➤立即下載U Lifestyle App➤詳情懶人包唔少港人都會趁假期帶埋屋企人或約同好友一同去澳門放鬆心情。不過澳門有咩好玩呢？除咗賭場同打卡大三巴之外，澳門更係海鮮控嘅天堂！今日嚴選8間社群U Creators激推必食澳門海鮮餐廳，從街坊老字號，包括備受本地人好評嘅金黃蟹粥店、濃郁鮮美嘅卜卜蜆火鍋，到高CP值酒店自助餐，大家又準備好被海鮮味道暴擊了嗎？澳門海鮮餐廳推介 | 人氣水蟹粥餐廳澳門特色美食唔好淨係識葡撻，水蟹粥都係其中一個當地美食。因為澳門位於鹹淡水交界，出產嘅水蟹特別鮮甜。而水蟹粥正正就係箤取多種蟹類精華而成！聽落咁吸引，就等一眾社群U Creators為您親自挑選當地「寶藏級」水蟹粥餐廳，想知就一齊睇落去啦！1. 澳門水蟹粥人龍店 —— 誠昌飯店提到澳門水蟹粥，一定要朝聖下呢間位於官也街嘅「誠昌飯店」。創立至今逾65年，「馳名水蟹粥」以肉蟹、膏蟹、水蟹三種新鮮蟹類，每日熬製2-3個小時而成，熬出來嘅水蟹粥十分鮮甜，香濃蟹味配上綿滑粥水，難怪深受街坊及遊客歡迎啦，甚至去澳門就係為咗佢！價錢方面，小碗為MOP$210，大碗MOP$260，都算抵食。建議可以打電話book位，以免去到大排長龍啊！地址：氹仔舊城區官也街28-30號營業時間：12:00 ~ 23:30>等 “nom.kwmtravel” 同您分享更多誠昌飯店食評 <點擊圖片放大 +2 2. 網民大推隱世水蟹粥餐廳 —— 中國名粥當然澳門仲有好多隱世水蟹粥寶藏餐廳，包含呢間隱藏於街市內的「中國名粥」。餐廳位於沙梨頭街市市政綜合大樓，由2位老人家經營。街市翻新後更添一陣文青味，去打卡都一流！而且蟹粥都係超足料，$438就食到3-4人份原鍋砂鍋水蟹粥，巨型花膏蟹配上金黃蟹膏，鮮甜且精華十足。交通都好方便，距離澳門十六浦酒店只需5-10分鐘路程，心動嘅蟹控要去打個靚卡啦~！地址：沙梨頭爹美刁施拿地大馬路沙梨頭街市市政綜合大樓2樓熟食中心營業時間：08:00 ~ 15:00> “Liebekingfoodie” 分享中國名粥食評及預約Tips <點擊圖片放大 +2 澳門海鮮餐廳推薦 | 無敵靚景餐廳難得嚟到澳門，梗係要展開一場貴婦級享受，不如就跟住社群U Creator挑選一間可以飽覽海景同時歎高質海鮮嘅餐廳，同另一半沉浸式享受當刻~3. 英式海鮮下午茶 —— SKY 21想高CP值望海景歎海鮮，下午茶可能係最佳選擇。呢間位於南灣嘅天台餐廳「SKY 21」正正就係歎海景tea嘅不二之選~ 邊品嚐高質英式下午茶，邊坐擁270度澳門兩岸靚景，不敢想像有幾爽！另可加點豪華海鮮拼盤，分別有細份(MOP$530)同大份(MOP$760)，有齊原隻波士頓龍蝦、生蠔、扇貝等7種海鮮，細份都夠2個人食，性價比都算高！地址：南灣商業大馬路251A-301號友邦廣場21樓營業時間：15:00 ~ 17:30>由 “Mizuki San” 分享SKY 21海鮮拼盤有幾正啦！<點擊圖片放大 +4 4. 澳門最高餐廳打卡海鮮盛宴 —— 澳門旅遊塔360°旋轉餐廳想全方位感受澳門市區魅力，一定要去澳門旅遊塔，走進60樓打卡全澳門最高嘅360°旋轉餐廳，高空俯瞰澳門動人夜景，同時品嚐華麗嘅晚餐！