➤立即下載U Lifestyle App➤詳情懶人包深圳茶飲店越開越多，甚至很多內地品牌茶飲店近年進軍香港市場。由於只需用好實惠嘅價錢就可以飲到好大杯，唔少香港人每次北上都會入手一杯深圳特調飲品邊飲邊掃街，甚至會多買幾杯帶返香港！今次小編就整合深圳8間近年大受歡迎嘅茶飲店，即睇邊間方便大家！-----------------【招募500人】免費試用自由鳥亞洲4日數據卡！聖誕節去旅行又要導航又要打卡，最緊要去邊都上到網！U Community社群送您亞洲4日數據卡，中日韓台星馬泰等地適用，每日盡享1GB全速+無限數據，無論去邊、玩幾耐都冇問題！即日起到2025年12月14日，只要簡單登記即有機會免費獲得！登記拎免費旅遊SIM卡暢玩大灣區 -----------------深圳茶飲店推介｜1. 霸王茶姬相信香港人就算冇飲過都聽過「霸王茶姬」！源於雲南，開業至今8年已經累積超過6,000家分店，於香港都有近11間分店！主打新式東方原葉鮮奶茶，另外仲有水果茶、純茶等選擇。招牌「伯牙絕弦」以茉莉雪芽茶葉作為基底，加入新鮮牛乳，用大眾化調製方法令客人品嚐出茶葉最原始嘅茶香！地址：福田街道安社區福華一路3號領展購物廣場G層GF016A其它分店地址見官網點擊圖片放大 +4 -----------------深圳茶飲店推介｜2. 阿嬤手作「阿嬤手作」絕對係近年最受香港人愛戴嘅深圳茶飲店之一！來自廣西嘅「阿嬤手作」於2018年開業，主打手作現煮茶飲及配料，連珍珠、麻糬、芋圓、仙草等配料都係以古法現煮方式製作，招牌「手打米麻糬」可自選茶底，麻糬內加入糯米更可加入奶蓋及牛乳，豐富口感層次！可惜香港仍未有「阿嬤手作」分店，粉絲想飲就要專程上深圳飲啦！地址：福田街道崗廈社區福華路346號崗廈城L1層L1-L146> “hkeateateat” 帶您打卡阿嬤手作招牌特飲<點擊圖片放大 +4 -----------------深圳茶飲店推介｜3. CharlieTown紅茶公司深圳有一間人稱「茶飲界Hermès」嘅茶飲店！講緊就係呢間來自上海嘅「CharlieTown」，由米芝蓮團隊打造，無論係英倫復古風裝潢、包裝定飲食質素都係五星級。主打無色素、無防腐劑、無奶精，茶葉亦從多國搜羅返嚟，包括英國豪門伯爵、斯里蘭卡雲頂錫蘭等等。當中招牌「手作•麻薯芋泥雲頂錫蘭牛乳茶」大受好評，茶香濃厚而且口感順滑，一杯約¥34！地址：南山區科苑南路2888號深圳灣萬象城B150室> “Krystal” 話您知CharlieTown為何被稱為「茶飲界Hermès」<點擊圖片放大 +6 -----------------深圳茶飲店推介｜4. 茶話弄｢茶話弄｣源於西安，主打低熱量中式鮮奶茶，2016年開業至今已開設約800間分店，而且深圳分店開幕至今仍然人龍不斷，可見值得一試！茶底堅持採用高品質原葉茶現泡，保證飲得出原汁原味！必點爆紅招牌「桂花引」，以四種高品質烏龍茶配調，桂花茶味香濃又清新，重點係飲得爽而且又零負擔！地址：福田區福華三路118號皇庭廣場G-9號> “K班旅行團” 分享茶話弄環境及茶飲特色<點擊圖片放大 +4 -----------------深圳茶飲店推介｜5. 東方墨蘭南京爆紅茶飲店「東方墨蘭」終於開到嚟深圳啦！由店內裝潢到茶飲包裝，無一不充滿中式獨有韻味！選用新鮮牛奶，奶味香濃同時唔會搶走茶葉本身嘅純香，打造出茶味濃厚嘅鮮奶茶。招牌見山青提以青提烏龍茶調配原味輕乳，甜度適中，難怪被稱為「中國風茶飲天花板」！地址：福田街道福華一路3號領展購物廣場FG017> “lamfoodie2021” 分享東方墨蘭茶飲真實評價<點擊圖片放大 +2 -----------------深圳茶飲店推介｜6. 去茶山「去茶山」成立於2000年，來自貴州，喺深圳設有6間分店。採用高質茶葉及貴州本土食材炮製出特色茶飲。招牌「干酪普洱鮮奶茶」最多網民推薦，通過將普洱茶結合香濃鮮奶同乾酪，打造出口感綿滑茶底濃厚嘅鮮奶茶。另外仲有推出酸奶及果茶系列，茶飲控必試！地址：深圳科技園科發路19號萬象天地NL417號舖> “Hello this is Luffy” 帶您打卡貴州特色茶飲<點擊圖片放大 +3 -----------------深圳茶飲店推介｜7. 英歌魂「英歌魂」源自潮汕，成立於2019年，以潮汕文化遺產「英歌舞」為理念，係廣東地區近年大受歡迎嘅新式時尚茶飲店，單單係深圳已經有30間分店，致力打造新奇多變嘅奶茶、咖啡款式。其中代表性產品「白桃沁雪」更創一年賣500萬杯熱銷紀錄，以白桃烏龍茶作為基底，表面擠滿忌廉再鋪上酸甜士多啤梨乾，值得手搖控們一試！地址：鹽田區海山街道鵬灣社區深鹽路2033號壹海道2-132官網睇更多英歌魂餐牌 點擊圖片放大 +5 -----------------深圳茶飲店推介｜8. 茉莉奶白「茉莉奶白」作為近年深圳爆紅文青風茶飲店，同樣深受香港人歡迎，喺深圳都有多間分店！主打東方茉莉茶，無論果茶、抹茶、鮮奶茶、花茶口味都較清淡，而且使用天然牧场直供奶源，無添加香料，適合淡口味人士！「茉莉奶白」亦不定期舉辦線上活動及聯名主題，近期更聯乘韓國人氣「線條小狗」推出限定周邊，粉絲必衝！地址：新湖路99號壹方城L1層L1-108號商铺> “Me Simplestyle” 打卡深圳爆紅茉莉奶白<點擊圖片放大 +4 🔍延伸閱讀【深圳紅葉2025】深圳7個落羽杉好去處 地鐵可直達/全新開發/爆紅打卡景點【深圳滑雪場】6大深圳滑雪場推薦 全球最大室內滑雪場/高手新手適用【自助餐推介】深圳10大高CP值自助餐 當季大閘蟹/任食龍蝦/生蠔-----------------🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。-----------------圖片來源：網上圖片、社群U Creator @hkeateateat、@luv_tracy_c、@K班旅行團、@miumiumiu、@lamfoodie2021、@Hello this is Luffy、@Me Simplestyle
