呢排天氣越來越凍，相信大家嘅火鍋癮都開始發作！同樣身為邊爐控嘅小編今次就為大家搜羅咗網民推介嘅8間香港火鍋店，間間都用料新鮮，有間仲有得即撈任食活海鮮超抵食，即刻碌落去睇詳情，約埋班friend一齊圍爐啦~-------►詳情懶人包►立即下載U Lifestyle App-------1. 尖沙咀-養生無花果雞湯鍋呢間新開嘅火鍋店主打比較少見嘅特色無花果雞湯鍋，湯底清甜夠滋補，啱晒秋冬食暖暖胃。肉類方面特別推介吊龍牛肉，牛味夠濃勁好食，招牌脆皮雞好彈呀~所有配料都好新鮮，值得一試！►地址點擊圖片放大 +3 2. 尖沙咀-火焰椰子雞煲想食好嘢之餘又有得打卡？呢個火焰椰子雞煲夠晒氣勢，而且用料十足，打邊爐嘅同時仲可以飲返碗椰子雞湯。呢度都有唔少招牌手工配料，例如手打黑松露墨魚丸、招牌韭菜餃、花雕醉滑牛、自家製響鈴等，味道都唔錯㗎~►餐廳詳情點擊圖片放大 +2 3. 尖沙咀-懷舊風雞煲火鍋店呢間人氣雞煲餐廳佈置好有特色，內有多個復古打卡位，令人有瞬間回到70年代舊香港嘅感覺。佢哋用秘製醬料煮出嚟嘅雞煲非常惹味，雞件鮮嫩，食完雞煲仲可以落火鍋配料繼續食，一於約班朋友嚟「烚下烚下」兼吹水！►更多網民食評點擊圖片放大 +2 4. 中環-京式涮羊肉原來香港都有得食京式涮羊肉，而且仲有免費京劇表演睇！店家會為每人提供一個小熱鍋，同朋友分別揀湯底都ok。羊肉控一定要試試呢度主打嘅多款羊肉片，「錫盟草飼180天羔羊肉」份量超多有成一米咁長！充滿地道風味嘅「老北京糖油餅」都係必試之選。►網民大推呢幾樣菜式！點擊圖片放大 +2 5. 銅鑼灣-台灣人氣過江龍火鍋生日壽星必去！因為餐廳會為當月生日嘅壽星送上一個超打卡嘅「生日肉蛋糕」，帶朋友嚟畀個驚喜佢都唔錯~點「爆炒系列湯底」會有專人係您面前炒香材料再放高湯，邊炒邊聞到香味勁滿足，落埋火鍋配料真係入味到醬汁都唔洗點！►地址點擊圖片放大 +2 6. 天后-懷舊港式邊爐想搵地道港式風味嘅朋友就一定要嚟呢間試試！「枝竹豆腐魚頭湯」香濃鮮味，用嚟淥其他配料都特別好食~「牛魔王拼盤」都好抵食，一份已經有齊本地手切肥牛､封門柳､牛頸脊等多款牛部位，海鮮類例如鮑魚、扇貝等都好新鮮又大件，包您飽到捧住個肚走！►餐廳地址點擊圖片放大 +3 7.荃灣-抵食海鮮火鍋放題呢間新開嘅火鍋店最大賣點就係有現撈海鮮區，而且選擇超豐富，鮑魚、大頭蝦、蜆、蟹等都係任食，連埋其他火鍋配料、熟食、甜品等全部都係任食，絕對值回票價呀！►網民真實食評點擊圖片放大 +3 8. 元朗-儀式感宮廷風火鍋大西北居民一樣有好選擇！打邊爐最緊要係有儀式感，呢間火鍋店走宮廷風，每道菜賣相都好精緻有氣派。佢哋嘅火鍋配料選擇都好豐富，招牌花膠雞湯底真心好味又養顏，大推畀各位女士！►地址點擊圖片放大 +2 圖片來源：社群用戶eatistruelove.hk、Superlover920、followmetoeatandplay、Applechong、lamfoodie2021、Felix Felix Wong、Cyril、EatToBeJOY-----------------------------------------------【U Lifestyle聖誕City Date 2024 | 投入浪漫聖誕月！】聖誕驚喜不斷！U Lifestyle《社群》為大家準備咗一連串精彩送禮及倒數活動，由2024年12月至2025年1月，每日都會有唔同驚喜等您揭曉，包括送出打卡必備菲林相機丶現金券丶嘉年華門票連代幣丶美髮器及蛋糕等豐富禮物，更特設加碼U Fun任務同聖誕活動攻略大放送。只要鎖定U Lifestyle App，日日都有精彩活動陪您迎接浪漫聖誕！►即睇每日聖誕送禮倒數活動
