➤立即下載U Lifestyle App➤詳情懶人包召集麵包控！唔少港人上深圳吃喝玩樂，同時都不忘探索附近好食嘅麵包店，再打包返香港做手信或者做早餐。唔想下下都踩雷，又想食到最優質嘅麵包，小編今日就整合咗6間2025年深圳討論度最高嘅麵包店，即刻睇下邊間啱您口味！🥖-----------------【暢玩北上！】 週末帶子女深圳短線遊懶人包！深圳近年開咗唔少玩樂設施，每次北上都大把嘢可以玩！就等社群一次過帶大家睇盡北上吃喝玩樂好去處！再由您出post分享返最新最潮嘅打卡熱點～更多深圳吃喝玩樂行程指南 -----------------深圳人氣麵包店｜1. UH祐禾去福田星河COCO Park行街，唔好唔記得去朝聖呢間來自長沙嘅爆紅麵包店「UH祐禾」，亦都係深圳第一間分店！所有麵包都係現場烘烤，仲係開放式烘焙場，睇到店員製作過程。麵包款式齊全，熱賣款如紅豆肉鬆吐司、酸奶菠蘿、超級核桃馬里奧，想食到就要提早去排隊，因為會好快賣晒！地址：深圳市福田街道星河COCOPark (福田店)營業時間：10:00 ~ 22:00> “沙拉_아정” 分享UH祐禾爆款麵包食評<點擊圖片放大 +8 -----------------深圳人氣麵包店｜2. BUTTERFUL&CREAMOROUS 呢間來自首爾嘅人氣法式麵包店「BUTTERFUL&CREAMOROUS」繼上海、北京、南京分店後，終於都喺深圳萬象城開業啦！唔單止麵包糕點款式多元，而且法式宮廷復古風嘅建築令人忍唔住瘋狂打卡！客人可選擇室外、室內位置用餐或者外賣帶走，至於款式質素都唔會令您失望，網民就推介草莓蛋糕鹹奶油泡芙、法式烤開心果牛角包等，鹹甜都有，滿足您多個願望！地址：萬象城二期B棟整棟S162營業時間：12:00 ~ 22:00> “大A吃貨組” 分享B&C麵包店打卡相及食評<點擊圖片放大 +13 -----------------深圳人氣麵包店｜3. 窯滾麵包Maison Kamado來自南京嘅「窯滾麵包Maison Kamado」都係深圳其中一間熱門麵包店！位於深圳卓悅中心，主打唔同口味嘅恰巴達麵包，而且款式口味創新多選擇，網民就推介巧克力恰巴達同芝士火腿吐司，鹹香軟熟而且唔會太甜，符合香港人對美食最高評價！地址：深圳卓悅中心B1層B1109營業時間：10:00 ~ 22:00> “大A吃貨組” 分享窯滾麵包推介<點擊圖片放大 +9 -----------------深圳人氣麵包店｜4. Artisan Sourdough Bread如果您係酸種麵包控，咁您可以試下深圳萬象城二期呢間新開嘅歐式麵包店「Artisan Sourdough Bread」！採用來自德國嘅酸種麵包，口感紮實有層次！特別嘅就係現場可以俾您試食，唔驚買完返去中伏，而且買滿¥68仲會送一隻法棍公仔，細細隻超打卡able！地址：深圳灣萬象城二期1層018> “nom.kwmtravel” 分享點解呢間新開歐式麵包店咁值得去<點擊圖片放大 +4 -----------------深圳人氣麵包店｜5. BegL餐廳 Bagel粉絲一定抵抗唔住呢間主打豐富口味Bagel嘅餐廳！BegL餐廳為大眾點評深圳麵包蛋糕熱門榜第一名，賣相吸引之餘，都唔會淨係得個樣！而且有超多口味Bagel選擇，有鹹有甜，如朱古力、南瓜、原味、蒜香芝士等。除咗Bagel之外仲有Brunch Menu，有意粉、燴飯、沙律等主食選擇，完全可以喺度解決一餐！地址：南山區萬象天地里巷地面1樓NL152B營業時間：10:00 ~ 22:00>貝果控 “jacko_dailylife” 分享BegL餐廳食評< 點擊圖片放大 +11 -----------------深圳人氣麵包店｜6. By Baking小編朋友每次由深圳買返嚟嘅手信當中，都一定有「By Baking」嘅麵包，每次經過都大排長龍！By Baking喺深圳得一間分店，除咗有招牌拿破崙之外，貝果、牛角包、抹茶撻、丹麥等糕點都冇得少，店面望落係一間普通嘅麵包店，不過就設有室外位可以堂食，賣相吸引又可以打卡，下次去深圳都不妨去帶幾個返屋企呀！地址：南山區粵海街道海珠社區文心五路海岸城廣場L1-149號營業時間：9:00 ~ 22:00> “Bigbelly” 分享By Baking 真實食評<點擊圖片放大 +2 🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。-----------------圖片來源：官方圖片 、社群U Creator @沙拉_아정、@大A吃貨組 、@nom.kwmtravel、@jacko_dailylife、@Bigbelly
