➤立即下載U Lifestyle App➤詳情懶人包天氣終於正式轉涼～秋天最適合就係食黑芝麻！除咗人人食開嘅黑芝麻糊之外，小編聽講最近其它黑芝麻甜品都好受大家歡迎，甚至有望繼開心果、粟米之後，成為下一個「甜品界一哥」！今日小編就精選咗9間由社群U Creator推介必食黑芝麻甜品，睇下各位甜品控又食咗未！-----------------🌍社群最新活動及攻略🌍甜品控食好西唔使再左搵右搵，社群收錄大量由一眾社群U Creator分享嘅真實食評以及多個唔同國家、本地嘅甜品推介，仲可以按地區篩選，秒速鎖定心水好去處，食得開心又放心😋！甜品控即刻出發！ 另外，社群即日起至10月27日仲有限時快閃送即食糖水活動！只需簡單登記即可免費帶走即食糖水4份，包括桃膠燉雪耳、楊枝甘露、陳皮紅豆沙等參加活動贏走免費糖水 -----------------黑芝麻甜品推介｜1. La Viña Bakery 銅鑼灣人氣甜品店La Viña推出全新黑芝麻｢暗黑｣甜品系列！除咗有黑芝麻蛋糕系列之外，仲有超濃郁黑芝麻Latte、黑芝麻麻糬巴斯克蛋糕、黑芝麻麻糬吉士撻等唔同種類甜品，簡直係集齊大部分甜品迷嘅執著！而且最近仲開埋觀塘分店添，觀塘區之友都唔使特登殺去銅鑼灣都食到！地址：銅鑼灣告士打道280號世貿中心地下G-09號舖官方網站：lavina.hk> “Cass Cass” 拍片分享La Viña黑芝麻｢暗黑｣甜品系列<點擊圖片放大 +7 -----------------黑芝麻甜品推介｜2. Shake Shack Shake Shack唔係淨係有得食Burger，仲靜雞雞加入黑芝麻熱潮！佢個Menu原來有杯「Open Sesame芝麻開門」，係用雲呢拿軟香乳凍配上濃郁嘅黑芝麻醬、Hakawa黑朱古力塊、黑芝麻金寶、糯米丸子同白芝麻粒，邪惡又足料！不過社群U Creator食完就表示黑芝麻味相對冇咁突出，各位芝麻控不妨都去試一試！地址：全港Shake Shack分店官方網站：https://www.shakeshack.com.hk/zh-HK/ > “圓碌碌 Circle” 分享Shake Shack黑芝麻雪糕食評<點擊圖片放大 +4 -----------------黑芝麻甜品推介｜3. 暖心芝作榮登米芝蓮必比登小食推介2025嘅「暖心芝作」，各位黑芝麻迷冇食過都一定聽過！佢哋嘅黑芝麻採用古法「九蒸九曬」方式處理，再用石磨即場將黑芝麻研磨成糊，精心製作成芝麻糊、雪糕、黑芝麻豆漿等甜品。特別係黑芝麻豆漿煲足2小時，黑芝麻菲林卷軟燸Q彈，而且價錢唔貴，無論係學生哥、上班族定長者都啱食！地址：太子汝州街23號（總店）官方網站：IG@heartwarming_sesame> “yyhapieat” 拍片詳細介紹暖心芝作必點推介<點擊圖片放大 +5 -----------------黑芝麻甜品推介｜4. 陳茶館芋圓甜品專門店芋圓控必食「陳茶館芋圓甜品專門店」，原來啟德都有分店！除咗有大受歡迎嘅開心果西米露之外，佢哋嘅黑芝麻甜品都係深藏不露！黑芝麻系列分別有雪燕西米露、豆乳及豆乳大滿貫3款甜品選擇，用料豐富夠晒飽肚，而且仲包含芝麻仙草，滿滿嘅黑芝麻香，值得一試！地址：啟德體育園啟德零售館1期G樓M1-011號舖官方網站：IG@taro_n_tea> “mingming”帶您食盡陳茶館黑芝麻美食<點擊圖片放大 +2 -----------------黑芝麻甜品推介｜5. Venchi 石磨黑芝麻味GelatoGelato迷有福啦！