➤立即下載U Lifestyle App➤詳情懶人包開學後想帶小朋友一齊去場短trip放鬆下心情，又唔想成日留喺香港，北上係其中一個短程度假好選擇！而深圳近年都新開咗唔少親子友善娛樂場所，有齊按摩體驗、卡丁車、各類型室內運動娛樂項目等等！今日就整合唔同社群U Creator實測超好玩嘅10大深圳親子必去活動，即刻收藏低呢個post帶小朋友一齊北上放電！-----------------【招親子KOL】親子合作配對計畫 l 優先參加合作試用！想同小朋友一齊參加各大品牌活動？立即登記《社群》「親子合作配對計畫」 ，完成後就有專人為您配對試用活動！有豐富親子品牌活動、產品試用定工作坊體驗、自助餐及酒店優先試住體驗等限定合作。立即登記，創造難忘親子回憶啦！立即登記「親子合作配對計畫」 -----------------深圳福田區親子活動深圳親子好去處2025｜福田區親子活動｜1. 玩美攻略全深圳福田區最大型嘅室內遊樂場就喺呢度！「玩美攻略WonderMeet」佔地10萬呎，絕對係近年大受港人歡迎全新放電熱點！場館共有3層，有齊卡丁車、溜冰場等超過100種潮玩項目，仲有小朋友都入得嘅桌球玩樂城。靜態活動有手作體驗、夾公仔等休閒活動，動靜皆宜，總有一款遊戲啱您玩！地址：深圳市福田區華強北街道華航社區深南大道3018號世紀匯廣場1至3層> “candychanbb” 分享玩美攻略遊玩路線及必玩項目<點擊圖片放大 +7 -----------------深圳親子好去處2025｜福田區親子活動｜2. KP-FUN潮玩遊樂街區親子去福田區附近放電，唔可以唔去呢間今年6月全新開幕嘅7萬呎雙層室內電競運動館「KP-FUN潮玩遊樂街區」啊！場館以Cyberpunk賽博龐克為主題，未來科技感拉滿，裡面有超過100多個潮流科技遊玩項目，有齊保齡球、碰碰車、國內唯一星球大戰飛船遊戲，仲有全深圳最大室內碰碰車添！大人小朋友都可以享受各種新鮮刺激嘅遊戲體驗，度過愉快難忘嘅週末！地址：深圳福田中洲灣商場3樓>去片等 “雪糕兒” 開箱全新開幕室內遊樂場<點擊圖片放大 +2 -----------------深圳親子好去處2025｜福田區親子活動｜3. 深圳兒童探索館除咗親子去室內遊樂場做運動放電之外，不妨同子女一齊參加職業體驗活動，等小朋友親身扮演唔同職業角色，提前體驗打工樂趣！呢間近年開業嘅「深圳兒童探索館」深受家長們歡迎，場館設有6大特色區域，佔地4,000平方米，除咗職業體驗外，亦集齊多種有教育意義嘅小遊戲，涵蓋歷史、節日習俗、運動健康等範圍，等小朋友寓學習於娛樂！地址：深圳市福田區景田路78號深圳婦兒大廈裙樓1層注意事項：入場名額有限，記得提前透過「深圳兒童探索館」小程序預約！> “和牛媽媽” 分享兒童探索館必玩項目及票價<點擊圖片放大 +9 -----------------深圳南山區親子活動深圳親子好去處2025｜南山區親子活動｜4. MAY TOWN超樂園天氣咁熱想留喺室內都大把嘢玩！深圳蛇口呢個「湄南河體育小鎮」絕對係最適合親子放電嘅地方，為深圳市政府為推動發展深圳體育產業，將舊廠房改建，除咗有國際馬術俱樂部之外，各種極限運動、籃球，全部都有得玩！> “Felix Felix Wong” 分享點樣玩盡湄南河體育小鎮<點擊圖片放大 +4 MAY TOWN超樂園就係小鎮內其中一個體驗項目，裡面唔單止可以玩潛水、室内釣蝦、War Game，仲可以玩到全深圳最長350米卡丁車戴賽道，100多個遊樂項目只需HK$200左右遊玩唔嬲！而且樂園位於K11 Ecoast附近，行完街食完飯入場放電，路線已經幫您安排好啦！地址：深圳南山區海灣路19號湄南河體育小鎮MAYKART營業時間：09:00 ～ 21:00> “Harris_n_harley” 帶您細數MAY TOWN超樂園必玩項目<點擊圖片放大 +2 -----------------深圳親子好去處2025｜南山區親子活動｜5. 阿奇拉湯泉生活如果唔想運動量太大，南山區「阿奇拉湯泉生活」就好適合一心想休閒享受生活嘅您！依家只需HK$200起就可以喺呢個超過20000平方米嘅生活空間24小時盡情打機、睇戲、唱K、按摩，仲可以享受新鮮水果同埋飲品任飲任食！