近排睇咗《戀上換裝娃娃》呢套動漫，真係超鍾意， 好少動漫會以cosplay做主題，所以真係好特別，動畫入面啲服裝都真係整得好靚，全部都係男主自己親手縫製，同埋女主海夢真係超靚女，自己都好鍾意海夢，完全比呢套動漫吸引咗，所以睇完之後就成日去日本網搵佢啲週邊，之後俾我見到呢個blu ray嘅特典，特別繪製嘅b3掛畫。由於呢個blu-ray係一年前開始賣，所以特典都已經停止曬，買blu-ray都唔會再送，想要都要另外再收，可能因為絕咗版所以啲人放得都唔平，不過最後都係忍唔住買咗XD講返今次代購先，今次都係搵咗Funbid幫手代購，成個代購過程都好順利，好快收到，幅掛畫都包裝得好好，冇穿冇爛。今次都係揀咗自取服，慳番運費。 收到幅掛畫之後真係好開心，因為第一次買掛話呢類週邊，冇諗過幅圖放到B3咁大都可以咁清晰，完全冇矇，海夢幅畫比我想像中畫得更靚，成件校服細節都畫得好好，海夢啲gel 甲同埋眼影等等嘅細節都畫曬出嚟，完全還完番動漫入面嗰個樣，呢幅畫仲要係特別繪製嘅 ，海灘嘅場景都好好，真係畫得好靚，掛畫上面同下面都有兩條膠管，上面嗰條可以穿住條繩，下面嗰個就應該係用嚟聚住幅畫，都幾易展示，不過因為唔想整污糟同埋發毛，所以應該都唔會展示出嚟，淨係收藏，間唔使拎出嚟睇下咁推薦碼:keCxow1g7C點擊圖片放大 +4
