踏入春季，又係去日本賞櫻嘅好時節！今年櫻花花期為3月下旬至4月尾，其中東京櫻花最早於3月25開花。日本賞櫻景點當中，以下呢10個絕對係人生必訪，即睇各景點嘅開花預測、攝影重點等，一齊展開賞櫻之旅~----立即追蹤「日本之行」主題，睇更多旅遊達人嘅賞櫻分享！----1. 東京 - 上野公園上野公園係東京最高人氣嘅賞櫻地點之一，上千棵櫻花樹形成粉色花海真係超浪漫。入夜後仲會有燈籠照亮盛開嘅櫻花，可以欣賞到夜櫻唯美景象~預測開花期：3月25 2. 東京 - 新宿御苑想好似日劇主角咁試吓喺櫻花樹下野餐？咁您就一定要去新宿御苑喇！呢度種植咗大約68個不同品種嘅櫻花，從3月至4月底輪番綻放，點影都咁靚！預測開花期：3月25 3. 東京 - 千鳥之淵以其700米長嘅櫻花大道而聞名。您仲可以喺護城河中體驗親自划船，於水上享受櫻花美景，啱晒情侶去拍拖~預測開花期：3月25點擊圖片放大 4. 福岡 - 大濠公園大濠公園櫻花每年都吸引唔少遊客特地到訪賞櫻，以其大型湖畔及優美園景而聞名，櫻季期間仲可以乘搭天鵝船，觀賞湖岸邊盛開嘅櫻花。預測開花期：3月27 5. 大阪 - 大阪城公園獲選為「日本賞櫻名所百選」」之一，大家一定去園內著名觀賞點「西之丸庭園」，拍攝結合天守閣與櫻花為一體嘅壯觀畫面！預測開花期：3月28點擊圖片放大 6. 大阪 - 造幣局櫻花隧道大阪造幣局博物館每年4月都會對外開放一星期，等大家可以齊齊欣賞夢幻嘅「櫻花隧道」，想去嘅記得要先喺網上預約呀！預測開花期：3月28 7. 奈良 - 奈良公園呢度有可愛鹿仔陪您賞櫻，有機會仲可以同鹿仔一齊喺櫻花樹下合照，親親大自然~預測開花期：3月28 8. 京都 - 嵐山近1500棵櫻花樹環繞嵐山「渡月橋」盛開，大家仲可以選擇乘搭嵯峨野觀光小火車，欣賞全長 7.3 公里嘅櫻花隧道！預測開花期：3月30 9. 青森縣 - 弘前公園人生必定要去一次嘅「百大賞櫻名所」」之一！種植超過2600株櫻花樹，嚟到必定要打卡過百年歷史嘅天守閣與櫻花互相映襯嘅絕景！預測開花期：4月21 10. 北海道 - 五稜郭公園函館五稜郭公園以其獨特星形設計而聞名，每逢櫻花季，成個星形堡壘都會染上一片粉紅，到附近嘅展望台就可以打卡到一顆巨型粉色星星！預測開花期：4月25 賞櫻小貼士->櫻花開花期隨天氣變化而變動，出發前記得睇定天氣預報同開花預測->最佳拍攝時間：通常清晨或傍晚時分嘅光線最自然、柔和，拍攝效果更好圖片來源：官方網站--------------------------加入「社群創作有價企劃」 輕鬆將創作變現出post仲可以賺真錢！U Lifestyle App《社群》現金賞活動「社群創作有價企劃2025」正式展開！發佈帖文即可用瀏覽量賺取真實收入，越多人睇您嘅帖文，您就賺得越多，隨時隨地賺取被動收入去旅行！ 立即免費登記參加：https://bit.ly/4bivD0Y
