➤立即下載U Lifestyle App➤詳情懶人包日本神社作為蘊含濃厚文化色彩嘅特色景點，唔少香港人都會將神社排入其中一個必去行程。日本神社各有特色，而且聚集精美御守、御朱印等紀念品，一唔小心好易買到手軟！今次小編就精選大阪7個特色神社，包括傳統神社、打卡勝地、特色紀念品等，去大阪嘅您一定要bookmark低！-----------------【召喚Chiikawa家長！】社群送您Chiikawa公仔100隻！號外號外！各位Chiikawa家長認領返您哋個仔啦！今次除咗有一向受歡迎嘅麻糬公仔頭掛飾外，仲加送ChiikawaBB系列👶！睇下佢哋戴住口水肩嘅樣，真係得意到爆燈呀💘！即日起至12月8日，只需簡單登記，就有機會帶小可愛們返屋企啦😍～簡單登記贏走Chiikawa BB -----------------大阪特色神社推介｜1. 勝尾寺大阪討論度最高嘅神社，一定有「勝尾寺」份！之所以咁出名，因為佢裡面有大量達摩不倒翁坐陣，甚至多到砌成一幅達摩牆俾遊客打卡欣賞，都令佢有「勝利達摩寺」之稱。達摩作為日本國民開運吉祥物，遊客去到大阪當然要朝聖下呢個象徵勝利嘅「達摩神社」啦！小貼士：記得去寺廟附近拎一張空白明信片，再於場內收集唔同蓋印，就會形式一幅完整達摩畫像！💡地址：大阪府箕面市勝尾寺> “積仔記-吃喝玩樂旅遊達人” 介紹勝尾寺必去打卡位< 點擊圖片放大 +8 -----------------大阪特色神社推介｜2. 大鳥大社Threads爆紅嘅「透明御守」原來出自於「大鳥大社」，御守控絕對要去！呢個｢先が見通せる御守｣意思為｢能看見未來的御守｣。呢個透明嘅御守並沒有分保祐運勢種類，全部都係相同保祐效果！最特別就係喺陽光下會呈現七彩顏色，再配上金色光雕印花紋，十分精緻又夢幻！除咗御守之外，神社籤紙如果抽到「大大吉」都係透明，絕對係考驗運氣最實際嘅方法！地址：大阪府堺市西區鳳北町1-1-2 > “年年” 帶您打卡Threads爆紅透明七彩御守<點擊圖片放大 +3 -----------------大阪特色神社推介｜3. 難波八阪神社「難波八阪神社」為大阪其中一個最熱門嘅神社，一踏入神社門口就會見到標誌性巨型石獅子「獅子殿」，張大嘴巴代表進入神社就會吞噬邪氣。唔少日本神社都會設有期間限定主題御守或御朱印，難波八阪神社都唔例外！11月就有象徵秋季豐收主題嘅精美御朱印，以守護神｢獅子｣作為御朱印圖案，保祐事事順利。秋冬去大阪嘅您不妨入手一個作為紀念！地址：大阪府大阪市浪速區元町2丁目9-19> “路癡GIRL日本移居生活” 同您睇難波八阪神社最新限定御朱印<點擊圖片放大 +2 -----------------大阪特色神社推介｜4. 住吉大社貓控去大阪一定要拜訪呢個能量神社！有約1,800年歷史嘅「住吉大社」係日本最古老嘅神道教神社之一，亦都係全日本約2,300座住吉神社嘅總本社。神社內仲有好多小神社，走到入面就會見到充滿招福貓身影嘅楠珺社，設有一系列招福貓造型御守同擺飾，代表生意興隆，都吸引唔少創業人士專程去祈福！地址：〒558-0045 大阪府大阪市住吉區住吉 2丁目9 - 89即睇住吉神社官網了解更多> "EsterCheung" 分享貓奴必到大阪能量神社<點擊圖片放大 +3 -----------------大阪特色神社推介｜5. 御津八幡宮位於心齋橋嘅「御津八幡宮」有1,000多年歷史。除咗供奉守護心齋橋一帶嘅氏神之外，其中最為人所知就係其保祐愛寵健康嘅「寵物形繪馬」。信眾可以將祝福寵物嘅訊息寫於可愛嘅狗狗繪馬上，再掛上木架，為家貓家犬祈福。另外神社內仲有售賣超可愛嘅寵物圖案御守，就算冇養寵物都心動！地址：大阪府大阪市中央區西心齋橋2-10-7更多御守及御朱印款式傳送門 點擊圖片放大 +4 -----------------大阪特色神社推介｜6. 露天神社想祈求一段良緣或戀情長長久久，一定要拜訪位於東梅田有1,000多年歷史嘅「露天神社」！係當地知名嘅戀愛神社，記綠一對相愛嘅戀人——阿初及德兵衛，因外界因素無法修成正果，最後於露天神社中共度黃泉嘅淒慘故事，因此神社內亦擺放兩人相愛嘅雕像。而且神社內售賣嘅蕾絲御守正中一班少女們喜好，不妨買多幾個送俾身邊祈求桃花運嘅朋友啦！地址：大阪府大阪市北區曽根崎2丁目5番4號即去官網睇更多紀念品資料 點擊圖片放大 +6 -----------------大阪特色神社推介｜7. 大阪城豐國神社大阪豐國神社有100多年歷史，位於大阪城公園正殿南邊，主要祭祀及供奉戰國時代武士「豐臣秀吉」及其家人，以祈求好運。神社內共有三座鳥居，而且本殿前擺放有豐臣秀吉大銅像，為神社嘅重點打卡位。地址：大阪市中央區大阪城2-1官網睇更多神社資料點擊圖片放大 +6 🔔 Follow《U Community社群》Instagram 同讚好 Facebook專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。-----------------圖片來源：網上圖片、IG帳戶 @hokokujinja、社群U Creator @積仔記-吃喝玩樂旅遊達人 、 @年年 、 @路癡GIRL日本移居生活 、 @EsterCheung