Venchi近期同米芝蓮必比登推介「佳佳甜品」期間限定Crossover，推出港澳獨家「石磨芝麻糊口味Gelato」，用精心研磨嘅招牌黑芝麻，保留天然油脂同營養，融合傳統中式芝麻糊嘅濃香同Gelato嘅細緻滑順口感，用意式雪糕為您重現港式情懷，黑芝麻狂魔唔好錯過啦！地址：Venchi香港及澳門分店（金鐘太古廣場、銅鑼灣世貿中心及尖沙咀K11門店除外）官方網站：https://venchi.com.hk/> “rmb.eat” 帶您打卡Venchi黑芝麻味Gelato<點擊圖片放大 +2 -----------------黑芝麻甜品推介｜6. BakehouseBakehouse又有新品「黑芝麻冬甩」！今次以港式甜品「糖不甩」作為靈感，內餡擠滿黑芝麻醬，再喺外層淋上烤過嘅花生碎同芝麻碎，濃厚黑芝麻香味仲要大大口嚿冬甩咬落鬆軟，真係好難唔買！各位黑芝麻控食完話俾小編知好唔好食！地址：全港Bakehouse分店官方網站：IG@bakehousehk點擊圖片放大 +5 -----------------黑芝麻甜品推介｜7. 嘉多娜餅屋因為法式布丁包而爆紅嘅「嘉多娜餅屋」當然都緊貼潮流，全新推出「黑芝麻忌廉筒」，過咗冇耐已經喺Threads引起一陣黑芝麻熱潮！網民表示外皮鬆脆，同時黑芝麻醬勁爆漿，足料到每一啖都食到啲醬，聽落就好邪惡啊！地址：何文田窩打老道69號地下C2號舖> “D&M Foodlosophy♡” 帶大家試食新出黑芝麻忌廉筒<點擊圖片放大 -----------------黑芝麻甜品推介｜8. 蘇三甜蜜如果您同時係芒果同黑芝麻粉絲，咁一定要去銅鑼灣呢間新開中式fusion甜品店「蘇三甜蜜」，食佢嘅「黑芝麻芒果冰蘇」！社群U Creator就形容佢有芒果豆腐花mix黑芝麻糊嘅味道，舖上豆腐雪糕球，中間夾住啲黑芝麻醬超濃郁，打開會滿瀉出嚟，底部仲有大量芒果粒，夠晒大份、足料又唔會太甜！而且店舖以70年代港式懷舊復古風做主題，食得又打卡able！地址：銅鑼灣加路連山道15號地舖> “luvv.sharing” 詳細分享蘇三甜蜜環境及食評<點擊圖片放大 +3 -----------------黑芝麻甜品推介｜9. THE MOCHIFFON CAKE銅鑼灣人氣戚風蛋糕店「THE MOCHIFFON CAKE」當然都要加入呢個黑芝麻戰場，推出「黑芝麻豆乳Small Mochiffon Cake」，利用經典豆乳配搭黑芝麻，再用豆腐製成濃郁幼滑嘅忌廉令口感更順滑，仲有女生們最愛嘅煙韌麻糬，豐富口感層次！黑芝麻控見到呢個組合一定好難抵擋啦！地址：銅鑼灣軒尼詩道500號希慎廣場B1樓B116B號舖官方網站：IG@the.mochiffon.cake> “hkgirl_hkfood” 分享人氣黑芝麻戚風蛋糕食評<點擊圖片放大 +4 🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。圖片來源：IG帳戶@lavina.hk、@bakehousehk、社群U Creator @Cass Cass、@圓碌碌 Circle、 @yyhapieat、@Ken Kan 、@mingming、 @rmb.eat、@D&M Foodlosophy♡、@hkgirl_hkfood
