➤立即下載U Lifestyle App➤詳情懶人包香港Pizza店選擇多，單單係港島區就已經有近200間薄餅店，其中不乏連鎖品牌及人氣小店。小編今日就精選社群U Creator及眾多網民力推港島區8大高質薄餅店，當中包括「亞太區50大最佳Pizza」、「米芝蓮推介」餐廳，各位心郁郁嘅Pizza控要睇落去啦！-----------------【Foodie必睇】港人必收藏搵食指南！每日都煩食咩好，食嚟食去都係差唔同餐廳！《社群》收錄超過100,000+篇由各U Creator分享嘅貼地食評及多個美食主題，涵蓋本地至全球打卡美食🍢、高級餐廳🍽️、隱世小店、日本餐廳等等，告別選擇困難，吃貨千祈唔好錯過啦！美食指南傳送門 -----------------🍕港島區8大pizza店推介｜1. Fiata Pizza冇食過中環呢間Fiata Pizza，各位Pizza控就走寶啦！佢榮獲2025年「亞太區50大最佳Pizza店」第三名，係香港區排名第一，因此亦都被稱為「全香港最好食PIZZA」！餐廳主打正宗手工拿坡里薄餅，所有食材都係由意大利進口，麵團經過長時間發酵，因此口感煙韌又自帶空氣感！當中招牌Provola e Pepe更榮獲年度最佳Pizza，Pizza控一定要試下！地址：香港中環士丹頓街2號> "Eatwithbobo" 帶您打卡全香港最好食pizza<點擊圖片放大 +9 -----------------🍕港島區8大pizza店推介｜2. Baci Trattoria & Bar想食到正宗香港區最佳Pizza店第二名就係呢間位於中環蘭桂坊嘅「Baci Trattoria & Bar」，由拿坡里人主理，由2022年起連續四年都入選「亞太區50大最佳Pizza店」！食物種類多元化，除咗薄餅之外仲有意粉、海鮮、和牛等美食選項。其中最標誌性嘅即叫即整六角星星pizza，放滿黑松露忌廉芝士，加入火腿、芝士、磨菇等經典配料，味道高質又打卡able！地址：中環蘭桂坊德己立街30-32號加州大廈地舖> "Tako124" 拍片詳細介紹香港第二名Pizza店環境<點擊圖片放大 +8 -----------------🍕港島區8大pizza店推介｜3. Little Napoli pizzeria想食到最正宗嘅拿坡里薄餅，「Little Napoli pizzeria」絕對滿足到您嘅願望！作為由拿坡里主廚Gavino Pilo親自主理餐廳，更獲得「米芝蓮必比登推介」及「亞太區50大最佳薄餅餐廳」等多個殊榮！餐廳今年由跑馬地遷至灣仔，增設更多座位。餐廳食材來自拿坡里，主打即叫即整石爐烤pizza，以攝氏400度高溫烤烘，令餅皮更加香脆，務求將最地道拿坡里口味薄餅呈現俾大家！ 地址：灣仔大王東街6-16號> "maggie mok" 分享最正宗嘅拿坡里薄餅店<點擊圖片放大 +12 -----------------🍕港島區8大pizza店推介｜4. Alice Pizza「Alice Pizza」為來自意大利羅馬嘅手切薄餅連鎖店，使用意大利進口食材，更獲意大利餐飲權威評鑑指南Gambero Rosso評為「Top Pizzerias in Italy 2023」之一，全球有近200間分店，主打羅馬式長方形手切薄餅，餅底薄而鬆脆再帶點炭香。價錢以重量計算，選擇多而且有彈性，啱晒想同時試多款口味嘅您！地址：中環閣麟街18號地舖；灣仔皇后大道東92號地舖>由 "likkolifelog" 分享羅馬人氣手切薄餅店食評<點擊圖片放大 +7 -----------------🍕港島區8大pizza店推介｜5. MotorinoMotorino為Black Sheep 旗下嘅拿坡里薄餅店，堅持進口來自拿坡里嘅頂級食材，用傳統有磚窯爐炮製出外脆內軟嘅拿坡里薄餅，仲可以打卡星星型Pizza！Motorino嘅Pizza係出名份量大，而且都係熱門慶祝生日嘅餐廳。因為店員會用意大利文為壽星唱生日歌，如果壽星咁啱係I人就可以令佢尷尬啦！地址：中環蘇豪些利街14號地舖> "Eatwithyannes" 打卡中環Motorino並分享食評<點擊圖片放大 -----------------🍕港島區8大pizza店推介｜6. Falcone同樣係Blacksheep旗下嘅意大利餐廳「Falcone」位於中環IFC，由2025年全球100大薄餅師Roberta主理。比起正宗拿坡里薄餅，「Falcone」主打新派拿坡里薄餅，雖然仍然採用拿坡里薄餅協會規定Pavesi特製紅磚焗製手法，不過係用低溫長時間烤焗，令口感更香脆！地址：中環金融街8號IFC商場1樓1082號舖> "aaa111" 帶您去中環IFC食人氣意式pizza<點擊圖片放大 +2 -----------------🍕港島區8大pizza店推介｜7. The Pizza Project位於中環SOHO呢間人氣Pizza店，同時係手工意粉店Pici的姊妹店，最特別唔單止係高CP值嘅薄餅，而係佢特設每月限定Menu！11月適逢大閘蟹季，The Pizza Project推出限定大閘蟹粉薄餅，中間鋪滿金黃色香濃大閘蟹粉同蟹黃，同時滿足蟹控同Pizza控！而且午市最平只需HK$158/位就食到午市套餐，無論係放飯定係收工聚餐去食都好適合！地址：中環蘇豪卑利街26號地舖> "90sfatfatgirl" 同您分享The Pizza Project邊個位夠出色<點擊圖片放大 +5 -----------------🍕港島區8大pizza店推介｜8. Mother Of Pizzas銅鑼灣「Mother Of Pizzas」亦都係港島其中一間人氣排隊薄餅店。餐廳主打正宗即整手工意式薄餅，門口有個黑色玻璃窗展示Pizza製作過程！您仲可以挑選雙拼薄餅，食到兩種口味之餘，都唔驚份量太多！最小尺寸嘅pizza都要13吋，而且十分足料，銅鑼灣聚餐可以考慮呢間pizza店啊！地址：銅鑼灣禮頓道13-19號地舖> "Sunshine" 分享銅鑼灣人氣pizza真實食評<點擊圖片放大 +4 🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。-----------------圖片來源：IG帳戶@thepizzaproject.hk、社群U Creator @Eatwithbobo、@Tako124、@bitesinhk、@maggie mok、@likkolifelog、@Eatwithyannes、 @aaa111、@90sfatfatgirl、@Sunshine、@Gloria Lee
