➤立即下載U Lifestyle App➤詳情懶人包聚餐想食日本嘢，成日糾結食燒肉、刺身定壽司好。不如告別選擇困難，由廚師幫您發板！Omakase主打由廚師挑選時令新鮮食材，為客人打造無菜單專屬日式料理，過程充滿驚喜！想食正宗又高質嘅Omakase，唔一定專程飛一趟日本，香港都有好多間高質廚師發辦餐廳！今次就等社群U Creator為您推介港九新界10間Omakase餐廳！-----------------【Foodie必睇】港人必收藏搵食指南！每日都煩食咩好～《社群》收錄超過100,000+篇由各U Creator分享嘅貼地食評及多個美食主題，涵蓋本地至全球打卡美食?、高級餐廳?️、隱世小店、日本餐廳等等。吃貨千祈唔好錯過啦！美食指南傳送門 -----------------港島區Omakase推介港島區Omakase推介｜1. 杣 - YASHIMA想食到最地道嘅日式omakase，中環呢間「杣 - YASHIMA」由30年經驗日籍廚師Takahashi Kouya主理，絕對滿足到您嘅願望！餐廳以懷石料理為主打，以當季最新鮮嘅食材打造當天料理。社群U Creator就大讚餐廳嘅「蟹肉蟹蓋」鮮甜，令人一試難忘。餐廳地方唔大，只有約10個座位，為嘅就係每一位客人都可以照顧到！地址：中環九如坊2-4號地舖> "Foodasouly" 分享人氣Omakasa YASHIMA食評<點擊圖片放大 +9 -----------------港島區Omakase推介｜2. 月山Gassan「月山Gassan」係東京米芝蓮星級餐廳「日山」嘅姊妹店，有提供廚師發辦料理，以日本漁港同日式舟屋為主要設計概念，因此餐廳都設有「屋形船」座位，令客人仿如置身日式舟屋般享受寧靜。午市Omakase約HK$788/位，除咗Omakase之外，仲供應傳統會席料理及定食套餐，慶生去食夠晒有誠意！地址：中環皇后大道中80號H Queen's 19樓>等 "Bigmouth_jai" 帶您食東京米芝蓮星級餐廳姊妹店<點擊圖片放大 +12 -----------------港島區Omakase推介｜3. 重房 Shigefusa OMAKASE 銅鑼灣呢間「重房 Shigefusa OMAKASE」都係唔少社群U Creator極力推介嘅Omakase餐廳。除咗壽司刺身都用上最當季最新鮮嘅日本直送食材之外，師傅亦會詳細分享每道料理嘅配搭同最佳食法，令客人最大程度品嚐出料理精髓。晚市約每位HK$1580歎15品和牛、刺身、壽司等料理，帶您品嚐精緻高質嘅Omakase！地址：銅鑼灣加路連山道18＆19號希慎道1號> "daydaygoodfood" 分享重房Omakase15品料理<點擊圖片放大 +9 -----------------港島區Omakase推介｜4. 鮨月Sushi Moon同樣位於銅鑼灣嘅「鮨月Sushi Moon」採用每日由日本空運新鮮嘅食材，每道菜都由師傅精心設計及製作，坐吧台可以現場觀賞師傅精湛刀藝，欣賞每道菜嘅細節位。社群U Creator最愛係餐廳嘅「松葉蟹」，免動手就食到啖啖蟹膏。仲有時令秋刀魚刺身都夠鮮甜。重點係午市只需約HK$680/位，就食到十八品高質料理，性價比超高！地址：銅鑼灣告士打道279號地舖> "Sharon Kwok" 帶您食鮨月高性價比Omakase<點擊圖片放大 +11 -----------------港島區Omakase推介｜5. 鮨政×大湖大家眼中嘅Omakase都係貴價嘢，但呢間「鮨政×大湖」就以HK$298/位嘅價錢，帶大家零負擔體驗入門級Omakase。廚師安排菜式配搭全面又有心思，除咗基本會有嘅壽司、刺身之外，仲有埋熟食主菜選擇，份量足夠，唔驚唔飽！不過店舖得一張坐到約12人嘅壽司枱，想帶親友去食平價omakase就一定要訂位啦！