➤立即下載U Lifestyle App➤詳情懶人包每年秋天最期待嘅活動就係出國睇楓葉，欣賞一年一度限定紅葉海！日本作為香港人「鄉下」，一定係賞楓巡禮首選！根據最新預測，日本東京紅葉最佳賞楓期預計為11月30日前後不等。今日小編就精選多個社群U Creator推介東京熱門賞楓景點，出發前plan定東京行程，賞盡最靚紅葉景色！— — — —東京近郊賞楓景點推介東京紅葉2025｜近郊賞楓景點推介｜1. 河口湖紅葉迥廊嚟到東京睇紅葉，一定要連埋富士山一齊睇先值回機票價！河口湖每年11月中都會舉行紅葉祭，主會場就喺北岸「紅葉迴廊」，唔單止可以同時打卡富士山及紅葉同框嘅風景，而且入夜後仲會舉辦夜間點燈儀式，輕鬆睇晒日夜楓葉截然不同嘅景色！紅葉祭更設有「工藝品市場」，可以入手木製品、玻璃等精緻手工紀念品，呢一趟旅程超值得啊！最佳觀賞期： 11月1日至11月30日地址：山梨縣南都留郡富士河口湖町交通方法：新宿JR搭乘「富士急行線」至河口湖站，轉乘河口湖週遊巴士> “followmetoeatandplay” 分享富士山與紅葉同框美照<點擊圖片放大 +2 — — — —東京紅葉2025｜近郊賞楓景點推介｜2. 高尾山如果預計會喺11月中前往東京，無緣市區最佳賞楓時間嘅您都唔使擔心，您可以前往海拔較高嘅高尾山提前一睹紅葉絕景！高尾山位於東京都邊界，距離市中心約1小時車程，海拔高達599公尺。因為住有天狗嘅傳說及豐富嘅自然景觀而被米芝蓮《綠色指南》評為三星旅遊景點，更被登錄為日本遺產！紅葉季期間，您可以搭乘纜車由山腳遊覽至山頂，沿途欣賞山坡及四周嘅楓葉，盡情享受360度被紅葉包圍嘅感覺！地址：日本東京都八王子市高尾町交通方法：京王電鐵京王線｢高尾山口｣站轉乘高尾山纜車/吊椅上山最佳觀賞期： 11月中旬至12月上旬> “女生暢游天下” 分享超詳盡高尾山遊覽路線及美食<點擊圖片放大 +2 — — — —東京紅葉2025｜近郊賞楓景點推介｜3. 奧多摩湖計劃深度遊東京嘅您，可以將其中一日預留俾東京熱門近郊景點「奧多摩湖」。由東京市區出發約2小時可到，位於東京都同山梨縣交界，以鈷藍色清徹嘅湖水及湖畔聞名。秋天您仲可以觀賞湖水如鏡面般映照出滿天楓紅嘅限定絕景，想像一下同重要嘅人一齊喺咁靚嘅湖邊漫步賞楓，實在太浪漫了！地址：東京都西多摩郡奥多摩町川野1740交通方法：JR「奧多摩站」搭公車約20分鐘最佳觀賞期： 11月上旬至下旬> “阿諾爾” 帶您睇上年奧多摩湖紅葉景有幾靚 <點擊圖片放大 +4 — — — —東京紅葉2025｜近郊賞楓景點推介｜4. 箱根蘆之湖箱根一直係唔少遊客東京必去嘅近郊景點，唔單止係當地重要嘅溫泉景點，仲係熱門嘅賞楓勝地，秋天去東京嘅您一定要Bookmark低！箱根有眾多賞楓景點，蘆之湖作為神奈川縣面積最大嘅湖泊，就係當中較熱門嘅紅葉打卡位。唔單止可以同時觀賞湖景配紅葉嘅靚景，而且仲可以將富士山收在眼底，睇完紅葉仲可以浸溫泉，一次過滿足您多種享受！地址：神奈川縣足炳下郡箱根町交通方法：小田急電鐵「浪漫特快」約1.5小時直達箱根湯本站，轉乘箱根登山巴士最佳觀賞期：10月下旬至12月上旬> “思思賢 Chill My Babe” 開心share箱根紅葉打卡位<點擊圖片放大 +3 — — — —東京市區賞楓景點推介東京紅葉2025｜市區賞楓景點推介｜5. 護國寺唔想去太熱門嘅景點同人群擠迫，市區都有唔少隱世紅葉景點！護國寺係東京市區其中一個小眾嘅賞楓勝地，雖然紅葉數量唔多，不過您可以賞楓同時觀賞歷史古跡，享受多種體驗！護國寺距離池袋僅兩個站，為東京文京區嘅重要佛教寺廟，有超過300年歷史，為五代將軍綱吉依據生母桂昌院嘅願望所創建嘅寺廟。寺廟景色四季分明，有廣闊嘅庭園，無論春夏秋冬都可以感受當季獨一無二嘅風景！