➤立即下載U Lifestyle App➤詳情懶人包新界區寵物主人望入嚟！小編早前分別整合咗港島同九龍區嘅寵物友善商場，當然唔少得新界區啦！原來新界區都有好多間寵物友善商場，有齊天台、草地，室內用餐位，甚至有埋寵物巴士可以直達，的士錢都慳返！想知就繼續睇下社群U Creator有咩評價，未睇上集嘅您都可以點傳送門睇返啊！----------------- 【召集寵主】免費送您貓貓保健品！ 身為貓奴或狗主，當然想時刻保障主子健康！今次U Community社群為各位寵主搜羅一系列寵物美食及保健品，只要簡單登記，就有機會免費贏得貓狗保健品，呵護主子健康！ > 想要免費貓貓保健品 <-----------------香港寵物友善商場｜新界區｜1. 西沙GO PARK西沙GO PARK位於烏溪沙及西貢之間，係2025年最新嘅寵物友善商場！商場設有一系列完善嘅寵物配套。商場部分餐廳都特設戶外位，甚至仲有寵物餐單，毛孩唔怕冇啖好食！而2樓設有3千呎以Glamping露營風為主題嘅寵物公園，可以同毛孩打卡享受度假一般嘅氛圍，輕鬆做Chill Guy~除咗寵物友善之外，西沙GO PARK仲有多個兒童遊樂區及運動公園，真正實現「人寵共融」！> 由社群U Creator實測西沙GO PARK有幾好玩 <點擊圖片放大 +4 仲煩惱緊出入只能帶寵物搭的士嘅您唔使擔心！早前九巴推出「寵物巴士團」，唔同班次可往返西九文化區、馬灣、南豐紗廠、西沙GO PARK等多個寵物友善熱點，各位寵主都可以留意相關班次，同愛寵一同搭巴士出行，遊山玩水冇難度！ >由 ”Oppa & Alex Fong” 分享九巴寵物巴士團資訊<地址：馬鞍山海映路9號點擊圖片放大 +2 -----------------香港寵物友善商場｜新界區｜2. 元朗YOHO MALL想帶毛孩去室內玩，必去元朗YOHO MALL！商場提供寵物手推車 (每次可借５小時)、寵物袋、寵物繩租借服務，以及供應寵物便便袋及尿墊，配套十分齊全。設施方面都十分pet-friendly，有佔地約8000呎大嘅寵物公園DOT PARK「萌寵玩樂區」，有齊寵物滑梯、跳躍台及噴水區等設施，以及「萌寵休閒拍攝區」，狗狗放電完仲有得影靚相！而且玩到冇電仲有多達13間寵物友善餐廳可供選擇，絕對係元朗寵物友善好去處！地址：新界元朗朗日路9號YOHO MALL -----------------香港寵物友善商場｜新界區｜3. 荃灣南豐紗廠講到「寵物友善」商場，荃灣南豐紗廠一定榜上有名！作為100%寵物友善商場，南豐紗廠不定期會舉辦寵物主題活動同工作坊，有多達11間寵物友善餐廳，而且係全室內座位，落雨都唔驚整濕曬！2大戶外活勳空間分別有2/F紗廠耕地及3/F紗廠公園，有齊草地及天台，寵物落地須繫上狗繩，有充足空間俾寵物盡情放電啊！地址：荃灣白田壩街45號>跟住主人 “Bobby Bella” 打卡南豐紗廠期間限定藝術展<點擊圖片放大 +5 -----------------香港寵物友善商場｜新界區｜4. 圍方The Wai位於大圍嘅圍方係近年新開嘅寵物友善商場！多種寵物友善服務包括寵物專用廁所、寵物車暫泊專區、寵物優先停泊位、寵物友善優先升降機、寵物用品借用等等，超貼心！商場2樓同3樓都設有約5萬呎嘅園藝花園，有一大片戶外大草地，可以盡情帶毛孩喺入面打卡同放電，度過愜意嘅一日。而商場有近7間寵物友善餐廳，部分仲設有室內友善座位，寵主同寵物都可以涼住冷氣用餐，唔使身水身汗啦~注意事項：商場範圍寵物不能落地行走，可於商場2樓顧客服務中心租借寵物車。 >官網睇詳情<地址：沙田大圍車公廟路18號>主人 “PoodleBunbun” 帶您打卡圍方園藝花園<點擊圖片放大 +2 延伸閱讀：>港島區寵物友善商場傳送門<>九龍區寵物友善商場傳送門<? Follow《U Community社群》Instagram 同讚好 Facebook專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。-----------------圖片來源：網上圖片、社群U Creator @積仔記-吃喝玩樂旅遊達人、 @Oppa & Alex Fong、@Bobby Bella、@PoodleBunbun
