點擊圖片放大 +5 由於實在太鍾意《四月是你的謊言》呢套動漫，所以睇完之後成日買佢啲週邊😂 今次就買咗四月是你的謊言嘅blu-ray碟！ 呢一set係一直都好想要嘅碟，但係佢出咗好多年，有幾集已經冇得買， 同埋價錢都比較貴，所以都考慮咗好耐， 好彩喺Mercari 搵到有人放幾乎全新嘅成set 連埋所有特典，佢淨係開過第一集嗰盒，其他集數係完全未開封，仲要有齊曬啲特典，價錢亦都比原價平好多(原價真係好貴！)， 所以我就買咗。 今次都係搵Funbid幫手代購，成個買嘅流程都好順暢，不過冇估到啲嘢咁重，足足5kg🤣(本來以為大約2kg)， 因為啲野重，船運比空運平啲，所以今次冇揀自取，揀咗船運直接寄到屋企，呢個要等好耐先到(大約一個月)，但係好方便唔使自己出去攞，所以都幾好用。 講番啲Blu-ray 碟，真係超級超級靚！佢每一盒都有唔同嘅集數，前嗰幾盒仲送埋幾張動漫入面宮園薫貼係小提琴盒上面嘅貼紙！每盒嘅盒套都有一啲唔同嘅花紋，而個盒就係特別繪製嘅插圖，全部都好靚，每盒入面仲會有一本小冊子簡介返呢幾集主要講啲咩，同埋有嗰集角色嘅人物設定圖，佢一盒入面有兩隻碟一隻係集數嘅blu-ray，一隻係嗰幾集嘅插曲， 仲有兩個收藏盒嘅插圖係由原作作者繪製，畫風同動漫入面有少少唔同，但係都好好睇。 仲有啲特典，一個係複製原畫，佢仲畀埋畫框，唔使另外再買👍 仲有六張明信片，分別係入面嘅主要角色，有一隻cd係一個額外嘅短片，有個特別設計嘅頭戴式耳機，雖然都係好靚，但係耳機內面嘅皮方便有少少裂咗，所以應該都會淨係收藏唔攞出嚟用，佢仲有一set 9張之前我另外買過嘅色紙，應該會一set收藏一set貼出嚟🤣推薦碼:keCxow1g7C
