繼買完《四月是你的謊言》咁多周邊之後, 我終於買咗第一隻《四月是你的謊言》嘅figure,呢隻係aniplex出嘅宮園薰1/8 pvc figure,2015年出嘅, 嗰陣時賣大約港幣七百幾,但宜家已經絕咗版,炒到好貴,見到啲人放大約$2400 ,雖然好貴但係因為真係好想要所以最後都係買咗。 呢隻figure一個收藏版box set,入面包含一隻figure,宮園薰畀公生嘅信, 宮園薰色紙,同埋宮園薰同公生嘅合照。 今次都係搵咗Funbid幫手代購,成個購買流程都好順暢,不過因為今次係喺bid 網買,所以麻煩少少,原本諗住$1800買到,最後都bid到$2400 先得。 今次都係用咗自取形式攞貨,本來以為件貨冇問題,擺咗喺屋企成個月後先得閒開,唔知發現原來賣家係開過嘅( 佢原本寫到明話係未開封),都有即刻同Funbid 反映返,佢哋都有幫我同返賣家講,但係賣家就話隔咗咁耐唔可以確定到邊個開封所以唔肯退貨😂 都好多謝Funbid 肯幫我處理返件事, 今次都係當係買個教訓,下次小心啲啦。 隻Figure冇乜大問題,只係明顯擺設過 ,有啲塵,同埋少少污糟,重新抹過都ok嘅,其他嘢色紙、信、合照都冇乜大問題,整體感覺都ok,大家買嘢都要小心啲啦🤣 推薦碼:keCxow1g7C點擊圖片放大 +6