火車比想像中寧靜及舒適，縱然我選擇係最平係三等卧床...大約一千一百盧布 上網買票有得選擇上下格，同樣價錢，當然選擇下格喇...所以呢，車票依D野，幾時都早D買好D 重點係莫斯科去聖彼德堡係有至少兩個唔同的莫斯科火車站出發往兩個唔同的聖彼德堡火車站 所以出發前記緊要望清楚你出發及到達的車站 我差D去錯車站... 以每天十幾廿班來回莫斯科同聖彼德堡的班次黎計，深宵車都咁多人，SO依條線都真係幾FULL下，建議大家真係早D買票 這個是俄羅斯高鐵的標記 由於經過莫斯科地鐵的特訓，聖彼德堡的地鐵可謂小兒科(回應上段文字，聖彼得堡係有好多火車站，不過最COMMON係PLOSHAD VOSSTANIA個個站隔係RR STATION) 聖彼德堡的鐵站，感覺上比莫斯科還要深，扶手電梯閒閒地要幾分鐘先落到月台，但明顯光猛D，無咁莫斯科暗沉 與莫斯科差唔多，基本上比較著名的重點名勝在集中在市區，而且係步行範圍以內，乜乜博物館、教堂等都係與附近的公園、商戶和民居共存...依D先叫，活化、保育嘛...香港，唉... 聖彼德堡最出名的博物館，莫過於 ' 西宮' The Winter Palace and the Hermitage Museum 真係好大好大呀.........這個building 只係西宮的四分之一 懂得藝術或歷史的朋友，我強烈建議你地要預最少半日的時間在內尋寶，真係大到好誇張(不過據聞歐洲個d國家級博物館都係有番咁上下大)，我係入面極速行晒，都只少用左兩個幾鐘 入面以有三大層，以每一個國家黎分館，英、俄、德、法、中東、以至古希臘個D都有 為左趕及四點半前去到Peter and Paul Fortress，便急急腳沿河邊行橋過對岸，嘩............d 風大到呢...仲係勁過香港八號風球，但係天色真係好靚 由於聖彼德堡的建築物有高空管制，所以遊客看到的天空會特別大，d 雲特別多...另外，因為緯度的關係，太陽會特別矮架.......唔會係頭頂架 最終都係趕唔切去到售票處，唯有望門輕嘆
