➤立即下載U Lifestyle App➤詳情懶人包葵廣貴為「學生美食天堂」，相信大部分香港人學生時期都一定會相約老best，放學/週末一齊去葵廣探店掃街，發掘隱世平民美食！今次一班社群U Creators就為大家親身試食葵涌廣場近年新開業嘅人氣美食小店，令您懷住青春回憶品嚐潮流美食！— — — — —【夏日Cheers】送您「麒麟一番搾・夏旅賞・禮品套裝」！即日起至2025年9月3日，只需要簡單登記，就有機會贏得《社群》送出嘅「麒麟一番搾・夏旅賞・禮品套裝」🍺！套裝包括：麒麟一番搾啤酒 + 麒麟一番搾啤酒杯，陪您打造最涼快嘅夏日時光☀️Chill住過盛夏～ >贏走冰涼夏日驚喜<— — — — —葵涌廣場美食推介2025 | 1. 爆紅足料上海菜 —— 滋味隊長唔知大家入葵廣主要食熟食多定甜品多？呢間主打上海菜嘅「滋味隊長」相信各位荃灣街坊都耳熟能詳。冇錯！佢就係荃灣50年老字號上海菜館「上海美味一品香菜館」主理人去年於葵廣新開設嘅分店！招牌蚵仔特濃擔擔麵味道超濃郁，而且大大碗只需$40，完全係良心價啊~地址:葵芳葵富路7-11號葵涌廣場2樓2019號舖謍業時間：12:00 ~ 22:00>跟住 ”Hungrytreebear” 一齊解鎖滋味隊長菜單 < 點擊圖片放大 +3 葵涌廣場美食推介2025 | 2. Threads人氣手打和牛漢堡 —— 牛執事呢間threads討論度爆高嘅葵涌廣場美食新店大家又有冇去打卡？「牛執事 Wagyu Butler」今年先後喺西九龍中心及葵廣開設分店，同西九店主打嘅和牛丼飯唔同，葵廣店則主打和牛漢堡。採用澳洲草飼和牛，聽落就超juicy！必食和牛漢堡串，迷你size容易入口又唔會太濟，價錢為$38/個；$58/2個，仲有港式沙嗲味、秘製美式醬及柚子味噌醬3味可選，作為輕食十分適合！地址：葵涌廣場3樓303B舖營業時間： 12:00 ~ 22:00點擊圖片放大 +2 > “CK環球尋味之路”同您分享更多牛執事食評 <葵涌廣場美食推介2025 | 3. 米芝蓮廚主理韓式炸雞店 —— 啖啖肉 Damdamyuk葵廣冇理由唔去幫襯呢間由米芝蓮餐廳廚師主理嘅韓式炸雞店「啖啖肉」！雖然近年才開業，但每次經過都係人龍不停，網上討論度都係居高不下！而且餐廳更不時加新menu，食客每次去都充滿新鮮感~必點Threads友推介招牌「酸忌廉洋蔥炸雞」，用啤酒炸漿增添口感，外脆內軟超Juicy，炸雞控必去！地址：葵涌廣場潮流廊二期2樓2008A號舖營業時間： 星期一至五 13:00 ~ 21:30；星期六至日 12:30 ~ 9:00pm點擊圖片放大 葵涌廣場美食推介2025 | 4. 即叫即製西班牙油條 —— Bunny Churros 香港都食到即製西班牙油條！少女心嘅您行過葵廣一定會俾呢間「Bunny Churros」超可愛兔仔logo吸引住，全白磚牆設計嘅風格超打卡able。老闆曾於西班牙學習製作正宗西班牙油條，再融合創意設計菜單。佢特別就在於可以超高CP值同時食到Churros同Gelato，一Set只需$70，仲可以選擇加配料，選擇困難症嘅您可以全都要了~~>睇 “Felix Felix Wong” 分享更多Bunny Churros食評<地址：葵涌廣場2樓2023號舖營業時間：13:00 ~ 21:00點擊圖片放大 +5 葵涌廣場美食推介2025 | 5. 精緻法式牛角可麗餅 —— 1/2 Sweet講完鹹食又點少得甜食？提到葵廣人氣美食，呢間「1/2 Sweet」一定榜上有名。食材新鮮而且即叫即整，而且唔會太甜！（香港人對甜品最高評價）必點法式牛角可麗餅，用牛角包皮為基底配上新解水果及配料，無論賣相定味道都高分。甜品控一定要save低葵廣2樓呢間甜品店啦！>去睇 ”lamfoodie2021” 介紹1/2 Sweet人氣可麗餅<地址：葵涌廣場2樓C97A號舖營業時間：13:00 ~ 22:00點擊圖片放大 +3 葵涌廣場美食推介2025 | 6. 熱門泰式香蕉煎餅 —— 蕉積妹泰式香蕉煎餅近年可稱得上係流量密碼，呢間主打泰式香蕉煎餅嘅「蕉積妹」就係好例子，幾乎次次去葵廣都大排長龍。因為小店不定期都會推出新口味，如全港首創法式焦糖香蕉煎餅、開心果香蕉煎餅等等。而且全部都係新鮮原條香蕉即叫即整，質素保證！除咗香蕉煎餅之外，仲有其它小食及飲料，炸鮮奶、泰式奶茶都得到社群U Creator高分評價，大家去葵廣要朝聖下啦！地址：葵涌廣場1樓1092號舖營業時間：12:00 ~ 21:30> “Pigwest_hkfoodie” 同大家分享更多蕉積妹必點美食<點擊圖片放大 +2 葵涌廣場美食推介2025 | 7. 乳酪雪糕迷必食 —— What’s Yogurt and Drink炎炎夏日一定要食返杯FROYO清涼下！呢間「What’s Yogurt and Drink」主打超大杯新鮮乳酪雪糕，可自選配料或者跟組合點，自由度夠高！開心果控必點「開心果mochi乳酪雪糕」，只需$48就有超大杯濃郁開心果，而且乳酪味道夠清爽，消暑一流！地址：葵涌廣場3樓303C號舖營業時間：12:00 ~ 22:30> 睇 “Janice” 分享What’s Yogurt and Drink食記< 葵涌廣場美食推介2025 | 8. 開心果迷必去 —— 夏茶唔使山長水遠去元朗都可以飲到超邪惡開心果雪沙！講緊就係上年葵廣新開嘅「夏茶」，「開心果關注組」認證濃郁開心果味。必點超人氣芝士開心果雪沙($50)，鹹香芝士味配香濃開心果，再邪惡啲仲可以加奶蓋添~~另外仲有一系列開心果味小食，如開心果雞蛋仔、開心果巴斯克等等，完全係開心果迷天堂啊！！地址：葵涌廣場2樓C78號舖營業時間：12:15 ~ 21:45點擊圖片放大 +2 圖片來源：IG帳戶 @wagyubutlerhk、@damdamyuk、@hachahk、社群U Creator @Hungrytreebear 、 @CK環球尋味之路 、 @Felix Felix Wong 、 @lamfoodie2021 、 @Pigwest_hkfoodie 、@Janice
