今次又係買書，搵咗funbid幫手代購新海誠嘅其中一套電影天氣之子嘅公式設定集。同上次分享唔同嘅係，今次天氣之子呢套電影係新海誠咁多套電影入面對我嚟講意義係最深刻嘅，同埋亦都係我最鍾意嘅電影，所以今次買到本公式集就真係超開心，好想同大家分享。今次都係搵咗funbid代購，成個代購過程都冇乜問題，好流暢，今次都係揀咗荔枝角自取站自取，因為真係好近地鐵站出口所以好方便，唔使好似之前咁行咁遠，亦都順利攞到份件。講返本書先，天氣之子嘅公式集同之前新海誠出嘅其他電影嘅公式集嘅格式都好似，望落去一睇就知係同一個系列，封面用咗電影海報常用嘅主視覺圖，真係好精美，同埋佢嘅書本橫幅都好靚，同封面係連住，所以我都會收藏理個橫幅。書入面同上次介紹嗰本鈴芽之旅公式集嘅格式都大致一樣，而唔同嘅位主要係入面嘅內容、訪談、分鏡細節等。內容方面係真係好豪華豐富，一開頭嘅分鏡圖同劇情細節真係好仔細，本書將所有電影入面嘅重點內容都包含咗，仲摘錄咗書入面嘅一啲名場面同語錄，睇睇下真係好似返咗套戲入面，置身喺嗰個場景中，好有感動。我最鍾意應該都係陽菜同忛高喺天空再會嗰個場景，而呢本書就將成個畫面重現咗出嚟，令我可以隨時重溫，唔洗特登開套戲出嚟睇。 推薦碼：keCxow1g7C點擊圖片放大 +8
