➤立即下載U Lifestyle App➤詳情懶人包去東京行街買衫淨係識得行GU、Uniqlo您就輸了！其實日本仲有好多國民平價服飾品牌等住大家發掘，全部衣服款式夠晒潮流時尚。今日就精心挑選咗6大社群U Creator認證平靚正嘅日本寶藏級服裝潮牌，由復古風到日系甜美風應有盡有，想知就繼續睇落去啦！-----------------【轉季必備】免費送您PHYSIOGEL皇牌面膜套裝！轉季要買新衫之外，肌膚都需要保養下！U Community社群送您PHYSIOGEL 醫學美肌系列皇牌面膜套裝❤️，幫皮膚急救補濕、美白滋潤！即日起至2025年10月2日，只需簡單登記，就有機會免費帶走PHYSIOGEL皇牌面膜套裝，安心追求靚靚肌膚😍 ！ >免費贏走皇牌面膜套裝<-----------------日本購物好去處｜東京必逛服裝店｜1. Shimamura (しまスタイル)以為GU啲衫已經夠平，望埋Shimamura您會再嚇一跳！Shimamura作為日本排名第二大嘅Fast Fashion品牌，喺日本有超過2,000間分店，只係喺東京就有88間分店，而且最平只需HK$50已經買到一件衫！除咗女裝外，連男裝、童裝都有，而且款式多樣又時尚，無論知性通勤，定係日系溫柔風通通都有！Shimamura仲間唔中會推出聯名款，如蠟筆小新、Mofusand、Chiikawa等熱門IP，粉絲們衝啊！*想搵更多穿搭靈感，可以去官方IG帳戶@shimastyle.jp 查收！點擊圖片放大 +2 > “JayelleLai” 用Shimamura上下身襯出休閒美學<-----------------日本購物好去處｜東京必逛服裝店｜2. Honeys (ハニーズ)推介每位學生或者小資女去東京一定要去Honeys尋寶！Honeys亦都係其中個熱門日本平價時尚品牌，淺草、上野、池袋都有分店。款式大眾化得嚟又緊貼時下潮流，出街玩或者日常穿搭都十分百搭~價錢都好親民，最平唔使HK$50就可以買到件女裝，特別係Honeys仲推出Chiikawa聯名款，最平都係HK$70就有件T-shirt，質料都十分舒服，CP值超高！點擊圖片放大 +7 地址：東京分店請查看官網> “Carissa” 帶您橫掃Honeys x Chiikawa聯名款 <-----------------日本購物好去處｜東京必逛服裝店｜3. CLEAR (クリア)主打日系優雅及可愛風嘅時尚品牌CLEAR深受眾OL及20代女性們愛戴，分店範圍遍佈全日本，東京分別有上野、橫濱、川崎、池袋等分店，只要您想就買得到！而且CLEAR款式設計十分精緻且緊貼潮流，除咗溫文爾雅風格外，CLEAR都有工裝褲等唔同風格嘅服飾，仲有售賣手袋等配飾，適合任何類型嘅女生閉眼入手！價錢普遍HK$80起，做優惠時最平只需1,000日圓就可以入手一件衫啦，通勤打卡都啱買！點擊圖片放大 +4 地址：詳見官網-----------------日本購物好去處｜東京必逛服裝店｜4. Luck Rack (ラックラック)嚟到日本買衫shopping一定要去Outlet尋寶掃平衫！咁您一定唔可以錯過「Luck Rack」。品牌以「EVERYDAY LOW PRICE」為口號，匯集來自300多個品牌嘅20,000多種商品，最癲嘅係折扣額度高達80%！除咗時裝之外，仲可以喺入面買到化妝品、家居用品等物件，預半日時間行都不成問題！甚至連Win Win都喺ViuTV節目《日本winwin企画》訪問過橫濱店，可見「Luck Rack」嘅熱門程度。東京shopping唔好放過可以平住入手休閒時尚新衫嘅機會啊！地址：各分店地址請查閱官網營業時間：11:00~20:00> “EsterCheung” 帶您逛Luck Rack橫濱店<點擊圖片放大 +5 -----------------日本購物好去處｜東京必逛服裝店｜5. FOUND GOOD 想入手一件通勤輕便嘅文青系服飾，推介大家去FOUND GOOD入手平價靚衫！FOUND GOOD係伊藤洋華堂同niko and...母公司合作推出嘅品牌，又稱為「平價版niko and..」，因為裡面嘅服裝同飾品價錢都好親民，大概為2000至3000日圓左右(約HK$180)，而且連男裝同童裝都有好多款式，媽媽們有理由帶家人們去盡情買衫啦！地址：東京都江東區木場1-5-30營業時間：10:00 ~ 22:00> “KIKItravelholic” 介紹更多FOUND GOOD門市資訊<點擊圖片放大 +2 -----------------日本購物好去處｜東京必逛服裝店｜6. Coen想入手一套百搭、基本款又高CP值嘅時裝，Coen滿足到您所有願望！Coen為UNITED ARROWS集團旗下品牌，以「輕鬆享受時尚的樂趣」作為核心理念，推出多款休閒隨性又不失時尚嘅服裝款式。價格落於2,000至1,0000日圓不等，無論咩年齡、咩場合都總有一款係啱心水！Coen於東京有5間分店，其中一間位於晴空塔附近，去shopping不妨留意下呢間寶藏店啊~地址：東京都墨田區押上1-1-2*更多穿搭靈感請參照IG@coen_official點擊圖片放大 +3 🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。-----------------圖片來源：網上圖片、IG帳戶@shimastyle.jp、@clear.official、@foundgood_official、@coen_official、社群U Creator @KIKItravelholic、@Jayelle Lai 、 @Carissa、@EsterCheung
