由於國泰FUN FARE的關係,小弟係13年6月尾就去左一轉日本,目的地係比較冷門的 - 名古屋 由於係下午機的關係, 去到名古屋中部國際機場已經晚上八九時多 在機場出口處係有租借WIFI的店舖,我記得好似係差唔多港幣一百元一天,要即日使用,對於我晚上才到埗,感覺非常不划算,所以沒有購買(其實香港現時都有好多專門租借POCKET WIFI的供應商,或各大電訊商都有外地上網的PLAN) 鐵路什麼時候都要人在異地最安全及快捷的交通工具,機場出境大堂旁邊已經是名鉄線的機場站 那並不是香港的機場快線,只係會駛往機場的日本普通火車而已,名古屋站並不是終點,所以記得要懂得落車,就算唔識日文,看時刻表就知道現在身在何站了 票格有平有貴,有快有慢,基本上班次係好頻密,沒有劃位,唔怕無位坐或企,選擇好時間便可乘搭,不用預先購票 為便搭錯車及搞清楚自己坐咩車,旅行前望清楚交通資料係必要的,這也是旅行學習的一部份 日本火車並不是等於JR,JR只是日本火車的其中一種 以名古屋為例,除左有大家熟悉的新幹線、JR,還有主要行走愛知縣、岐阜縣的名古屋鉄道(名鉄)及主要行走大阪府、奈良縣、京都府、三重縣、岐阜縣、愛知縣2府4縣的近畿日本鐵道(近鉄),以及名古屋市內的地鐵 所以不論去咩景點或者搭咩車,一定要搞清楚係邊個鉄路的邊個站,否則根本上唔到車,尤其係名古屋依d大站...JR、近鉄、名鉄全部係埋一齊,真係要睇清楚先好買票入閘 由於沒有租WIFI,膽租租就拖住個喼,拎住張人地屋企的地圖走入名古屋市中心搵屋(之後再講何謂人地屋企喇)... 搵到差唔多大半個鐘,終於走入民間,到達時間係當地十一點半,待續~