➤立即下載U Lifestyle App➤詳情懶人包聖誕節倒數一個月，想離開香港出國感受當地聖誕氣氛，東京絕對係唔少港人心目中嘅頭號旅遊目的地！東京各地聖誕市集已經陸續開放，今日小編就精選東京7聖誕特色點燈活動及聖誕市集，即將去東京過聖誕嘅您一定要save低呢個post啦！-----------------【召喚Chiikawa家長！】社群送您Chiikawa公仔100隻！號外號外！唔使專程飛日本買，免費帶Chiikawa BB返屋企嘅機會嚟啦！今次除咗有一向受歡迎嘅麻糬公仔頭掛飾外，仲加送ChiikawaBB系列👶！睇下佢哋戴住口水肩嘅樣，真係得意到爆燈💘！即日起至12月8日，只需簡單登記，就有機會帶小可愛們返屋企啦😍簡單登記贏走Chiikawa BB -----------------東京聖誕好去處｜1. 六本木之丘聖誕燈飾「六本木之丘」為近年東京最熱門嘅聖誕景點之一，今年由11月4日開始，主會場涵蓋長400公尺嘅櫸樹坂通，超過90萬顆LED燈環繞櫸樹，形成一條標誌性嘅藍白色聖誕點燈大道！附近嘅六本木新城聖誕市集以德國風為主題，同時都係日本最歷史悠久嘅聖誕市集，裡面有齊熱紅酒、德式香腸、胡桃夾子等聖誕限定紀念品及美食，今年聖誕切勿錯過！📸建議拍攝機位：去六本木新城入口靠左「けやき坂天橋」，可以打卡到網絡爆紅的櫸樹點燈及東京鐵塔景色！地址：東京都港區六本木6-10-1活動日期：2025年11月4日官網查看更多建議拍攝機位 >回顧 “路癡GIRL日本移居生活” 去年打卡六本木之丘聖誕燈飾<點擊圖片放大 +4 -----------------東京聖誕好去處｜2. 東京MIDTOWN另外，同樣位於六本木嘅東京MIDTOWN亦係每年聖誕必去打卡景點。以MIDTOWN花園為中心，融入音樂與光影打造出夢幻嘅燈光秀，等您沉浸式投入故事中。花園內嘅「光之散步道」每隔3分鐘就會升起七彩泡泡，而走進中城內一定要打卡4米高，由1,600個小聖誕老人組成嘅巨型聖誕樹及B1層聖誕市集，勁多浪漫打卡位，約會必去！活動日期：2025年11月13日至12月25日地址：東京都港區赤坂9-7-1> “Travel Plan Ahead” 分享東京MIDTOWN特色打卡位<點擊圖片放大 +3 -----------------東京聖誕好去處｜3. 青之洞窟Shibuya 2025 東京市中心每年最令人期待嘅聖誕燈飾，由澀谷公園通至代代木公園一帶嘅「青之洞窟」一定係其中之一！今年12月，約50萬顆藍色LED燈將會照亮長達800公尺嘅林蔭大道，仿如置身於藍色銀河當中，十分夢幻又打卡able！活動日期：2025年12月4日至25日地址：澀谷公園通至代代木公園> “相食HKFOODPHOTO” 率先分享青之洞窟夢幻藍燈海<點擊圖片放大 +2 -----------------東京聖誕好去處｜4. 新宿Minamillumi相信新宿一定係唔少香港人去東京旅遊必訪路線！而位於新宿南口嘅「Minamirumi」今年亦換上聖誕燈飾，由新宿站新南閘口起，至Suica 企鵝廣場、Southern Terrace、和島屋時代廣場，共6個位置皆設有繽紛聖誕燈光裝飾，形成一條專屬聖誕夢幻嘅光之步道！活動日期：2025年11月12日至2026年2月15日地址：JR新宿站南口> “思思賢 Chill My Babe” 帶您打卡新宿南口絕美聖誕燈飾<點擊圖片放大 +3 -----------------東京聖誕好去處｜5. 麻布台之丘聖誕市集「麻布台之丘」為近年新興東京旅遊景點，今年中心廣場內都會舉辦聖誕市集，而且費用全免！穿過充滿聖誕裝飾嘅拱形大門之後，就可以邊沿路感受溫暖聖誕燈飾，邊逛17間聖誕特色零售及小食店，再打卡已點亮嘅香檳金色聖誕樹，記得挑選可以影埋東京鐵塔嘅機位！活動日期：2025年11月22日至12月25日地址：東京都港區麻布台1-3-1 -----------------東京聖誕好去處｜6. 晴空塔「夢幻聖誕2025」東京晴空塔作為其中一個熱門旅遊景點，每年聖誕當然要隆重其事！今年以「繪本中的聖誕」為主題，除咗特設53萬球燈飾之外，4/F主會場「Sky Arena」更會舉行充滿特色嘅聖誕市集，一系列德國風小屋、童話般聖誕燈飾、手工藝品及特色小食佈滿整個會場，打造成一個溫暖夢幻嘅聖誕小鎮，打卡位數都數唔完！而且晴空塔外牆都會換上聖誕限定燈光投影秀，陪同大家一倒數聖誕！活動日期：2025年11月6日至12月25日地址：東京都墨田區押上1-1-2> “cykalice0420” 帶您睇盡今年晴空塔聖誕亮點<點擊圖片放大 +6 -----------------東京聖誕好去處｜7. 東京巨蛋城「TOKYO SNOW DOME CITY」東京巨蛋城位於東京市中心，今年聖誕當然必不能錯過其以「北歐聖誕」為主題嘅聖誕市集！其中一定要打卡園區中央超吸睛15米高藍白色聖誕樹「WONDER SNOW TREE」，每15分鐘就會出現泡泡與光影交織嘅特效。另外1/F同2/F分別設有透明雪球打卡裝置及光之隧道，亦都係活動亮點之一。12月預計會舉辦一系列特色市集，記得去官網查看詳情日程表！活動日期：2025年11月17日至2026年3月1日亮燈時間：17:00 ~ 24:00地址：東京都文京區後樂1-3-61點擊圖片放大 +2 -----------------🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。-----------------圖片來源：網上圖片、社群U Creator @路癡GIRL日本移居生活、 @Travel Plan Ahead 、@kylielsag、@相食HKFOODPHOTO 、@思思賢 Chill My Babe、@cykalice0420
