➤立即下載U Lifestyle App➤詳情懶人包韓國醫美技術領先全球,實惠嘅價錢加上醫美療程選擇多樣,因此唔少愛美女生去韓國旅遊都會將「醫美」排入行程!不過韓國醫美診所多到眼花繚亂,新手第一次去韓國做醫美應該做咩項目好,點樣揀先唔會中伏,想知就繼續睇落去啦!-----------------【請您試用】麗珠蘭緊緻毛孔水光套裝!想保持韓妹同款水光肌,今次U Community社群免費送您Rejuran麗珠蘭緊緻毛孔系列💎,主打提升毛孔彈性、 改善水油平衡及提升肌膚光滑度~套裝包括緊緻毛孔水光爽膚棉片及緊緻毛孔水光安瓶精華,即日起至2025年11月4日,只要簡單登記就有機會免費試用✨!登記免費試用麗珠蘭水光套裝 -----------------韓國醫美懶人包|新手注意事項韓國醫美診所眾多,每個醫美療程又細分唔同儀器及品牌,新手一定好頭痛應該點樣選擇好!如果您係第一次做醫美,小編建議選擇風險較低、恢復期較短嘅醫美療程,再確認診所嘅口碑同背景資料,記得喺同醫生面談時,問清楚副作用、恢服期、費用、產品是否原廠正貨,確保醫美項目係安全進行。如果您唔識韓文,最好搵間有中文翻譯服務嘅醫美診所喔!----------------- 韓國醫美懶人包|入門級醫美療程推介 1. 皮秒雷射 (Picosecond Laser)經常煩惱臉上太多曬斑及痘疤,咁皮秒雷射就幫到您!皮秒雷射主要功效為擊退黑色素,如曬斑、雀斑、老人斑、減淡痘疤及毛孔粗大問題等等,達到淨白嫩膚嘅效果!利用極短雷射脈衝光,快速撞擊皮膚中嘅黑色素,將黑色素震成細小粉塵,再通過人體免疫系統吸收或代謝排出體外,而且「反黑」機率較低,係新手赴韓醫美嘅熱門選擇。> “heidi86” 分享更多皮秒雷射常見問題< -----------------2. 麗珠蘭近年十個港人卦韓醫美,有八個都會選擇做麗珠蘭!主打從鮭魚DNA萃取出多核苷酸(PN),通過其皮膚組織再生同修復嘅特性,刺激膠原蛋白增生,由根源促進肌膚彈性緊緻,調理並改善膚質。市面上有唔同型號嘅麗珠蘭,例如最多人做嘅黑盒有全臉修復功效、白盒(眼周肌膚)、紅盒(修復受損肌膚)及藍盒(痘痘肌、油肌專用)。如果想達到最佳效果,官方建議施打3-4次,每次隔2-4星期,但記得要衡量肌膚狀況進行療程!點擊圖片放大 +2 ‼️注意事項:使用麗珠蘭後,皮膚會較敏感,應避免使用刺激性高嘅化妝品及護膚品。> “dani.tsang” 同您詳細介紹麗珠蘭功用<-----------------3. 水光針/水光槍 水光針同麗珠蘭一樣都係有調理肌膚功效,不過原理就完全唔一樣。通過透明質酸從底層為肌膚補水滋潤,提升光澤度,適合皮膚乾燥及膚色暗沉人士,可搭配唔同成分達到多種功效。而且水光針恢復期較短,約3-7日,係自由行醫美最佳選擇!‼️注意事項:應避免戶外暴曬、飲酒及化妝,使用低刺激性補水產品加強保濕。 -----------------4. 肉毒桿菌肉毒桿菌都係其中一個熱門新手級醫美項目,通過注射至肌肉部位,使肌肉放鬆,從而減少面部皺紋、瘦臉,甚至可以止汗,達到「回春」效果!常見嘅品牌有Botox、Xeomin、Letybo等,唔同品牌之間有功效上差異。副作用包括輕微疼痛、瘀青及暫時頭痛,通常約3-7天會消退。‼️注意事項:-由於肉毒桿菌為一種毒素,注射過量或操作不當有機會中毒;-術後避免進行劇烈運動及按摩;-懷孕及過敏者亦不適宜打。-----------------5. 電波拉皮初赴韓國醫美嘅新手可以考慮做電波拉皮,因為係非侵入性嘅醫美療程,風險較低、恢復期相對較短。通過高頻電子流動加熱皮膚深層,從而令膠原蛋白增生,改善皮膚老化及除皺緊緻效果。常見機種包括鳳凰電波 (Thermage FLX) 及玩美電波 (Oligio)。術後可能有短暫泛紅,不過普遍1-2天內會消除。‼️注意事項:避免長時間日曬並停用刺激性產品,應加強防曬及溫和保濕。> “missncelia” 分享Oligio X電波拉皮後感< -----------------6. InMode愛美女生經常有雙下巴嘅煩惱,想減輕雙下巴就可以試下做InMode,通過吸入並電波加熱脂肪層,再用高壓脈衝技術破壞脂肪細胞,從而達到溶脂同緊緻肌膚嘅效果。兩種常見非侵入式機頭有FX及 FORMA,FX模式主要減少局部脂肪,如雙下巴等較多贅肉嘅部位,因真空吸入熱能,痛感相對較高,術後有泛紅或瘀青都係屬於正常;FORMA則主打緊緻肌膚、重塑膠原蛋白等功效。 ‼️注意事項:術後皮膚容易感到乾燥,應加強保濕同防曬。 *進行韓國醫美療程後有可能會出現短暫性紅腫、瘀青或不適反應,大多在數日內會自行消退。若情況嚴重,應即時聯絡診所,並查詢注意事項。*任何醫美療程都存在一定的風險, 應選擇信譽良好的正規醫療機構和專業醫師,並且在療程前充分了解風險與術後護理。🔔 Follow《U Community社群》Instagram 同讚好 Facebook 專頁 ,睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。-----------------圖片來源:iStock、社群U Creator @dani.tsang、@heidi86 、@missncelia