地址：東京都文京區大塚5丁目40-1交通方法：搭乘東京METRO有樂町線至「護國寺站」步行1分鐘最佳觀賞期：11月下旬至12月中旬> “kylielsag” 打卡東京護國寺紅葉風景<點擊圖片放大 +2 — — — —東京紅葉2025｜市區賞楓景點推介｜6. 芝公園去東京旅行，打卡東京鐵塔絕對係其中一個重點行程！雖然有好多可以打卡東京鐵塔嘅景點，但如果想睇埋楓葉靚景，一定係去「芝公園」。芝公園作為日本最古老嘅公園之一，除咗可以觀賞東京鐵塔之外，仲可以睇埋增上寺嘅景色，充滿歷史嘅氣息！而且芝公園同其它熱門景點相比更加少人，唔使擔心人群多影唔到靚相，想發掘隱世楓葉景點嘅您留意啦！地址：日本東京都港區芝公園一、二、三、四丁目交通方法：JR「濱松町站」步行10分鐘/都營三田線「芝公園站」最佳觀賞期：11月下旬至12月上旬> “思思賢 Chill My Babe” 同您分享芝公園賞楓最佳位置 <點擊圖片放大 +5 — — — —東京紅葉2025｜市區賞楓景點推介｜7. 新宿御苑想打卡日式庭園下嘅楓葉林，一定要去新宿御苑！作為曾經江戶時代嘅武家宅邸，於明治時期後就改建成皇室庭園，有齊日式、法式同英式三種特色庭園，金黃嘅銀杏及鮮艷嘅楓葉遍佈每個區域，同時滿足您睇紅葉同銀杏嘅願望，而且紅葉種類多元，所以觀賞期好長，每年秋天都係遊客嘅重點賞楓景點！地址：東京都新宿區内藤町11交通方法：JR「新宿站」步行10分鐘最佳觀賞期：11月中下旬至12月上旬點擊圖片放大 +6 — — — —東京紅葉2025｜市區賞楓景點推介｜8. 六義園如果您想觀賞紅葉下山清水秀嘅景色，六義園係最佳選擇！以回遊式築山泉水庭園為名嘅六義園建於江戶時代，更被指定為國家特別名勝！每年秋天，庭園內400棵楓樹都會將六義園整個染紅，形成一片美麗嘅紅葉海，配上古色古香的建築，打卡都十分出片！想睇埋夜楓可以留到夜晚點燈活動，欣賞同日間兩種感覺嘅紅葉風景~地址：東京都文京區本駒込 6-16-3交通方法：JR 「駒込站」步行7分鐘最佳觀賞期：11 月下旬至12月上旬> “葉子” 帶您打卡絕美六義園楓葉<點擊圖片放大 +9 — — — —東京紅葉2025｜市區賞楓景點推介｜9. 代代木公園每年11月中下旬，位於澀谷周邊嘅代代木公園搖身一變成為深受本地人及遊客歡迎嘅紅葉勝地。公園佔地面積54萬平方米，種植咗多棵楓樹及銀杏樹，每年秋天都會染上鮮艷嘅橙黃色，畫面十分夢幻！除咗喺園內散步之外，您仲可以鋪上野餐墊，喺密集嘅楓林下野餐並浸沉式享受當下自然愜意時光！地址：東京都澀谷區代代木神園町交通方法：JR「原宿站」步行約3分鐘最佳觀賞期：11月下旬至12月上旬 — — — —東京紅葉2025｜銀杏景點推介｜10. 明治神宮外苑秋天除咗追楓，當然要一併追埋銀杏！與代代木公園相鄰嘅「明治神宮外苑」就係熱門嘅銀杏名所。明治神宮分為正殿、內苑、外苑同明治紀念館四個部分，其中外苑每年秋天就會變成長達300公呎嘅銀杏大道，約146棵銀杏樹於路邊展開，形成一條夢幻金黃色隧道，壯觀程度甚至唔少日劇都會入嚟取景！而且每年11月中下旬，外苑都會舉辦「銀杏祭」活動，大家記得一定要去朝聖下啦！地址：東京都新宿區霞之丘町1-1交通方法：東京METRO「青山一丁目站」步行8分鐘最佳觀賞期：11月下旬至12月上旬> "思思賢 Chill My Babe" 帶您遊走唯美銀杏大道<🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。— — — —圖片來源：網上圖片、社群U Creator@followmetoeatandplay 、 @女生暢游天下 、 @阿諾爾 、@思思賢 Chill My Babe、 @kylielsag 、 @葉子
