►詳情懶人包►立即下載U Lifestyle App--------聖誕大餐2024│聖誕節活動點少得同摯愛一齊去食聖誕大餐！小編今次為您精選咗12間有情調食物又高質嘅餐廳，無論您想食聖誕自助餐、米芝蓮餐廳、自助早午餐定omakase都有選擇。建議大家盡早訂座，咁就可以歡度佳節啦~1.東涌世茂喜來登酒店-嶼坊今年嶼坊推出以松露為主題嘅聖誕自助餐並於午、晚餐時段供應，有松露牛油扇貝、現煮芝士蟹肉意大利麵等多款國際佳餚、海鮮，仲有多款節日限定甜品。 2.皇家太平洋酒店-堤岸酒吧堤岸酒吧及餐廳坐擁維港景緻，更特設室外坐位氣氛十足！聖誕期間將會有半自助午餐及晚餐，節日美食包括香烤頂級西冷扒、鴨肝凍批配多士、燒法式羊架、牛油麵包布甸、黑森林蛋糕等，12月12日前預訂更可享85折優惠~ 3.The Optimist餐廳今年聖誕推出西班牙風味半自助早午餐，可以任食生蠔、各種西班牙Tapas小食、前菜冷盤，主菜方面有牛扒、海鮮拼盤、聖誕烤雞等多個選擇，非常豐富！ 4.Jimmy's Kitchen呢間中環老字號西餐廳裝潢高雅，好啱情侶去慶祝！佢哋更推出全新聖誕菜單，12月24至26日都開放預約。特式節日佳餚有濃郁鵝肝凍、威靈頓牛柳、香烤火雞胸肉、百果餡餅等，想必能為你嘅假日期留下難忘回憶~ 5.香港麗晶酒店-Nobu香港麗晶酒店「Nobu」主打秘魯X日本fusion菜。平安夜同聖誕節期間，餐廳更特設7道菜廚師發辦晚餐，加上無際海港夜景，簡直係視覺同味覺嘅雙重享受！ 6.置地文華東方酒店-SOMM置地文華東方酒店「SOMM」推出節慶暢飲早午餐體驗，全新菜式包括「法式牛柳鴨肝皇冠批配黑松露汁」、「香煎鴨肝配榅桲、檸檬及黃酒雞汁」等，仲有 90 分鐘畀您無限暢飲香檳、清酒、雞尾酒，將節日氣氛完美昇華！ 7.置地文華東方酒店-Amber同樣位於置地文華東方酒店內嘅「Amber」連續16年獲得米芝蓮二星，一位難求，大家想去就要早啲預約喇~節慶餐單選用多款冬日時令食材及海鮮，賣相精緻之餘味道同樣令人驚豔！ 8.Magistracy Dining Room餐廳位於大館內，裝潢盡顯英倫風氣派，令您仿如置身倫敦慶祝聖誕一樣！餐廳推出「聖誕英倫午間雅聚」套餐，提供多道經典英國菜式，例如慢煮牛肋排、煙燻三文魚等，絕對係一頓令您滿足嘅聖誕盛宴~ 9.馬哥孛羅香港酒店-Cucina馬哥孛羅香港酒店「Cucina」一向都係慶祝勝地，喺維港景緻下享用聖誕大餐夠晒情調~餐廳意籍總廚特別打造聖誕意式盛宴，有紅蝦韃靼伴牛油果、烤北海道帶子、可愛「小雪人」甜點等。 10.四季酒店-ARGO四季酒店「ARGO」推出聖誕自助早午餐，特別推出一系列應節美饌，例如烤肉、海鮮、自製甜品等，餐廳環境亦非常igable！ 11.Vista餐廳擁有落地大玻璃，可以180度欣賞到維港海景，夠晒情調~ 佢哋嘅招牌菜式手撕豬肉意大利包、龍蝦青檸意大利扁麵同Tiramisu都好唔錯㗎！ 12.ALTOALTO主打西式美食，天花多個金色波波燈突顥氣派，環境極靚仲望到海景，食物又有水準，唔少人都會特登嚟食飯慶祝㗎！ 圖片來源：官網--------【U Lifestyle聖誕City Date 2024 | 投入浪漫聖誕月！】聖誕驚喜不斷！U Lifestyle《社群》為大家準備咗一連串精彩送禮及倒數活動，由2024年12月至2025年1月，每日都會有唔同驚喜等您揭曉，包括送出打卡必備菲林相機丶現金券丶嘉年華門票連代幣丶美髮器及蛋糕等豐富禮物，更特設加碼U Fun任務同聖誕活動攻略大放送。只要鎖定U Lifestyle App，日日都有精彩活動陪您迎接浪漫聖誕！ ►即睇每日聖誕送禮倒數活動