無論係葡國菜定係中西美食及生蠔、凍蝦等冰鎮海鮮，全都應有盡有！地址：澳門旅遊塔會展娛樂中心60樓營業時間：11:30 ~ 22:00>按此睇 “Misslittlesita” 打卡360°旋轉餐廳及食評<點擊圖片放大 +3 5. 澳門酒店自助餐天花板 —— 上葡京自助山每一個去澳門嘅自助餐迷都一定會愛上呢間上葡京酒店「自助山」自助餐！憑咩被譽為「澳門自助餐天花板」呢？憑佢各種現場即煮海鮮，龍蝦、蟹任叫任食，師傅即席煮大條龍躉，現場睇大開眼界！而且還設有澳門自助餐唯一戶外燒烤區，可以歎住美食欣賞度假村景色。餐廳門口更設有多個海鮮魚缸，隻隻都超生猛，未開始食已經流晒口水了~~地址：澳門上葡京酒店3樓營業時間：07:00 ~ 10:30, 12:00 ~ 15:00, 18:00 ~ 22:00點擊圖片放大 +4 >由 “Mochaholic” 分享更多自助山環境有幾靚<澳門海鮮餐廳推薦 | 卜卜蜆餐廳近年唔少港人都會專程去澳門食卜卜蜆，甚至成為當地火鍋店常駐招牌。除咗超難訂位嘅人氣餐廳「贏到粥」之外，澳門仲有好多卜卜蜆寶藏餐廳值得大家一試！6. 蟹控必食 —— 蟹皇撈直頭係蟹迷及卜卜蜆粉絲天堂！呢間「蟹皇撈」唔單止有超邪惡「瀑布」蟹黃撈飯，仲可以食到蟹粉卜卜蜆，一次過滿足您2個願望！金黃蟹粉湯配上海量新鮮肥美嘅蜆肉，而且蟹味十足，每一塊蜆肉都可以嚐到蟹香，簡直係味覺享受，聽到都流晒口水呢~~而且只需MOP$238就有大大煲蟹粉卜卜蜆，真心抵食！地址：澳門筷子基白朗古將軍街宏豐大廈 9 號地下 L營業時間：11:00 ~ 15:00, 17:30 ~ 21:30點擊圖片放大 7. 打卡小熊造型火鍋 —— 旺德福火鍋想食到濃郁鮮甜嘅卜卜蜆，同時環境又好打卡？近期熱門嘅「旺德福火鍋」絕對係不二之選。餐廳於氹仔及舊城區都有分店，總有一間方便您。招牌「旺旺黃金多多蜆」一鍋MOP$288，一系列蜆上放有蒜香配料，火鍋中間擺設有一隻小熊造型牛油，當小熊融化之後就變成蒜蓉牛油湯底，gimmick拉滿~食客唔單止可以食到一大鍋豐盛嘅蜆，而且仲係爆蒜，啱晒重口味嘅您！ 地址：澳門聖德倫街402號獲多利大廈地下A鋪及1樓A (澳門半島店 )氹仔巴波沙總督街30C-30G號錦程閣地下E座 (氹仔店)營業時間：11:00~02:00點擊圖片放大 +3 >同 “Vanna Chick” 一齊打卡超萌小熊造型火鍋<8. 晚宵聚餐之選 —— 李家鮮味廚房澳門宵夜首選，李家鮮味廚房一定榜上有名！而且要食就要食最出名嘅「蒜蓉卜卜蜆煲」，蒜味超香加上少量辣椒，價錢只需MOP$115，十分惹味！蒜香濃厚但都唔會搶走蜆嘅鮮味，難怪食客都會回訪，誠意十足啊！點擊圖片放大 地址：澳門連勝馬路53號營業時間：09:00 ~ 04:00— — — — —圖片來源：FB帳戶@誠昌飯店、@李家鮮味廚房、@蟹黃撈、@旺德福火鍋、社群U Creator @Liebekingfoodie、 @Liebekingfoodie 、 @nom.kwmtravel 、 @Mizuki San 、 @Vanna Chick 、@Mochaholic
