新年氣氛逐漸變得濃厚！今個新春，全港都有多個商場設有大型主題裝置等您打卡，仲有商場市集、攤位遊戲、派免費利是封等精彩活動，一家大細趁新年假期去玩就最啱！仲有超可愛韓國Wiggle Wiggle、PIXAR熱門角色等住同大家拜年，Fans們一定要睇落去喇~~►詳情懶人包►立即下載U Lifestyle App---------1.荃灣廣場「PIXAR 幸運達『MORE』春日祭」日期：即日至2月16日PIXAR勞蘇、三眼仔、火腿、毛毛、大眼仔同阿Boo等人氣角色已經化身成3米高嘅幸運達摩登陸荃灣廣場，同大家拜早年！商場仲設有巨形PIXAR夾公仔機，另外更可以換領「PIXAR達摩幸運利是封•座枱揮春」，造型可愛而且可以一物兩用，極具收藏價值~點擊圖片放大 +4 2.荃新天地 X 荔園 - 經典攤位遊戲及新春市集日期：即日至2月16日荃新天地今個新春以懷舊樂園「荔園」做主題，於商場內重現多個經典遊戲攤位，大家有得玩之餘仲有得嬴取豐富獎賞，現場仲有20+檔檔口售賣各式賀年產品，勁有新年氣氛呀！點擊圖片放大 3.MOSTown 新港城中心x LEGO®春日開運花園日期：即日至2月16日MOSTown 新港城中心今年用上多達680,000粒LEGO®積木砌出6,888支花朵，打造全港最大型LEGO®花海，寓意新一年「發發發」，畫面非常壯觀兼喜慶！一家人到訪必玩5大遊戲區，利用LEGO®進行比賽、設計新年擺件等，完成遊戲更有機會獲得LEGO®福蛇擺設~點擊圖片放大 4.新都會廣場熊貓「蘋」安慶新年日期：即日至2月28日最近可愛嘅熊貓深受大家歡迎，依家喺新都會廣場都可以揾到佢哋嘅蹤影喇~海洋公園嘅大熊貓「安安」、「可可」、「盈盈」同「樂樂」化物大型新年大卡裝置同大家近距離見面。商場更特地與海洋公園聯乘推出大熊貓期間限定店，有多款限定版熊貓產品等大家帶返屋企，喜氣洋洋！點擊圖片放大 5.Festival Walk x wiggle wiggle Joyous Flower World日期：即日至2月9日韓國人氣生活潮牌wiggle wiggle登港，於又一城設打卡位及期間限定店！必打卡點包括100%還原韓國旗艦店嘅「倒轉房」、3米高招牌熊仔、花花房等，色彩繽紛令人心情大好~限定店提供多款直送商品，例如電話繩、睡衣套裝等，想獲得韓星同款精品嘅就唔好錯過喇~點擊圖片放大 +3 6.朗豪坊《魚樂漣年》金魚藝術體驗館日期：即日至2月16日朗豪坊邀請本地版畫藝術家兼紋身師李寧首次跨界合作，以旺角「金魚街」為靈感，打造全港首個金魚藝術體驗館！現在設有多層立體壁畫，效果超夢幻好值得打卡~記得去埋魚眼人生四格照相機影相留念呀！點擊圖片放大 7.時代廣場《幸運棋緣》迎新春日期：即日至2月16日銅鑼灣時代廣場今年特地同日本知名插畫大師合作，將時代廣場露天廣場化身色彩繽紛嘅巨型棋盤，以夢幻方式呈現巨型金元寶、風車、祈願樹等迎春接福！點擊圖片放大 +4 8.The ONE x SHO-CHAN 幸運新年「燦」住你日期：即日至2月16日燦子Fans注意！表情趣怪又有充滿活力嘅日本人氣角色「SHO-CHAN 燦子」嚟咗尖沙咀The ONE呀！仲有「吉星齊『燦』選物店」推出各種獨家限定周邊同主題商品，今個新年就等燦子「 燦」住你啦~ 9.MOKO x Cheeky Cheeky厚面的愛抱抱節日期：即日至2月23日MOKO新世紀廣場聯同本地人氣插畫家Cheeky Cheeky厚面子，帶來以著名地標花墟、金魚街等為主題嘅打卡裝置，為大家送上節日祝賀，用愛的抱抱祝大家新年行大運！點擊圖片放大 +2 10.太古城中心x可口可樂®《LIVE HAPPY 快樂Cheers!》日期：即日至2月16日太古城中心以可口可樂®為主題打造玩咪十足嘅復古餐廳，紅色嘅佈置令人感受到滿滿嘅新年氣氛！現場設有6大打卡及互動區域，包括以可口可樂®汽水膠箱及經典汽水玻璃樽拼砌成嘅打卡牆、製造個人相片揮春等~點擊圖片放大 +2 圖片來源：官方新聞稿、官方網頁---------【社群送禮】送人氣朱古力品牌禮券100張！《社群》大派人氣朱古力品牌禮券100張！幫您準備埋新年禮盒，寓意成年都Keep住開開心心，幸福一整年！而家簡單登記，即有機會帶走禮券，立即參加！ 立即參加：https://bit.ly/4h046Ug---------【食在社群】請您食五星級酒店下午茶！新一年，繼續大飽口福！今次《社群》請您去五星級酒店嘆維港海景下午茶，有機會贏走五星級酒店雙人下午茶禮券。立即叫埋朋友參加啦！ 立即參加：https://bit.ly/4g5nM7Q
