➤立即下載U Lifestyle App➤詳情懶人包越嚟越多家長選擇帶小朋友去Playhouse室內兒童遊樂場放電，因此近年都新開設各種主題嘅Playhouse，如叢林主題、海盜主題等等，令小朋友沉浸式享受玩樂時光！今日就等一眾社群U Creator家長們同您實測全港8個必去Playhouse，即刻睇落去啦~-----------------【招親子KOL】親子合作配對計畫 l 優先參加合作試用！帶小朋友一齊參加各大品牌活動嘅機會嚟啦！現時簡單填表登記《社群》「親子合作配對計畫」後，就會有專人為您配對試用活動！有豐富親子品牌活動、產品試用定工作坊體驗、自助餐及酒店優先試住體驗等限定合作。 立即登記創造難忘親子回憶！----------------港島區親子Playhouse推介港島區親子Playhouse推介｜1. 北角KidstationKidstation分別喺荃灣同北角都有分店，而北角分店今年新開張即刻大受歡迎。佔地一萬呎，空間大到可以俾小朋友盡情發揮大宇宙！除咗有波波池、滑梯外，女仔可以去公主化妝間變身做公主扮靚，男仔就可以去玩搖控車、電玩街機。另外仲有職業體驗遊戲，診所、廚房、超市等情境俾小朋友cosplay，一定玩到唔捨得走！地址：北角馬寶道28號華匯中心9樓點擊圖片放大 +6 港島區親子Playhouse推介｜2. 北角 The Wiggle Room 另一間都係今年新開嘅The Wiggle Room位於和富商場，佔地2,700呎，係全港首個｢彩虹波波秘境｣，啱晒鍾意玩波波池嘅小朋友！The Wiggle Room總共有3個體驗區域，小朋友可以玩到空中飛索、實驗玩水池、旋轉木馬、農場體驗擠牛奶餵牛及母雞生蛋，主題新鮮而且夠刺激無論係去放電定喺入面搞生日party都會盡興！地址：和富商場B05B號舖和富道21-53號點擊圖片放大 +7 -----------------九龍區親子Playhouse推介九龍區親子Playhouse推介｜3. 歷奇王國EpicLand 啟德店歷奇王國EpicLand今年搬遷至啟德之後擴展至20,000呎，同時都係全港最大室內遊樂場！設有6大遊戲主題區等小朋友可以盡情探險，每個遊戲麵精心設計且體驗感十足。社群U Creator大讚水泡滑梯，坐喺水泡上瀡滑梯十分刺激！其它遊戲如繩網、巨型波波池都誠意十足，絕對係親子去啟德放電首選！地址：啟德零售館2號館4樓點擊圖片放大 +7 九龍區親子Playhouse推介｜4. 荔枝角Wonder Valley Playhouse荔枝角地鐵站上蓋呢間近萬呎PlayHouse都係不容家長們錯過~呢度有各式各樣唔同長度嘅滑梯，啱晒鍾意玩滑梯嘅小朋友，而且都唔使擔心人多又要排隊先玩到，空間夠大而且設施分散！另外仲有梳妝區、秋千、煮飯仔等唔同玩樂區域任玩唔嬲，間中仲有唔同節日限定工作坊，如即將舉辦嘅萬聖節cupcake工作坊，家長都可以加入一齊玩！地址：荔枝角長沙灣道833號3樓312-317號鋪點擊圖片放大 +8 九龍區親子Playhouse推介｜5. 黃埔PeeKaBoo Playhouse躲貓貓樂園想喺馬卡龍色系主題嘅Playhouse打卡度過夢幻嘅親子時光，咁您一定要帶子女嚟黃埔PeeKaBoo Playhouse一齊放電！Playhouse佔地7000呎，設有大型波波池、沙池、超多項目嘅角色扮演區、旋轉咖啡杯等玩樂設施，有5條色彩繽紛嘅滑梯，黃埔家長們必去！地址：黃埔天地第10期尖子坊地下G2-3號舖點擊圖片放大 +6 -----------------新界區親子Playhouse推介新界區親子Playhouse推介｜6. 荃灣愉景新城 Childlike童心樂園位於荃灣愉景新城嘅Childlike童心樂園一向都係備受家長們歡迎嘅Playhouse，佔地8,000呎共18個主題區域，除咗有經典波波池、沙池、彈床等設施之外，最特別就係設有MR互動體驗專區同小船漂流，可以駕駛小鴨小船於水上漂流。另外設有專屬換裝舞台，小朋友可以盡情扮演唔同職業及鍾意嘅角色，體驗另一種身份嘅樂趣！地址：荃灣愉景新城地下1029-1030號舖點擊圖片放大 +3 -----------------新界區親子Playhouse推介｜7. 屯門kingdom 王國樂園屯門區家長可以帶小朋友去Kingdom王國樂園，佔地近9,000呎，係屯門區內較大型嘅Playhouse。共有23個玩樂區域，除咗有彩沙池、彈床區、滑梯等基本項目之外，仲有互動遊戲屏幕區、Board Game、Switch遊戲地帶等遊戲專區，大朋友同小朋友都啱玩！地址：屯門良運街3號建生商場2樓全層點擊圖片放大 +8 -----------------同場加映即將開業：8. KidZania Hong Kong職業體驗城唔少Playhouse都有職業體驗專區，但多到有成70種職業體驗，仲要真係可以落手落腳去賺錢嘅體驗，咁就一定要去「KidZania Hong Kong」親子職業體驗城，同時都係大中華區第一個KidZania樂園。珠寶設計師、中醫師傅、新聞主播、整餅師傅等好多估唔到嘅職業都有得玩，等小朋友沉浸式體驗打工樂趣！不過香港KidZania仍未開業，家長們可以去東京KidZania先行體驗！地址：香港國際機場航天城11 SKIES點擊圖片放大 +9 🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。-----------------圖片來源：社群U Creator @Snowycookingmama 、 @Baby__katrina、@Kami Sin、 @蓁蓁日常Diary 、 @Bean Wong 、@Little.pak_ho 、@JaneChunOK、 @安妮媽媽
