►詳情懶人包►立即下載U Lifestyle App--------又準備到聖誕節喇！大家諗好今年聖誕旅行去邊未？想感受濃厚嘅聖誕氣氛，歐洲聖誕一定係必去之選。想短途飛亞洲，日本同韓國一樣有非常值得去打卡嘅聖誕燈飾同聖誕主題樂園。即睇小編為您推介世上最浪漫嘅10大聖誕旅遊地點2024，有度靚到連《Emily in Paris》都有去取景，絕對係人生必去一次！--------1. 法國 - 史特拉斯堡(Strasbourg)2024年11月27日至12月30日法國史特拉斯堡聖誕市集由1570年起舉辦至今，可以話係法國歷史最悠久同最大型嘅聖誕市集。史特拉斯堡被多幢歷史建築包圍，加上耀眼嘅聖誕燈飾同充滿當地特色嘅攤檔，感覺就好似走咗入中古世紀嘅聖誕市集一樣咁有氣氛！ 2. 法國 - 梅傑夫(Megève) 有睇《Emily in Paris 4》嘅大家有無留意到主角們聖誕節去咗一個非常夢幻嘅純白小鎮？原來嗰度就係法國梅傑夫！梅傑夫係一個位於阿爾卑斯山脈嘅小鎮，更加係法國最受歡迎嘅滑雪勝地之一，每年都有唔少當地人同旅客去渡假~ 3.芬蘭 - 羅瓦涅米(Vaniemi)芬蘭羅瓦涅米可能係世上最有聖誕氣氛嘅地方！嗰度有一條聖誕老人村，內面有聖誕老人辦公室、騎馴鹿活動、雪上摩托車等各種雪地體驗，仲有等寫信畀聖誕老人等佢回信！點擊圖片放大 4.德國 - 法蘭克福(Frankfurt)2024年11月25日至12月22日德國法蘭克福聖誕市集位於羅馬廣場，中庭有一座兩層高嘅旋轉木馬，真係好夢幻！市集內有多個攤位售賣各種紀念品、特色美食例如熱紅酒、德國香腸等，大家一定要去試試！ 5.奧地利 - 維也納(Vienna)2024年11月08日至12月26日維也納充滿住歷史同藝術氣息，每逢聖誕節更會變得格外浪漫。維也納聖誕市集位於市政廳前，市集附近仲有聖史蒂芬大教堂、溜冰場等景點值得到訪，您仲可以將飲熱紅酒嘅馬克杯帶走，而且每個攤位嘅馬克杯都有不同設計，非常有紀念價值~ 6.捷克 - 布拉格(Prague)2024年11月30日至2025年1月6日布拉格聖誕市集曾被CNN 評為歐洲最美聖誕市集！哥德式教堂、中世紀建築再加上聖誕音樂，整個城市變得有如童話世界一樣浪漫~ 7.日本 - 六本木 2024年11月14日至12月25日東京六本木嘅櫸樹坂大道係每年最受歡迎嘅聖誕燈飾地點之一，足足有成80萬顆聖誕燈飾包圍整條街道，藍白色嘅燈光配上東京鐵塔，畫面美得令人讚嘆！ 8.日本-長崎 2024年11月8日至2025年1月6日長崎「豪斯登堡」樂園今年將歐洲聖誕節為主題，舉辦冬日花火、燈光表演、聖誕市集等多項特別活動，近近地飛日本都一樣有氣氛！ 9.日本 - 札幌2024年11月22日～2025年12月25日聖誕一定要去白茫茫嘅北海道！札幌每年聖誕都會舉辦「白色燈樹節」，以閃爍燈飾、巨大發光雪花等點亮大通公園同附近街道，打卡一流！ 10.首爾 - 樂天世界 首爾著名室內遊樂場「樂天世界」內有多個園區同機動遊戲，適合一家大細一同前往。聖誕期間仲會有巡遊表演、3D數字光雕秀、音樂表演等~ -------------------【U Lifestyle聖誕City Date 2024 | 投入浪漫聖誕月！】聖誕驚喜不斷！U Lifestyle《社群》為大家準備咗一連串精彩送禮及倒數活動，由2024年12月至2025年1月，每日都會有唔同驚喜等您揭曉，包括送出打卡必備菲林相機丶現金券丶嘉年華門票連代幣丶美髮器及蛋糕等豐富禮物，更特設加碼U Fun任務同聖誕活動攻略大放送。只要鎖定U Lifestyle App，日日都有精彩活動陪您迎接浪漫聖誕！►即睇每日聖誕送禮倒數活動
