近排《我推的孩子》呢套動漫好受歡迎，題材好特別，係講關於偶像嘅故事，而我都好鍾意，尤其係主角愛，真係超靚女，亦都非常有才華，個角色造型都好靚，而呢套動漫啲歌都好好聽， 除咗op同ed之外，佢啲插曲都好用心整，全部都好好聽，我最鍾意尢其係黃鋒女唱嘅ed，主唱把聲嘅變化真係好大，啲歌詞同套動漫嘅內容都好貼切，所以就忍唔住買咗佢ed黃蜂女隻碟，同埋順便買咗《我推的孩子》封面嘅日本newtype雜誌。今次都係揾咗funbid幫手代購，都係揀咗荔枝角自取站攞野，慳返運費，亦都好方便。隻碟嘅設計比想像中真係靚好多，真係超級靚，有啲爆炸嘅效果係碟面， 碟嘅封套都有《我推的孩子》特別嘅插畫， 除咗聽，視覺效果都唔錯，仲可以攞嚟收藏，本來諗住買特典版，但係因為諗咗好耐買邊間，搞到最後全部都賣曬，最後淨係得返普通版。呢次係我第一次買日本newtype雜誌，因為有《我推的孩子》嘅封面，封面靚就唔洗講啦，雜誌入面嘅內容都比我想像中多好多，有勁多關於唔同動漫嘅資料，仲有好多好靚嘅插圖，雖然全部內容都係日文，但係都係好值得收藏。推薦碼: keCxow1g7C點擊圖片放大 +3
