灣位於西貢嘅浪茄位於西貢東郊野公園內，為麥理浩徑第一段途經。因為海灘沙幼水清而且景色優美，又被稱為「香港必去沙灘」！如果想遠足到達，社群U Creator就建議由西灣亭或萬宜水庫東壩出發，約90分鐘。而且附近仲可以露營及BBQ，絕對係本地露營或者一日遊必去景點之一！📍地址：新界西貢半島浪茄🚌交通方式：94巴轉乘9A小巴至東壩總站，步行至浪茄灣> "Tung Yung" 帶您打卡香港絕美沙灘<點擊圖片放大 +4 【招親子KOL】親子合作配對計畫 l 優先參加合作試用！立即登記➡️ https://ulapp.hk/y8lsl🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。-----------------圖片來源：社群U Creator @大大粒、@為食到處遊、@miumiumiu、@DollyLing、@相機食先的女孩、@yan yan、@豹紋魚、@Ayu Tang、@Tung Yung
