➤詳情懶人包--------------------------------放暑假唔想留喺香港？珠海長隆海洋王國絕對係短線遊嘅親子好去處之一！園區集合多個機動遊樂設施、動物表演與海洋展館，必玩世界最大鯨鯊館、北極熊館、超級激流、鸚鵡過山車、白鯨劇場等，每晚仲有海洋幻彩煙花秀，保證大人細路都鍾意。即睇必玩設施及交通方法詳情！珠海長隆海洋王國7大必玩遊樂設施海洋王國必玩設施) 1. 鯨鯊館珠海長隆海洋王國內有目前全球最大嘅海洋館—「鯨鯊館」。館內可以觀賞到世界最巨型魚類「鯨鯊」及鯨鯊、魔鬼魚、海龜等超過2萬隻珍稀魚類。想體驗海底壯闊視野，就一定要去館內嘅巨型海底隧道打卡，藍色巨型魚缸非常夢幻~>即睇 “Samantha” 鯨鯊館打卡攻略<點擊圖片放大 +5 海洋王國必玩) 2. 企鵝館&北極熊館想小朋友有機會同極地動物近距離接觸，就要帶佢咃去海洋王國「企鵝館」，探訪皇帝企鵝與阿德利企鵝，睇住佢哋齊齊跳水好可愛！仲可以去埋「北極熊館」，近距離欣賞北極熊嘅泳姿！點擊圖片放大 +3 海洋王國必玩設施) 3. 超級激流夏天嚟到珠海長隆海洋王國，必玩濕身「 超級激流」！乘坐激流船穿越海象山嘅奇幻場景，再從高處迅速衝落水面，一瞬間水花四濺，為您帶嚟涼爽兼心跳加速嘅感覺！ 海洋王國必玩設施) 4. 鸚鵡過山車一家人齊齊搭上「鸚鵡過山車」，化身鸚鵡穿越雨林、湖泊同山谷，短短幾分鐘內為您帶嚟最刺激嘅極速離心感同飛翔感，玩落好有驚喜，親子一齊挑戰膽量！ 海洋王國必玩設施) 5. 冰山過山車「冰山過山車」結合過山車同激流漂流元素，玩落就好似入咗冰川秘境一樣，穿越雪地同北極熊村，仲有親親可愛棕熊，之後高速俯衝滑落水中，盡情濕身！> “Lin” 實測心驚膽顫過山車！< 海洋王國必玩設施) 6. 白鯨劇場玩到攰不妨去珠海長隆海洋王國內嘅「白鯨劇場」，近距離睇可愛白鯨同訓練員互動，佢哋會做出跳躍和360度旋轉等高難度動作，小朋友實睇到拍爛手掌！> “Deardaphne”推介更多海洋王國必睇表演< 海洋王國必玩) 7. 海洋幻彩煙花秀「海洋幻彩煙花秀」每晚8點準時登場，絢麗煙花配合精彩水上飛人同無人機燈光表演，呈現出夢幻海底世界。音樂配合煙火節奏，氣氛超級震撼又溫馨，為暑假親子活動完美作結！記得早啲去「鯨鯊館」湖對面嘅欄杆位置霸位，咁就可以無阻擋影靚相啦！點擊圖片放大 -------------------------------------------社群U Creator真實分享 珠海長隆海洋王國實戰攻略1. 表演場次每日晚上會更新，大家可以先下載「長隆度假區」app查看表演時間及當天遊樂設施排隊情況2. 園區地圖上有齊各個設施的小朋友身高限制及餐廳資訊，建議大家入園必攞> 即睇“IambbChu Sky” 分享更多私藏攻略<-------------------------------------------珠海長隆海洋王國交通方法 (香港出發)1. 環島中港通巴士 -設尖沙咀圓方商場(8:40出發) 同太子上海街(9:00出發) 2個上車點-直通巴士經港珠澳大橋，直達長隆企鵝酒店或飛船酒店-車程約2.5至3小時2. 港珠澳大橋口岸穿梭巴士 + 的士-先坐機場快線巴士到港珠澳大橋香港口岸-過關後轉乘珠海金巴（穿梭巴士）到珠海橫琴口岸-車程約1.5至2小時-------------------------------------------圖片來源：社群U Creator Lin、Koeyyochan16、Samantha、Deardaphne、IambbChu Sky
