今次買咗好多漫畫，有之前一直有睇開嘅恋せよまやかし天使ども 同埋 踏んだり、蹴ったり、愛したり，因為一直未有時間去日本所以就決定網購買返佢啲續集。然後不過今次最主要想分享嘅都係葬送的芙莉蓮第七本嘅特裝版。原本一路睇芙莉蓮都係睇動畫，冇睇開佢嘅漫畫，但係之前有人網上分享呢本漫畫嘅特裝版係有一副好靚嘅啤牌，比佢吸引到所以就買咗。今次都係搵咗Letao 日本代購幫手買，過程都好方便順利，可以直接送貨上門，慳返出門口攞貨嘅時間。講返本漫畫先，呢個係我第一次買小學館出嘅漫畫，本來都淨係諗住為咗副啤牌而買，但係本漫畫比我想像中靚好多，佢個書腰係連埋封面幅圖，真係設計得好精美，同埋嗰幅主視圖都畫得好靚，可能下次會買埋其他集嘅漫畫，儲返成套。講返今次嘅主角啤牌先，副啤牌真係好靚好靚，佢連個盒都整埋啲古舊嘅設計，入面嘅啤牌每張都有漫畫入面嘅節錄，而啤牌入面嘅A J Q K Joker 呢幾張牌全部都係用返好靚嘅主視角圖去整，真係好有收藏價值，當中我最鍾意一定係欣梅爾同芙莉蓮喺花海上面嗰張，張張圖真係我成套戲入面最鍾意。同埋副啤牌都有好多細節，唔係淨係外盒，佢連每張啤牌嘅背面都整埋啲復古嘅效果，對應返套動畫，咁多細節加埋同埋啲圖咁靚，真係唔捨得用嚟玩啤牌，可能都淨係會用嚟收藏。推薦碼：keCxow1g7C點擊圖片放大 +5
