➤立即下載U Lifestyle App➤詳情懶人包近年越嚟越多人鍾意食Bagel，甚至於社交平台群組「貝果關注組」多達2萬人，可見港人對於發掘本地Bagel餐廳嘅堅持。小編今日整理咗港九新界9間網民推介Bagel小店，當中收獲口感煙韌、豐富餡料、款式多樣等好評，各位Bagel控即刻save低plan定早餐食咩好啦！-----------------【限時再送】即食糖水2️⃣0️⃣0️⃣份！正式踏入冬天，除咗發掘Bagel店做早餐，都唔好忘記食甜品滋潤一下！U Community社群今次免費請您食暖胃糖水，只要簡單記，即有機會免費帶走🥰！ 登記拎免費糖水-----------------香港Bagel推介｜1. Bagels Forever想食到健康且無添加嘅Bagel，「Bagels Forever」就滿足到您！佢係少數可以直接喺超級市場買到嘅急凍Bagel，因為口感煙韌而且價錢實惠而大受Threads友好評！一袋共有4個，有洋蔥味、藍莓味等多款口味。放冰格可以保存6個月。解凍後放入焗爐或用平底鍋加水烘烤，就得出一份香噴噴嘅早餐！價錢約HK$50/包，平均HK$10/個，CP值十分高！地址：各大超級市場有售> “julyooc” 同您分享Bagel Forever食評<點擊圖片放大 +3 -----------------香港Bagel推介｜2. LUNGOBagel控唔好錯過呢間主打Bagel嘅cafe「LUNGO」！開業超過6年，除咗灣仔之外，仲有荔枝角、旺角等5間分店，總有一間喺您附近！Bagel口味多選擇，而且既香脆又新鮮，因此大受網民好評！社群U Creator就推介「煙三文魚芥末蛋黃醬Bagel」鹹香三文魚中和wasabi辛辣，口感有驚喜！地址：灣仔軒尼詩道314-324號永倫立方地下C號舖IG帳戶@lungo_hk> “foodie_chuu” 推介更多LUNGO必點Bagel<點擊圖片放大 +6 -----------------香港Bagel推介｜3. Dear Coffee & BakeryBagel控冇可能冇聽過「My Dear Coffee and Bakery」！為大圍開業10年嘅cafe，本店結業後專注網店生意，近期分別於啟德及圍方舉辦期間限定店及進駐超市。「Dear Coffee & Bakery」主打創新口味Bagel，多款人氣口味如開心果乳酪夾心Bagel、杜拜朱古力Bagel、新推出煙燻芝士雞胸酸種Bagel等，新鮮食材爆餡而且保持到口感煙韌，仲有招牌Bagel三文治，全部都大受Bagel控歡迎！地址：九龍啟德協調道2號AIRSIDEIG帳戶@dear.coffee.bakery> “nocarbs_nolife” 詳細分享其中兩款人氣Dear Bagel食評<點擊圖片放大 +9 -----------------香港Bagel推介｜4. Treecave位於大角咀嘅小店Treecave專賣貝果及雞蛋仔、窩夫等小食。主要做外賣生意，不過都有少量位置可以坐低用餐。小店推出多款口味貝果，如經典煙三文魚Bagel、豬柳蛋Bagel、韓式豬梅肉Bagel等，仲有限定抹茶柚子乳酪Bagel等甜貝果，驚喜配搭且足料，成功獲得Bagel控歡心！地址：大角咀塘尾道193號地下C1號舖IG帳戶@treecave.bagel> “小白白” 分享Treecave掃街之選<點擊圖片放大 +6 -----------------香港Bagel推介｜5. 阿啡Affee位於鰂魚涌嘅「阿啡」係一間有售賣貝果嘅cafe，雖然舖面唔大，但以懷舊電影風為主題十分有特色，提供舒適環境，令客人放低工作煩惱，專注慢活地歎返杯啡放鬆下。小店主打手沖咖啡及各款鹹甜Bagel及糕點，開心果乳酪Bagel味道香濃而且熱辣辣，朱古力麻糬口感煙韌又足料，大受網民好評！地址：鰂魚涌36號海光街地舖2號IG帳戶@affeehk> “Snowycookingmama” 分享阿啡特色Bagel及其它餐飲之選<點擊圖片放大 +5 -----------------香港Bagel推介｜6. ONEMOREP.PROTEIN如果您控制緊飲食，想食到高蛋白、低糖、低卡路里嘅Bagel，咁就可以試下近期討論度高嘅「ONEMOREP.PROTEIN」。分別喺荔枝角同灣仔都有分店，主打奶昔同Bagel，其中社群U Creator就點咗一杯草莓乳酪鮮奶昔及香蒜Bagel，全部即叫即整，蛋沙律雞胸bagel都大大份，健身界Bagel迷必試！地址：荔枝角永盛工業大廈9樓9室IG帳戶@onemorep.protein> “圓碌碌 Circle” 分享健身界爆紅Bagel店食評<點擊圖片放大 +2 -----------------香港Bagel推介｜7. 午夜麵包俱樂部相信「午夜麵包俱樂部」一定係唔少Bagel迷同麵包迷嘅愛店，甚至被稱為「貝果天花板」！由網店起家，近年於大坑開設實體店，用多款日本麵粉調配出獨有口感，用低溫發酵數小時再當日新鮮烘製出Bagel及麵包。Bagel比較貼近麵包鬆軟口感。人氣款式包括大甲芋泥及明太子奶油泥口味，而且小店每月都有限定menu，通常去到中午就會售罄，想食嘅Bagel迷記得要早少少去或者提前預定啦！地址：大坑京街22號地舖IG帳戶@midnight.bread.club> “Flora Ao” 拍片開箱貝果天花板<點擊圖片放大 +3 -----------------香港Bagel推介｜8. Coffee Obsession位於北角嘅Coffee Obsession係一間以墨綠色磚配白色牆為裝潢嘅cafe小店，復古文青風十分打卡able。主打咖啡但都有售賣高質Bagel、酸種麵包、乳酪等糕點。社群U Creator表示其「牛油果拼煙三文魚Bagel」足料又大份，味道香濃值得推薦，作為早午餐都好夠食！地址：北角艇街4-8號京都大廈地下E號舖IG帳戶@coffeeobsessionhk點擊圖片放大 +3 -----------------香港Bagel推介｜9. SchragelsSchragels係一間正宗美式紐約貝果專門店，創立至今超過10年，餐廳裝潢充滿懷舊復古美式風格。創辦人家族傳承貝果配方，Bagel每日新鮮製作，採用人手搓及石爐烘焙手法，令貝果口感保持耐嚼及紮實嘅口感，再於表面鋪上芝麻碎，成為經典美式紐約貝果，Bagel控必朝聖一下！地址：上環蘇杭街104號地舖IG帳戶@schragels點擊圖片放大 +2 🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。-----------------圖片來源：IG帳戶@dear.coffee.bakery、@midnight.bread.club、@schragels、社群U Creator @julyooc、@foodie_chuu、@nocarbs_nolife、@小白白、@Snowycookingmama、@圓碌碌 Circle、@Flora Ao、@rmb.eat