最癲嘅係裡面仲有深圳唯一8米深嘅室內潛水池，仲可以跟住專業教練1對1學潛水，無論男女老少都好適合喺度玩足2日1夜！地址：深圳桃園路田廈國際中心AB樓2至3層> “Nana._foodie” 分享阿奇拉湯泉生活兩日一夜盡玩攻略<點擊圖片放大 +8 -----------------深圳羅湖區親子活動深圳親子好去處2025｜羅湖區親子活動｜6. 健康100湯泉羅湖區都有一個集按摩、嘅親子休閒生活空間，仲要係深圳首家別墅區湯泉！ 唔單止可以包廂KTV，仲可以做SPA、中醫理療、森林溫泉體驗應有盡有，而且24小時營業，入住客房再仔細感受慢活鬆弛嘅生活節奏，大班親戚兩日一夜出遊都好適合！羅湖區清水河街道銀湖社區銀湖路48號銀湖建康水會> “chinschins” 同您打卡深圳都市養生祕境<點擊圖片放大 +11 -----------------深圳親子好去處2025｜羅湖區親子活動｜7. 免費博物館除咗吃喝玩樂之外，同子女去睇博物館都係一個增廣見聞嘅好選擇！羅湖區就有全國第一間珠寶博物館「深圳珠寶博物館」，典藏咗大量珠寶，礦石，珍珠，水晶應有盡有，介紹唔同種類珠寶起源及形成過成。館內共有五大常設展區，4樓設有特展區，不定期會開展精品專題展覽。博物館迷同珠寶迷都唔可以錯過！地址：羅湖區貝麗北路20號金展珠寶廣場3-4樓>等 “Krystal” 分享更多深圳免費博物館<點擊圖片放大 +7 -----------------深圳寶安區親子活動深圳親子好去處2025｜寶安區親子活動｜8. 深圳華發冰雪世界號外號外！萬眾期待嘅全球最大型室內滑雪場即將於今年9月29日登陸深圳寶安區！「深圳華發冰雪世界」位於深圳前海，到時又多一個滑雪練習場所啦！場地佔約43萬平方米，室內滑雪場面積相當於11個足球場，共有5條專業賽事級別雪道及娛雪區，新手同高手都可以玩得盡興！而且場館更連接住五星級JW萬豪酒店，一家大細滑雪後都可以返酒店休息補充能量！地址：深圳市寶安區沙井街道和一社區沙井南環路西段> “Kurochan♡” 詳細介紹華發冰雪世界攻略及重點設施<點擊圖片放大 +4 -----------------深圳親子好去處2025｜寶安區親子活動｜9. WOWOZOO窩窩萌寵樂園唔使搭飛機都可以去動物園近距離親親小動物！寶安區呢個「WOWOZOO窩窩萌寵樂園」係當地熱門嘅室內寵物互動體驗園，位於商場入面，園區佔地面積約1600平方米，您可以喺入面沉浸式撫摸萌寵、餵雀鳥、狐獴，仲可以輕鬆睇到水豚、瑞士瓦萊黑鼻羊。而且場內仲有滑梯，俾小朋友放電，係親子出遊絕佳景點！地址：深圳市寶安區新湖路與海城路交匯處寶安大仟里L2-L268-269號> “和牛媽媽” 帶子女去寶安區寵物樂園親親萌寵<點擊圖片放大 +10 -----------------深圳親子好去處2025｜龍華區親子活動｜10. 深圳觀瀾湖度假區深圳觀瀾湖係近年港人親子北上短線遊其中一個熱門景點。作為國家5A級旅遊度假區，觀瀾湖有齊度假酒店、商場、手藝工坊、卡丁車、摩天輪等休閒娛樂配套，酒店仲連接住超大型高爾夫球場，係全世界第一大高爾夫球會！大人小朋友都大把嘢可以玩，玩足2日1夜都未必夠啊！> “anahkbabys” 分享更多深圳觀瀾湖有咩玩<點擊圖片放大 +8 除咗以上娛樂配套之外，深圳觀瀾湖仲即將於2025年10月1日迎來「哈利▪波特 禁忌森林體驗」，仲係中國首站，哈利波特迷一定要朝聖下，化身為巫師，親身體驗哈利▪波特電影20多個經典名場面！國慶假期帶住子女一齊展開刺激難忘嘅親子歷險啦！>等 “MH玩樂主義” 分享詳盡禁忌森林體驗入場方法<地址：深圳市龍華區觀瀾鎮泗路1號點擊圖片放大 +8 🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。-----------------圖片來源：網上圖片、小紅書@前海冰雪世界、社群U Creator @candychanbb 、@雪糕兒 、 @和牛媽媽 、@Felix Felix Wong 、@Nana.foodie 、@Harris_n_harley 、 @chinschins 、 @Krystal 、 @anahkbabys、網上圖片
