➤立即下載U Lifestyle App➤詳情懶人包秋風起！大閘蟹當造季節殺到，又係時候食鮮甜肥美嘅大閘蟹！想食到平靚正嘅大閘蟹，深圳有好多高性價比嘅大閘蟹餐廳。當中有深圳老字號、米芝蓮團隊出品，最平¥20就食到！今日小編就同大家精選深圳5間社群U Creator極力推介嘅大閘蟹餐廳，蟹控一定要收藏繼續睇落去啦！-----------------【暢玩北上！】 週末帶子女深圳短線遊懶人包！深圳近年開咗唔少玩樂設施，每次北上都大把嘢可以玩！就等社群一次過帶大家睇盡北上吃喝玩樂好去處！再由您出post分享返最新最潮嘅打卡熱點～ 更多深圳吃喝玩樂行程指南-----------------深圳大閘蟹餐廳2025｜1. 盛潮行大閘蟹盛潮行大閘蟹位於羅湖區，開業20多年專注做蟹，深受深圳本地人同香港遊客歡迎，幾乎每日都大排長龍！重點係，最平¥199就有10隻大閘蟹！餐廳可供堂食，或者外賣打包生蟹返屋企蒸嚟食。唔單止食到即叫即蒸爆膏新鮮大閘蟹，而且餐廳仲有蟹粥、蟹粉小籠包等蟹類美食，蟹控一定食到樂而忘返！>睇 “ifoodies_dog” 分享盛潮行大閘蟹送貨攻略<地址：羅湖中興路144號1棟交通：深圳地鐵1號線晒布站B口點擊圖片放大 +6 -----------------深圳大閘蟹餐廳2025｜2. 粵集·手工粵菜想用親民價錢食到米芝蓮級數嘅大閘蟹，一定要食「粵集」！由廣州十大名廚及米芝蓮一星團隊主理，甚至有「利苑平替」之稱，因此喺深圳同廣州都有多間分店，唔使驚食唔到！「粵集」嘅大閘蟹共有三味可以選擇：香辣、鹽焗、紫蘇蒸，每隻蟹膏爆漿又夠新鮮，會員價只需¥19.9/隻，秋季係時候帶屋企人去朝聖下！> “Bigmouth_jai” 分享粵集大閘蟹三味食評<地址：羅湖區蔡屋圍一街KKMALL京基百納空間A棟L2 227交通：地鐵1號線大劇院站出入口步行5分鐘點擊圖片放大 +5 -----------------深圳大閘蟹餐廳2025｜3. 蟹叁寳如果您有「蟹殼敏感」，「蟹叁寳」就滿足到您想食蟹又唔想自己拆蟹嘅願望！呢間蟹叁寳為近年深圳大熱嘅蟹黃麵專賣店，福田、南山、寶安、皇庭廣場都有分店。招牌蟹黃金撈蟹黃麵將新鮮大閘蟹手工現拆，蟹肉、蟹膏同蟹黃精華滿滿，蟹香濃郁鮮甜！只需¥98就得到一碗金黃色足料蟹黃麵，仲可以無限續麵，CP值爆棚！> “Felix Felix Wong” 帶您食盡蟹叁寳招牌美食<地址：福田店(皇庭廣場)：福田街道皇庭廣場L2層25B福田2號店(皇庭中心) 福華路350號崗廈皇庭中心102L1-2南山店：後海濱路3368號鵬潤達商業廣場東座3樓寶安店：寶華路前海HOP天地1樓3號門點擊圖片放大 +7 -----------------深圳大閘蟹餐廳2025｜4. 桂語溪·精緻江浙菜想食到味道香濃嘅花雕大閘蟹，咁您一定要去深圳卓悅中心食呢間「桂語溪」，品嚐正宗又精緻嘅江浙菜！招牌花雕醉蟹濃郁而不失蟹香，啖啖蟹膏，大閘蟹控一定唔會失望。除咗花雕蟹之外，其它菜式味道都保留到傳統風味，同時加入創新食法。而且餐廳裝潢優雅，仲可以預訂生日主題房，絕對係慶生首選！地址：福華路348號卓悅中心西區2樓> “daniel2915” 拍片分享桂語溪花雕蟹食評<點擊圖片放大 +3 -----------------深圳大閘蟹餐廳2025｜5. 盒馬鮮生相信香港人每次上深圳都必會去一轉大型超市「盒馬鮮生」掃貨，大閘蟹季節當然唔例外啦！盒馬鮮生除咗係超市，仲係餐廳。其中海鮮區就放有3款新鮮大閘蟹任君挑選，當中陽澄湖公蟹約¥59.9/隻，仲有其它蟹品種都有唔同價位。現場仲可以加¥10即叫即蒸，即時品嚐爆漿新鮮大閘蟹！全深圳有20多間分店，總有一間喺您附近！地址︰深圳市福田區福華三路皇庭廣場B1層(皇庭廣場店)點擊圖片放大 +3 🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。-----------------圖片來源：官方圖片、社群U Creator @ifoodies_dog 、 @Bigmouth_jai、@Felix Felix Wong 、 @daniel2915
