➤立即下載U Lifestyle App➤詳情懶人包踏入12月，又到士多啤梨當造季節！呢個時候，好多人都會將「士多啤梨園」列入行程，親手摘取飽滿果實，即場品嚐最新鮮天然嘅士多啤梨。當中福岡縣更出產全日本最知名嘅品種「甘王」，同時都係產量排名第二嘅縣市。小編整合咗九州地區人氣士多啤梨品種介紹及5大士多啤梨果園，十分適合親子或情侶體驗！-----------------【招募500人】免費試用自由鳥亞洲4日數據卡！聖誕節去旅行又要導航又要打卡，最緊要去邊都上到網！U Community社群送您亞洲4日數據卡，中日韓台星馬泰等地適用，每日盡享1GB全速+無限數據，無論去邊、玩幾耐都冇問題！即日起到2025年12月14日，只要簡單登記即有機會免費獲得啦！登記拎免費旅遊SIM卡暢遊日本 -----------------熱門士多啤季品種「甘王 (あまおう)」香港人最熟悉嘅｢甘王草莓｣亦都係日本最知名嘅士多啤梨品種，有「日本士多啤梨之王」之稱。為福岡縣以生產「日本第一士多啤梨」為目標而開發嘅品種，名字取至日文「あかい(鮮紅)」、「まるい(渾圓)」、「おおきい(大粒)」及「うまい(好吃)」而成。無論外觀或顏色都有如紅寶石一般鮮艷飽滿，而且味道鮮甜，令人難以抗拒！甜度：11度以上> “Mango’s Channel” 詳細介紹日本士多啤梨之王< -----------------「淡雪 (あわゆき)」熊本縣出產嘅「淡雪」士多啤梨憑住稀有嘅淡粉色外觀及白色果肉，深得一眾少女歡心！由於產量少，因此價格都相對較高。味道十分清甜，甜度較高且低酸度，適合唔鍾意酸士多啤梨嘅您！甜度：13度> “Sara” 分享點解淡雪士多啤梨咁深得少女歡心<點擊圖片放大 -----------------「戀之實 (ゆうべに)」「戀之實」同樣係香港人熟悉嘅士多啤梨品種，由熊本縣頂級溫室種植。名字意思為「戀愛中的果實」，象徵幸福同甜蜜，因此適合送禮！而「戀之實」以果實飽滿，鮮紅外觀及白色果肉為名，而且酸甜平衡，配乳酪或生食都可以！甜度：約12-14度點擊圖片放大 +2 -----------------九州5大士多啤梨園推介1. 白木農場一場來到福岡，當然要去福岡士多啤梨園現摘現食最新鮮嘅「甘王」士多啤梨！位於福岡近郊小郡市嘅「白木農場」以種植「甘王」士多啤梨為名，設有4大品種士多啤梨「食べ放題」，除咗甘王外，仲可以摘到幸香、豐香、及較少見嘅美味C品種。50分鐘任摘任食，只需每位成人2,500円，仲有工作人員講解品種，會配合英語字卡，外地人都唔驚聽唔明！地址：〒838-0105 福岡県小郡市横隈1706交通方式：｢博多站｣搭乘電車至西鐵｢三沢駅｣步行15分鐘可摘品種：甘王、幸香、豐香、美味C官網睇預約詳情> “EsterCheung” 分享白木農場士多啤梨採摘心得<點擊圖片放大 +7 -----------------2. 糸島Ichigoen (糸島イチゴ園)糸島市內有好多採摘士多啤梨地方，其中「Ichigoen」係每年摘士多啤梨嘅人氣景點，種植士多啤梨超過60年。園內種植10種士多啤梨，其中包括稀有白色士多啤梨「白天使」及紅黑色「真紅的美鈴」。園內更設有廚房車，供客人現場購買用「甘王」製成嘅士多啤梨甜品！成人現採現食方案40分鐘約3,500円，記得一定要預約啊！地址：福岡縣糸島市志摩御床交通方式：從JR「筑前前原站」北口搭乘社區巴士可摘品種：甘王、幸香、佐賀穗之香、香野、栃乙女、白天使、真紅的美鈴官網預約傳送門> “路癡GIRL日本移居生活”分享糸島摘士多啤梨心得 <點擊圖片放大 +10 -----------------3. 久留米中村果樹園Fruitelier位於福岡久留米嘅「中村果樹園」有110年種植經驗，今年12月中旬起至翌年6月都可以隨意摘到鮮甜飽滿嘅士多啤梨！2,800円就可以50分鐘現摘現食，而且全程於溫室內進行，雨天都可以照常進行。園內每日提供2-3個品種士多啤梨，進場必須預約。果園亦係親子友善及寵物友善場所，設有親子洗手間，方便為BB即場換尿片。而且環境寬闊光線充足，十分適合打卡！地址：福岡縣久留米市藤山町714（星期三休息）交通方式：搭乘西鐵電車至西鐵「久留米站」轉乘計程車可摘品種：甘王、戀實、紅頰、佐賀穗之香、鈴、香野等詳細開園時間表及方案請查閱官網點擊圖片放大 +2 -----------------4. 久留米Kirari農園位於久留米嘅Kirari農園共有兩個果園，於今年12月20日開園供客人採摘士多啤梨，採用完全預約制。園內種有7種士多啤梨，就連極罕有嘅「淡雪」及「白天使」都有，而且都係種植於溫室。50分鐘任摘任食，每位成人約¥2,800円，不過數量較罕有嘅白色士多啤梨就每位只可以採摘食兩粒啦~地址：福岡縣久留米市北野町中2414可摘品種：淡雪、白天使、甘王、戀之實、紅頰等7個品種交通方式：西鐵「北野站」轉乘計程車5分鐘或徒步20分鐘官網查閱開園最新資訊點擊圖片放大 +5 -----------------5. 熊本「觀光農園吉次園」位於熊本「觀光農園吉次園」擁有近10,000平方公呎嘅士多啤梨田，為熊本最大型士多啤梨果園。除咗士多啤梨外，更設有葡萄、橙、梨各種當季水果採摘體驗。成人40分鐘食到飽都係只需2,200円。附近休息區都設有兒童遊戲區供小朋友放電，另外果園更設有水果直銷店，可以買到當季水果及製成嘅甜品等等！地址：熊本市北區植木町木留556-1交通方式：從JR「植木站」轉乘計程車可摘品種：佐賀穗之香、火之水滴、紅頰、戀之實等官網查看開放時間及最新消息點擊圖片放大 +2 *價錢只供參考，視乎當季供應浮動，應以官方資訊作準。🔍延伸閱讀【東京聖誕2025】東京7大聖誕好去處 100萬顆燈光秀/聖誕市集/15米聖誕樹【日本神社】大阪7個特色神社推介 必買爆紅透明御守/達摩/限定御朱印【河口湖溫泉】7間富士山景觀溫泉住宿推介 附溫泉禮儀/交通方式-----------------🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。-----------------圖片來源：IG帳戶@itoshimaichigoen、@kirari_farm、社群U Creator @Mango’s Channel、 @Sara 、@EsterCheung、@路癡GIRL日本移居生活