地址：銅鑼灣京士頓街Fashion Walk地下H2B號舖> "Foodienut_hkwyy" 分享銅鑼灣平價Omakase食評<點擊圖片放大 +7 -----------------港島區Omakase推介｜6. 彩羽壽司Omakase灣仔「彩羽壽司」裝修充滿日式風情，更提供高性價比Omakase！三款廚師發辦料理分別有「極」、「彩羽」及「雅」，最平HK$580/位就食到，有齊和牛壽喜燒、刺身壽司等20品料理，前菜用北海道粟米、無花果同八爪魚開場，配搭新鮮又開胃，甜品仲有招牌日本純水雪花刨冰 ，聽落就好吸引！即刻分享俾您鍾情於日本料理嘅朋友一齊去食啦！地址：灣仔謝斐道151-161號金聲大廈地下A號舖> "Miruki" 帶您打卡日系感滿滿高質Omakase餐廳<點擊圖片放大 +12 -----------------九龍區Omakase推介九龍區Omakase推介｜7. 菊月町觀塘區製作用心又高級嘅Omakase餐廳，首推呢間「菊月町」！23道菜約HK$1480/位，食盡時令秋刀魚刺身、北海道海膽、北海道厚岸蠔、毛蟹蟹肉等高級料理，而且每星期都會有3-4次由日本新鮮空運時令魚生同食材，確保為客人製作出最高水準料理！重要日子嚟食夠晒難忘！地址：觀塘鴻圖道23號利登中心地下1號舖> "Applechong" 分享觀塘區高質Omakase餐廳<點擊圖片放大 +11 -----------------九龍區Omakase推介｜8. kappo roann割烹 櫓杏尖沙咀美食雲集，居然HK$698就食到一間高質又有維港靚景嘅Omakase！「割烹 櫓杏」以「熊本城」為設計靈感，亦都係全港唯一以九州熊本食物為主題嘅餐廳。由經驗豐富嘅日籍師傅任主廚，保證食到最正宗嘅omakase！大部分和牛、海鮮、刺身等食材都由熊本直送。餐廳仲可以睇到維港海景，而且慶祝生日，仲有免費生日畫碟及即影即有服務，服務十分周到！地址：尖沙咀彌敦道63號iSQUARE國際廣場28樓2801號舖> "chingchingjaiii" 打卡維港靚景高CP值Omakase<點擊圖片放大 +6 -----------------新界區Omakase推介新界區Omakase推介｜9. 龍亭呢間連鎖日式鐵板燒Omakase餐廳「龍亭」分別喺中環、佐敦、大埔、尖沙咀、元朗，港九新界都有分店，總有一間喺您附近！> "Cyril" 分享龍亭抵食套餐<秋季當然要食蟹，餐廳推出「極品蟹粉帝王蟹八道菜盛宴」，輕鬆食到超大隻阿拉斯加帝王蟹！另外仲有極品大閘蟹粉拌飯、鐵板澳洲牛柳粒等主菜，無論係蟹控定係鐵板燒控都滿載而歸！> “Chuudaily” 分享龍亭帝王蟹八道菜盛宴詳細食評<地址：各分店資訊請查閱官網點擊圖片放大 +12 -----------------新界區Omakase推介｜10. 鮨無双 以為元朗冇高質Omakase就錯了，呢間「鮨無双」甚至令社群U Creator專程去元朗一趟！只因為午市Omakase十分抵食，除咗有黑松露松葉蟹肉茶碗蒸、大蝦柚子沙律等自家制漬物外，磯煮鮑魚、時令秋刀魚、深海池魚全部以專業手法處理，午市最平約HK$420/位就食到豐富omakase，不過店內座位有限，想食就記得要提前book位！地址：元朗建德街35-55號時景花園地下9號舖> "Rachel Momo" 分享元朗人氣Omakase餐廳食評<點擊圖片放大 +3 **價錢僅供參考，詳情請查閱各餐廳官網。? Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。-----------------圖片來源：網上圖片、社群U Creator @Foodasouly、@Bigmouth_jai、@daydaygoodfood、@Sharon Kwok、 @Foodienut_hkwyy 、 @Miruki 、@Applechong、@Cyril、@Chuudaily、@chingchingjaiii、@RachelMoMo
