➤立即下載U Lifestyle App➤詳情懶人包每年冬季最令人期待嘅活動一定係去日本朝聖各地夜間點燈活動，於濃厚文化色彩嘅景色下感受冬日限定夢幻氛圍感！今日小編同大家精選全日本8大熱門點燈活動，包括每年超難預約嘅世界遺產白川鄉點燈、支芴湖冰濤祭、日本三大燈光秀等等，今年冬季去日本不妨加入行程！-----------------【免費請您去嘉年華】大派友邦嘉年華門票連代幣400套🎊！今個冬天冇出國plan都唔緊要，又可以去「AIA友邦嘉年華」開party😍！U Lifestyle送出400套門票連代幣，俾您盡情體驗超過30款刺激機動遊戲，再玩盡多個攤位遊戲，贏走人氣角色公仔🐻！嘉年華仲設有多個打卡裝置、精彩雜技表演、社區團體表演及多國風味小食，輕鬆打卡冬日限定嘉年華！>登記請您去AIA友邦嘉年華< -----------------北海道點燈活動1️⃣ 美瑛「白金青池」冬天當然唔可以錯過北海道雪景！其中北海道美瑛町嘅白金青池以鈷藍湖水及白樺樹景色聞名，入夜時分，結冰湖面形成超靚嘅白色鏡面，特別係點燈後更會形成光影交錯嘅效果，神秘又唯美，特別推薦情侶一定要去朝聖下！地址：北海道上川郡美瑛町白金點燈日期：2025年10月24日至2026年4月22日點燈時間：17:00 ~ 21:00> “jacko_dailylife” 帶您打卡北海道最美白金青池<點擊圖片放大 +6 -----------------2️⃣富良野森林精靈露台位於新富良野王子飯店森林入面嘅「精靈露台」同樣係北海道必去浪漫絕景之一！作為一個童話世界一樣嘅森林市集，沿路會見到一棟棟小木屋，每間小屋都係一間獨特嘅手工藝工坊，而且無須入場費，一年四季都打卡到呢個小童話村！夜晚更有點燈儀式，冬日限定雪景配上點燈過後嘅童話小木屋，十分浪漫且溫暖，輕鬆打卡人生靚相！地址：北海道富良野市中御料> “eatnaeatna” 分享精靈露台有幾夢幻<點擊圖片放大 +7 -----------------3️⃣支芴湖冰濤祭難以想像呢啲七彩冰雕都係由湖水製成！每年1月下旬至2月為北海道「支芴湖冰濤祭」，附近除咗可以歎溫泉之外，仲可以觀賞由支笏湖湖水抽出，再用顏料噴塗而成嘅七彩冰雕場景！場內更有水族館、冰雕神社、滑梯等項目。日頭睇就係一系列偏藍色冰雕，入夜之後搖身一變成為一個彩虹夢幻世界，！而且2月份指定日子仲有煙花睇，將冬日熱鬧氛圍拉到最高點！點燈日期：2026年1月31日至2026年2月23日地址：北海道千歳市支笏湖温泉官網睇更多亮點點擊圖片放大 +5 -----------------中部地區點燈活動4️⃣ 白川鄉點燈提到每年最令人期待嘅點燈盛事，位於岐阜縣嘅世界遺產「白川鄉合掌村」點燈活動一定榜上有名！呢個村落最大特色就係完美保留日本傳統生態及獨特嘅茅草合掌造屋頂，每年冬天，小木屋被白雪覆蓋，形成期間限定冰雪世界。入夜點燈後更可以觀賞暖黃色燈光與戶外冷白雪景形成強烈對比嘅景色，難怪會被稱為「一生人必去一次景點」！查看白川鄉觀光協會官網睇預約方法 點燈日期：2026年1月12日、1月18日、1月25日、2月1日點燈時間：17:30 ~ 19:30地址：岐阜縣大野郡白川村荻町📸最佳觀賞位置：荻町城跡展望台 > “思思賢 Chill My Babe” 分享白川鄉最佳觀賞攻略<點擊圖片放大 +2 -----------------關東地區點燈活動5️⃣ 足利花卉公園「光之花園」燈光秀去關東地區旅行，不妨抽空一日時間去栃木縣朝聖被CNN評選為世界十大夢幻景點嘅「日本第一燈光秀」—— 足利花卉公園「光之花園」！10萬平方公尺公園內設有超過500萬粒燈泡，包括聖誕、新年等期間限定燈光展示及花卉主題點燈秀，為觀眾帶嚟多感官盛宴！小編最鍾意「大藤粉紫燈光花海」，用彩燈製成嘅大藤吊滿整個藤架，亮燈之後簡直太夢幻！點燈日期：2025年10月18日至2026年2月15日 (12月31日休息)地址：栃木縣足利市迫間町607票價：成人1400日圓、兒童700日圓官網睇燈光秀詳情 點擊圖片放大 +3 -----------------6️⃣ 新潟光之盛典位於JR新潟站南口前嘅「光之盛典」都係每年日本冬天必睇燈飾之一！每年11月，16萬顆燈泡點亮200棵櫸樹，形成一條夢幻光之隧道！而且落雪時候更加帶嚟唔一樣嘅驚喜，鋪滿白雪嘅櫸樹加上溫暖燈光照亮成條街道，實在充滿日劇浪漫氛圍啊！活動日期：2025年11月14日至2026年1月31日地址：新潟市中央區天神1> “Travel Plan Ahead” 分享雪景下的新潟光之盛典<點擊圖片放大 +2 -----------------關西地區點燈活動7️⃣美山茅草屋之鄉冬燈廊位於京都美山町嘅美山茅草屋之里係日本三大合掌村之一，茅草屋傳承了超過200年，每年都有冬季限定點燈活動！由於近年美山町雪量減少，2026年點燈活動名由「雪燈廊」改成「冬燈廊」，且取消往年「雪燈籠製作體驗」。唔變嘅係，同樣以溫暖嘅地燈及LED燈點亮整個村落，而且更可觀賞日本最傳統嘅舞蹈表演及搗麻糬、紅豆湯招待，打卡呢個一年一度嘅冬日限定靚景！活動日期：2026年1月19日至1月23日地址：京都府南丹市美山町北預約方法見官網 > “cincin_piggy” 打卡美山茅草屋超夢幻點燈<點擊圖片放大 +7 -----------------九州地區點燈活動8️⃣豪斯登堡「光之王國」提到日本燈光秀，九州豪斯登堡「光之王國」都係不容錯過嘅景點。自從2013年起，連續9年獲得日本3大燈飾之一，每年冬天以1300萬顆燈泡點亮整個園區，更結合音樂及動畫嘅3D光雕表演，無論街道或是遊樂設施，通通加入超壯觀光影元素，打造出盛大又夢幻嘅歐式燈光秀，現場睇一定好震撼！活動日期：2025年11月7日-2026年2月26日地址：長崎縣佐世保市豪斯登堡町1-1官網睇更多詳情 點擊圖片放大 🔔 Follow《U Community社群》Instagram 同讚好 Facebook專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。-----------------圖片來源：官方圖片、社群U Creator @jacko_dailylife、@eatnaeatna、@思思賢 Chill My Babe、@Travel Plan Ahead、@cincin_piggy
