今次開箱嘅都係《堀與宮村》嘅週邊,冇辦法真係太鍾意呢套動漫了。今次買咗《堀與宮村》g fantasy 月刊 26周年嘅色紙,一向呢款色紙都係需要喺日本嗰度抽籤抽中先有,所以好珍貴,再加上佢已經好多年前,絕咗版,所以啲人都放得唔平。其實好耐之前一直喺度搵其他週邊嘅時候都有見過呢款色紙,但係真係俾佢嘅價錢嚇到,所以冇買到。但係今次真係忍唔住買咗。今次都係搵Funbid 幫手喺mercari代購,佢而家更新咗個系統好快就可以即刻自動落單,方便好多。今次都係揀咗荔枝角自取站自取,順路得嚟又慳返唔少運費。張色紙比預期中大張好多,因為之前買開嗰啲都係細過A5,雖然知會大小小但係都冇諗過會咁大張,仲闊過一張A4紙。雖然佢好大張,相信運送過程都會有啲麻煩,但係佢包裝得好好,成張色紙都用紙皮覆蓋住,包得好實,完全冇穿冇爛,始終都係喺人哋嗰度收返嚟,本來仲以為隻角可能會崩咗少少或者花咗咁樣,但係完全係完好無缺,呢個真係有啲驚喜。講返張紙先啦,佢比想像中大之餘都印刷得好靚,大得來啲圖完全冇朦,成張畫係清晰嘅,而且右下角都有埋原作老師嘅簽名,遠啲睇真係冇人會覺得係複製色紙。而呢幅畫入面嘅宮村同堀真係畫得好靚,係原作嘅漫畫入面冇嘅畫面,係老師畫咁多幅色紙嘅圖入面我覺得最靚嘅,畫得真係好甜。之後應該會包好佢再擺入相架裝飾。推薦碼:keCxow1g7C點擊圖片放大 +5